عواطف تركي :

اسألك بالله انتي مقتنعه ان اللي صار بينكم يستاهل طلاق وطلعه من البيت ؟ طيب فكرتي لو انك اخذتي بثأرك منه وانتقمتي بالطلاق طيب وبعدين ؟ مجرد انتصار مؤقت لمشاعرك وشموخك وكبريائك اللي في غير محله ثم بتنصدمين بالواقع اللي حطيتي نفسك فيه وبتلومين نفسك كثير كل ماشفتي طفلك ضايع ومتشتت كل الناس عندهم بيت وأم وأب الا هو الكل يشوته وحتى انتي بتفقدين زوجك وفجأه بتشوفين ايجابياته الكثيره مقابل هالتصرف الصغير اللي حصل بينكم وخذيها مني وانا شبه متأكده ان اللي بينكم شي تافه ويصير بكل بيت لكن انتي وزوجك سمحتوا للشيطان يدخل بينكم وكبرتوها واثنينكم عصبتوا واخذتكم عزة النفس وسوء التصرف ويفترض لما رجع زوجك للبيت خلاص تكون اعصابك هدأت وتداركتي الموضوع ولما عصب وقال اطلعي يفترض ماتطلعين بس روحي عن وجهه الى ان يهدأ يمكن يبي يرد اعتباره لانك رميتي فلوسه بوجهه ويبيك تحسين بغلطك اقلها كوني ذكيه وخلي بينكم باب نقاش وحوار بعد كل هوشه عشان تكون باب للترميم والترقيع والاعتذار وتصفية النفوس وتلقين لك عذر انك معصبه بسبب انتظارك الطويل وخلاص تنتهي السالفه عموما حالياً ممنوع تتخذين أي قرار اتركي اعصابك تهدأ ثم لازم شخص عاقل وحكم يدخل بينكم يسمع منك وش اللي بخاطرك ثم يسمع من زوجك وش بخاطره ثم يجمعكم وتتناقشون نقاش محترم هادي وتصفون النفوس واهم شي هالحكيم اللي بيدخل بينكم يعرف كيف يحلها ومايركب اي شخص فيكم الخطاء والتقصير عشان محد يحس بالانكسار ويكابر الحياه محتاجه احيانا نكبر عقولنا ونرخي لان حياتكم ماعادت ملك لكم صارت ملك لاطفالكم اذا على هوشه تافهه لبستي عبايتك ورحتي لاهلك اجل وش تركتي للامور الكبيره والضرب ؟ الله يصلح قلوبكم ويجمع بينكم على خير

اسألك بالله انتي مقتنعه ان اللي صار بينكم يستاهل طلاق وطلعه من البيت ؟ طيب فكرتي لو انك اخذتي...