زوجي طططططفشني تصرفاته غريبه

السلام عليكم
بنات وربي اني طفشانه وما احس احد مثلي حتى صاحباتي
ماشاء الله شخصياتهم مثلي بس حياتهم حلوه مع ازواجهم
ولما افضفض لهم يقولون طنشيه وعيشي حياتك انا ماتكلم الا لثنتين من صاحباتي
الباقي مااثق فيهم
المهم زوجي احسه غريب طفشني بتعامله ومايعاملني كزوجه مايرحمني انا حامل فالثالث وطفشانه ولاعليه اليوم تعبانه يقولي انتظري موعدك هو بعد يومين
وربي اذا كان مروق وطيب احسد نفسي عليه اما اذا انقلب يقلب علي الشيطان الرجيم
قبل كم يوم ابغى شنطه لي قالي معك 150 مافيه غيرها وماعندي هو عنده ظروف ماديه وانا مراعيته
المهم نزلنا حصلت شنطه 280 وخذاها لي قلت انت قلت مبلغ محدد قال لانفسك فيها خذيها ولما رجعنا السياره قالي الله يعوض علي ومدري ايش قلت طيب ليه تشتريها يعني مايبغى يشتري لي شي يمكن راعيت ظروفه زياده وتعود هذا موقف
الموقف الثاني بكره مواعديني ضيوف وقبل شوي اكلمه ع الاغراض قالي بصوت عالي الحين وقته بكره كلميني لاجيت طالع من الدوام جيت عنده قلت انت ليه تعاملني كذا ولاترحمني ومتغير
قام عصب ويخاصم قالي ماني متغير ولا شي انتي كل شي تفسرينه ع كيفك
وانا وربي حركاته تقهر معي وباين قاصدها
ويمكن مافهمتوني ماني عارفه اشرح المشكله اصلا من التوتر
والله هو مو زي كذا ابغاه يعاملني بحب زي اول واحترام احسه مو طايقني
نفسي اروح لاهلي وارتاح منه شهر
فهمووووووني انا مكبره الموضوع مابغاه يعاملني كذا