زوجي طردني

السلام عليكم


راح اعطيكم نبذة عن وضعي، راح احاول اختصر الكلام قد ما اقدر
انا متزوجة من سنتين ونص بدون اطفال
انا طالبة إنتظام تخصص مختبرات، وزوجي يشتغل عمل حُر و عمله ممتاز
كنت شارطة بعقد الزواج سكن مستقل، الدراسة و العمل
من بداية علاقتنا تنازلت له عن امور (وفهمته ان هالشي مؤقتاً) مثل ان شقتي بدون مدخل مستقل و مو كاملة معطين اهله غرفة وحمام منها
وانا انسانة ما تهمني المظاهر واحب اعتمد على نفسي بأغلب اموري وولا اكلف عليه واحب الحلول الوسط
انا مو مقصرة مع زوجي بشغل البيت وهو دايم يعترف إني ادلعه واراعيه
مشاكلنا على :
- الاطفال، وانا رافضة لان مالهم مكان بالشقة أولاً ولاسباب ثانية - مع إني مؤخرا تنازلت وقلت خلاص نحاول بس لسه ماحملت وهو زعلان من هالشي
- المصروف، في فترة الملكة كان يعطيني 500 بالشهر وبعد زواجنا قال خلاص انتي عندي واللي تحتاجيه اجيبه ووافقت لكن الآن ما يعطيني الا بطلعة الروح!
بالنسبة للمصروف اقترحت عليه اقتراحات كثيرة وكلها رفضها، مثل يعطيني مبلغ مختلف كل شهر حسب امكانياته لكن لازم يعطيني لو على الاقل 300 ريال، او انه يشتغل بالصباح لو سواق، او نطلب مساعدة من ابوي ونفتح لنا مشروع انا اساعده بإدارته
هو دايم يمن علي اقل القليل، ويشوف كل شي غير الاكل والللبس مو من حقي
دايم ينتقد اهلي عندي ويقول كلام عيب ينقال، بس معاهم يكون انسان مختلف واهلي يحبوه
اذا زعل مني يهيني ويطردني ويرمي علي كلام، ومره قال لي انتي طالق ورحت بيت اهلي لكن رجعت ولا تغير شي
وانا احاول اكون عاقلة واعامله بأصلي الطيب لكن هو يشوفه ضعف يخليه يتمادى

اللي صار الحين ان انا قررت اشتغل عشان اجيب لنفسي مصروف، توني بديت من اسبوعين اخلص دوامي من الجامعة و اروح من العصر للمغرب ادرس دروس تقوية لغة انجليزية، ارجع اخلص شوي من شغل الشقة واذاكر او اكتب بحوث الجامعة .. وهو اصلا من 3 العصر ل 10 بالليل مايكون بالبيت يعني ماراح يحس بشي متغير، راح يطلع لدوامه وانا موجودة وراح يرجع ويشوفني موجودة
طبعا انا قلت لزوجي إني بشتغل وقلت له وين .. وهو سكت عني .. انا متعودة اذا سكت يعني سوي اللي تبيه
اول اسبوع عمل لي، هو يوم الاربعا يكون اجازة له، رجعت من الجامعة لقيته نايم وخليته يرتاح، بعدها بساعة جاني السواق ورحت لعملي
بعدها بربع ساعة اتصل علي سألني وينك؟ قلت له رايحه العمل، هاوشني وليش ما قلتي لي وكأن انا هنا مالي داعيوخلاص روحي بيت اهلك لا ترجعي الشقة! قلت له بس انا قلت لك .. طااخ سكر بوجهي
انا طنشت الموضوع تعودت على اسلوبه الهمجي ونويت إني ارجع واحل المشكلة بيني وبينه مثل عادتي
شوي الا امي متصلة تقول ان زوجي قال لها إني ما قلت له إني بتوظف وإني طلعت من غير اذنه !! -- وولا قال لها انه طردني
وامي قالت لابوي السالفة واتصل علي يقول لي كلميه الكلمة الطيبة وخليه يلين معاك ويرضى
وانا فهمت اهلي اللي صار وقلت لهم الحقيقة وحسيتهم ماصدقوني على طول

