الْسَلآإمّ عَلْيّكَمُ وٍرٍحَمُةٌ الله وٍبُرٍكآإتَه
بدون مقدمات انا وزوجي علاقتنا متوتره لها كم يوم عاد هو طبعه زعووول زعل مني بس عشان مرت اخوه ولدت وهي بمدينه ثانيه وقريبه مننا حيل وانا طيبه معي ماشفت منها الا كل خير ولكل زارها الا انا طلبت زوجي اروح ازورها وارجع بنفس اليوم عشان ماكلف عليه وقام يتعذر ومامعي فلوس وهو قادر لو مو قادر ماطلبت ودايم يسير لخوه ويرجع رايح جاي وانا كلمته بسلوب لكن قلبها علي وزعل وانا والله ماغلطت بشي وله كم يوم زعلان وانا قايمه بحقوقه كامله بس مانكلم بعض المهم اهلي جايين بالاجازه وانا كنت عند اهلي ولقيت له مكالمه اتصلت مارد رحت للبيت لانه جنب بيت اهلي ودخلت لقيته سالته لقيتلك مكالمه امر قال كنت ابي شي لكن خلاص جلست احوس فبيتي ودخلت غرفتي لقيته يرتب شنطته !! سالته وين قال بسافر قلت وليه ماتخبرني ماني زوجتك ولي حق اعرف قال كنت بقولك دقيت عليك ومارديتي قلت طيب سالتك وقلت مابي شي سكت قلت طيب وين بتسافر قال لخوي اللي كنت اطلبه اروح يتعذر مامعي فلوس قلت طيب انا كنت اطلبك اروح وتقول مامعي شي قال لقيت سلف وابي اروح عصبت حيل اسلوبه مستفز وحركاته معي تقهر رحت ارتب البيت بززعل وجاني وقال انا ابي امشي لكن مابي ارجع واشوف رقعة وجهك بالبيت لمي اغراضك وروحي مع اهلك ونزلي المفتاح عند امي انا قلت ان شاءالله ابشر وطلع ومن بعدها لا اتصال ولا اي شي بينا ولا خبر اهله بشي ولا اهلي بينت لهم شي وش رايكم بنات تكفون كل وحده تنصحني مثل اختها وش اتصرف اخبر اهلي واخذ اغراضي و تصير سالفتي على كل لسان ولا اسكت واكتمها واجلس بيتي لين يجي ماني قادره افكر لمعلوميه هو طبعه عصبي وزعول ودايم يضايقني ويتحسف بسرعه لكن الحين سافر واحترت وش التصرف الحكيم

قنآعة فكر @knaaa_fkr_1
عضوة جديدة
يلزم عليك تسجيل الدخول أولًا لكتابة تعليق.

لا يا قلبي خليكي في بيتك ولا تفرحي فيكي الشيطان انتي قلتي زوجك طبعه زعول ولو كل وحده شالت عفشها وراحت لاهلها عشان كلمه ما كان استمرت الحياه بين الزوجين طولي بالك وروقي وهدي من نفسك وربي يريح قلبك ويوفق بينكم

يمكن لما اتصل عليكي كان بيقولك تسلفت يلا مشينا لبيت اخوي
وعصب انك مارديتي وبطل ياخدك
قالها لحظة زعل طنشي بيرجع رايق وينسى لاتخربي بيتك عشان سبب تافه
لارجع لاتكلمينه وانشغلي فبيتك ولاتجلسي معاه
اذا عادلك موضوع خرجتك من البيت خلاص روحي لاهلك
اذا سكت معناها عرف غلطه
وعصب انك مارديتي وبطل ياخدك
قالها لحظة زعل طنشي بيرجع رايق وينسى لاتخربي بيتك عشان سبب تافه
لارجع لاتكلمينه وانشغلي فبيتك ولاتجلسي معاه
اذا عادلك موضوع خرجتك من البيت خلاص روحي لاهلك
اذا سكت معناها عرف غلطه


أسلوبه طفولي!
الله يعينك
الحين انتي اقعدي في بيتك ولا تخلين مجال للشيطان بينكم
أتوقع إن الرجال بيتحسف على كلمته وبيندم عليها،،، بس هو كان معصب
هذه نصيحتي بالنسبة للموقف الأخير
لكن هذا ما راح يحل مشكلتكم
على المدى الطويل كيف بتعيشون مع بعض؟؟؟
مهي بحالة كل يوم بيقول لك روحي ولا مابي أشوف رقعة وجهك!!
الله يعينك
الحين انتي اقعدي في بيتك ولا تخلين مجال للشيطان بينكم
أتوقع إن الرجال بيتحسف على كلمته وبيندم عليها،،، بس هو كان معصب
هذه نصيحتي بالنسبة للموقف الأخير
لكن هذا ما راح يحل مشكلتكم
على المدى الطويل كيف بتعيشون مع بعض؟؟؟
مهي بحالة كل يوم بيقول لك روحي ولا مابي أشوف رقعة وجهك!!
الصفحة الأخيرة
إذا مو مطوّل لاتتسرعين خليك في بيتك ومثل ماقلتِ إنه يتحسف أكيد لين هدت أعصابه بيندم ويعتذر ويراضيك لكن لو رجع وماحصلك في البيت بيصعب عليه الاعتذار وبيتوقع إنك قايلة لأهلك عن اللي حصل وبيخجل يقابلهم وهو طاردك من البيت ، عكس لارجع وحصلك بتكون المهمة أسهل عليه وصدقيني دايم اللي بعيد عن العين بعيد عن القلب ، الله يحلها بينكم ويصلح أحوالكم على قبالة هالشهر المبارك .