زوجي طرد ولدنا

السلام عليكم
عندي ولد عمره ١٨ سنة
كان مجننا انا وابوه بتصرفاته وكذبه بعض الاحيان
علته كانت انه يده طويلة ياخذ فلوس مني او من ابوه دون علمنا وكشفناه اكثر من مرة
قبل ٤ ايام زوجي الله يهديه كان تارك مبلغ كبير بالبيت ونسى وين حطه 😕😕
لما فقده اتهم الولد بسرعة لانه اكثر من مرة سواها وشال فلوس
والولد يحلف بالله وجاب قرآن وحلف عليه انه ما اخذ ريال وابوه كان متهمه وصار جدال وضربه وطلعه برا البيت وهدده اذا مارجع المبلغ بياخذه للشرطة حد ماظهر الحق ولقى المبلغ طلع شايله بمكتبه وناسي الامر وحطها براس المسكين واعتذر منه وايش فايدة الاعتذار بس ابني زعل وتكدر خاطره ورفض يرجع من ٤ ايام لي نعرفه انه نايم عند صديقه ورافض يرجع و عطاني بلوك انا وابوه
كلمت اخوه الكبير وراح كلمه وعرف مكانه وحاول يرجعه رافض اليوم كلمناه انا وابوه
ابوه عصب وهدده اذا مارجع بيجيب له دورية شرطة والولد تطاول علينا بالكلام وقال هو بيشتكي على ابوه وقفل بوجهنا وطرد اخوه من الاستراحة كلها
مرضت بسببه ماقدرت على فراقه انا وابوه كلمته قلت يرضيك امك
قال اي تحملي ظلمتوني وطلعتوني حرامي ماعاد تشوفين وجهي طول حياتك وقفل السماعة وطلع من الاستراحة عشان زوجي مايجي
اعتذر منه ابوه وقاله لي تبغاه يصير بس ارجع وهو رافض 😭😭😭