انا رجعت الشقة اول ماشافني عطاني ظهره، رحت مسحت ع ظهره بيدي ودرت له مبتسمة، هو ما تحمل وابتسم وبعدين قال مو انا قلت لك روحي بيت اهلك لا تجي! وش جابك!
قلت له ما اقدر اخليك وحضنته
قال هذا بس كلام انتي ما تحبيني وانتي وانتي وجلس يهدر هدرة طووووويلة وانا هااادية واقوله ماله داعي هالكلام واللي تبيه بسويه الحين بس قول لي
قال انا خلااص ماراح اعطيك فلوس للسواق - وهو من اول زواجنا يمن علي بفلوس السواق 700 ريال-
قلت ليش؟ قال ماعندي فلوس
قلت تو الحين صار ماعندك فلوس لما انا توظفت؟! واذا تركت الوظيفة بكون عندك؟!
قال لو ايش تسوين ما راح اعطي السواق
قلت له اوك .. !!
قههر يا بنات زوجي يذلني على فلوس، وانا دايم اراعيه .. طيب خلاص انا استسلمت انت ماتبي تعطيني مصروف خاص فيني مو لازم، بس بعد تمنعني اجيبه لنفسي ليييشوهو ما راح يضره شي!
بعدها بيومين ابوي تقابل مع زوجي بالصدفة وعزمه ع الغدا !!!
ورحنا ولو تشوفو كيف امي كااانت تعامله وتكرمه وطبخت له بنفسها بدل الطبخة ثنتين ووحده منهم خربت وعادتها عشانه !!!
انقهرت وعصبت واتصلت على امي يوم ثاني ومن القهر رفعت صوتي
اقول لها كييييف يطردني وانا اسمع كلامكم واصبر على بخله والصبر مُــر ، وانتي عادي عندك وفوقها تعزموه وتكرموه
كأنكم تقولو له عارفين بنتنا اذتك واحنا جايين نعوضك !!!
وطلبت منها يعزموع مرة ثانية بس هالمرة ويكلموووووه ويعاتبوووه عشان ما يعيدها
وابوي رفض وقال كلشي بالكلمة الطيبة يمشي وماله داعي يجيبه ويحاسبه الحين
اول امي تتصل عليه وتكلمه مثل ما اتصل عليها وبعدين اذا ما فاد ابوي يتصرف

امي كلمته امس، وهو يوم اجازته، وهو كان برا الشقة يخلص شغله مع اخوه وطبعاً مثل ما قلت لكم زوجي مع اهلي انسان ثاني وكان متعاون وراضي وقال بعطيها مصروف وكلشي
لما رجع قلت له شرايك نطلع نتمشى ابي اروح مول
قال ماعندي فلوس! وانا مابي اروح تبي تروحي روحي بكره مع اهلك واصلا وش تبي تشتري؟!
قلت له ابي اشتري اثواب بيت قصيرة نعومة ومريحة، وابي كوب للكوفي اطلع فيه للجامعة، و محفظة صغيرة ماعندي للبطايق والفلوس .. حتى مره طاحت باقتي الاحوال وشافها رجال يعرف اخوي ورجعها! ونفسي بحلاوة الجيلاتين اللي تنباع بالمولات وابي ملمع اظافر
قال تروحي تشتري محفظة ب100 ريال وهي ما تسوى وجودتها ضعيفة وتلقي بدبي احسن منها وارخص -هو دايم يروح يجيب بضايع-
قلت اجل ودني دبي، قال انا عندي فلوس لشخص واحد بس تبي تروحي عندك راتبك ادفعي!
قلت وين فلوسك!؟ قال الشغل تعبان ماعندي تبي تروحي المول اوديك بس مافي عشا!
قلت طيب هالشهر الشغل تعبان وين فلوس الشهور اللي فاتت وانا مارحت مكان وولا صرفت شي؟!

قال خلاص انتي تبي المشاكل وتبي عوار الراس يلا تبي تروحي يلا اوديك
قلت يعني مافي لي عشا!؟ قال الا بشتريلك عشا
قلت كيف من وين الفلوس؟
ابتسم وقال عندي عندي
انقهرت قلت يا تصدقني القول من البداية يا لا تتكلم!
قال انا اسويلك اختبار وشوفي وش سويتي

يا عالم، كل اسبوع اختبار؟!
ططيب ليش ما يذكر الاختبارات اللي سواها و نجحت فيها !! < كأني بمدرسة
تنازلت عن سكني المستقل
مره قدمت له هدية بعيد زواجنا وقال لي بس انا ما جبت .. قال عاادي وجودك جنبي احلى هدية
احيان يعطي يوم اجازته لغيره وهو يروح يداوم وما يطلعني وعادي ما ازعل
اشيااا كثير بس مستحيل يذكر الطيب مني

غصب غصب هالانسان يبي يطلع أسوأ مافيني وبعدين يمسكها علي ويشتكي علي عند اهلي ويطردني وفوقها يقول لهم بنتكم ما تحبني
خييييير !

ورفعت صوتي وانا منفعله الجوال بيدي انرمى
قام اخذه من الارض وقال وهذا انا اصلا اللي شاريه ورماه بالجدار وكسره تكسر
من قهري بعدته عني ودزيته وماذكر وش الكلام اللي انقال
وطلع من الشقة كلم اهلي يجوني ياخذوني
و جوني وطلعت !!

انا غبية لاني سمعت كلم اهلي من البداية ان الكلمة الطيبة تسوي المستحيل
وان الزوجة العاقلة تجلس ببيتها وتحل مشاكلها بس بينها وبين زوجها
واذا غلط عليها تسامحه وتصير هي صاحبة القلب الكبير و العقل الناضج
لا والله رزوجي ماينفع معاه الا العين الحمرا
المشكلة الحين لما اهاوشه ويزعل مني يشتكي عند اهلي
واهلي يقولو لي شفتي كيف اسلوبك غلطانه لانك ترفعي صوتك عليه !!
على الاقل رفع الصوت طبيعة انسانية ونتيجة طبيعية للكبت اللي عايشة فيه
بس الطرد والاهانه اللي يعاملني بها هذي وشو !؟



لو ما هو يحس اهلي بيوقفوا معاه كان ما اتصل عليهم
بس اهلي مو راضيين يفهمووني و يصدقووني
لان زوجي معاهم انسااان ثااني


والحل يعني