زوجي طردوه من وظيفته و السبب امه

ما احلل اي واحده تدعي او تسب زوجي او امه ، مكتومه و ما عندي غير عالم حواء مكان اشكي فيه همي
قبل ثمانية اشهر ابو زوجي تعب و تنوم بالمستشفى اسبوعين و وقتها جا زوجي قال لازم نسافر عند اهلي و اكون معهم وانا وافقت، اخذ اجازة شهر من الدوام ، سافرنا و جلسنا معهم و لما خلصنا الشهر و ابو زوجي تعافا بس لسه فيه شوية تعب ، هو كبير في السن و مقعد ، الله يرفع عنه و يشفيه شفاء لا يغادره سقم ، و قبل سفرنا بايام حسيت زوجي مقلوب حاله مبين عليه من وجهه الضيق و انه في شي ، و يوم السفر و قمت اتجهز و الا يجي يقولي ما راح نسافر و انا لسا ما تطمنت على الوالد ، قلت يا ابن الحلال انا ما عندي مانع بس انت ملزوم بدوام ، قال اكلمهم و امدد الاجازه كم يوم قلت تمام، و يوم يسحب يوم ، صار شهر و الحمدلله صار ابو زوجي و ضعه مستقر ، قلت لزوجي خلاص مشينا ، قال الشغل عطوني اجازة ثلاثة اشهر و انا بجلس هالشهر الباقي عند اهلي ، و انتي معاي اهلي كانو مسافرين و بيت اهلي مسكر ما عندي مكان اروح له ، طبعا انصدمت لا يبغى نقاش و لا يبغى يتكلم يروح من نفسه يغير الحجز و يجي ، كانت اول مرة اجلس عند اهل زوجي ، عطوني غرفه، الحمام مشترك، الاكل ام زوجي ما تخلي احد يدخل غيرها المطبخ. الله يصلحها ما تخلي فيه اكل يكفي ، مت من الجوع و نزل وزني بصورة واضحه ، تخبي الاشياء و تسكر باب المطبخ بالمفتاح قبل لا تنام ، خلت غرفتها و صارت تنام بالصاله علشان تشوف من يروح و من يجي و لو بروح الحمام قالت يافلانه بتروحي الحمام ، مرت علي ايام مدري كيف تحملتها بس الحمدلله مسكت اعصابي و قمت بابو زوجي و عملت الي اقدر عليه لوجه الله ، ام زوجي رافعه يدها من خدمة ابو زوجي تماما ما ادري ايش السبب بس حتى ما تدخل غرفته ، و زوجي طلب مني اساعده فيه رجال كبير و مريض و الحمدلله ربي من علي و ما قصرت ، اكيد بتقولون ما عنده اخوات زوجك او اخوان ، بقولكم عنده اخت متزوجه و في مدينة غير عن اهلها و عنده اخ و اختين صغار في المدرسه لاهين و لا لهم علاقه بشي، انا حاولت اتفهم الوضع قلت من باب البر بالوالد و لانه الكبير شايل الهم و قلت فترة و تعدي
الي صار بعدها رجعنا الرياض و هنا المفاجأه، فصلو زوجي من العمل لانه تغيب شهرين ، قلت مو انت قايل اجازه قال اول شهر اجازه و بعدها رفضو الاجازه بس انا اصريت اخذها تمديد و ما توقعت بيفصلوني ، انجنيت قلت ليه طيب ما قلت ، قال خلاص كانت عندي اوامر عليا اجلس هناك ، قلت خير مين عطاك الاوامر ، قال والله امي قالت لو انت تبر فيني تجلس لين ما اقولك روح لو رحت انا ما اسامحك، قلت طيب انت كلمتها انه بتخسر و ظيفتك قال ايوا كلمتها و قالت مو مهم بس تجلس عندي و اصرت اجلس ، قلت ربي حسيبك و حسيبها في الي صار ، و انا مثل اللعبة ما عند رأي. تخيلو وبيني و بينها لما نجلس تقولي زوجك من زمان انسان كسول و ما يحب العمل و ليش ما رجع لوظيفته ، و انا يا غافلين لكم الله ، كنت ارد عليها و اقول بره و عنايته بابوه مالها مثيل و ان شاء الله له الاجر و اذا خلصت الاجازة يرجع ، بعد ما رجعنا الرياض حصل و ظيفه براتب قليل يخلص من اول اسبوع في الشهر و صاير عنده احباط ، بس يقولي اشتقت لاهلي متى تجي الاجازة اروح عندهم ، مع انه حتى قبل ما يتزوجني بكم سنه كان عايش بعيد عن اهله بسبب ظروف العمل ما ادري ايش الجديد ، و الى اليوم حالنا من سيئ الى اسواء، ولو تكلمت قال انتي ما تحمدي ربك على نعمة الامان و البيت و اكلك عندك و الله يا بنات ، من كم شهر الاساسيات الي عند اي زوجه ما هي عندي. لا عطر و لا شامبو و لا كريم جسم و لا مزيل عرق وووووو اشياء كثيرة ، الحمد لله حامده ربي بس بداخلي فيني غبنه من تصرفه و تصرفها و كيف استغفلوني، ما اطيق اسمع اسمها او صوتها ، و الادهى لو حسيت بضيق من الوضع قال انتي عمرك ما قدرتي ظروفي وانتي وانتي ، و انا ارد عليه ما اسكت بس والله اني ، مقهورة منه.
عارفه الرزق مهو من عنده ولا من عندها ، من عند ربي و ان شاء الله بتعدل الحال بس بعض المواقف و الكلام يجرحنا جرح عميق ما يبراأ