السلام عليكم
يا بنات زوجي طفشاااااااااااااااان مني ومن البيت .. كل تصرفاته تدل على انه طفشان 24 قراط
الصباح احط له الفطور ما يذوقه مع انه اول راعي فطوووووور غيرت له وشكلت له بلاطباق والمواعين حتى جتني فتره احط له كل يوم ورده بصينية الفطور ولا جابت نتيجه يمشي ويترك فطوري
اذا راح الدوام ما يدق على ابداااااااااااا مستحييييييييييل واذا دقيت عليه ما يرد الا بعد 4 او 5 مسد كول
اذا جا من الدوام ما يقول الا جملتين : 1- السلام عليكم 2- حطوا الغدا
وانا استقبله بالعصير البارد والغرفه نظيفه ومرتبه ومبخره وبااااااارده واستقبله كل يوم بجلابيه حلوه بس ما يشوف ولا شي من هذا ... واستقبله بابتسامه واذا جيت احظنه يدفني :44: عشان كذا بطلت الاحضان وهالحركات
يتغدى كانه ابو الهول ما يقول ولا كلمه لا معاي ولا مع العيال
يدخل ينام واذا صحى يطلع حتى مع السلامه ما يقول واذا لحقته للباب اودعه يسكر الباب وما يلتفت علي :icon33:
واذا ما عنده طلعه يجلس بالغفه على النت وما يطالعنا لا انا والعيال وكانه عايش بالبيت لوحده وياويلي لو قلت يطلعنا او يجيب لنا شي
الغريب يا بنات لو يجيه تلفون وهو في البيت تعلوا شوفو كشرته يضحك ويستانس ويسولف بالساعات
قلت في نفسي يا بنت البعد يجيب الشوق .. وقلت ابروح انا والعيال مع اهلي بمزرعتهم قال مع السلامه تصدقون يا بنات ما قال متى بتروحون ولا متى بترجعون ولا من بيوديكم ولا تحتاجون شي كانه ابو الجيران ماله علاقه فينا
المهم طلعنا وهو كان بالدوام وانا تركت له على السرير ورده ( وش اسوي رومانسيه خخخخ ) ورساله فيها صور عيالي ومكتوب فيها بنشتاق لك يا حبيبنا الغالي
وانا اروح للمزرعه ونوصل وادق عليه ما رد وارسل له رساله اننا وصلنا بالسلامه ونقعد وياذن المغرب ويأذن العشا ونتعشى وينامون العيال وهو لا حس ولا خبر وانا يوم جيت ابنام دقيت عليه
رد علي وهو فيه النوم قلت له وين الناس لا تسال ولا شي قال شفت رسالتك خلاص تكفي
انقهرت منه مرررره :mad: وقلت له تصبح على خير وتركته لا عاد كلمته ولا راسلته وهو نفس الشي
4 ايام وبعدها رجعنا للبيت والاقي الاخ نايم ... لا سال جينا ولا رحنا ولا حتى قلق علينا والله مررررررره ضايق صدري مدري وش اسوي معه عيشه تقصر العمر
واللي قهرني زياده ان اختي كانت طالعه معنا للمزرعه وكل ساعتين يدق زوجها وهات يا سواليف وضحك ... ويوم رجعت لبيتها لقت زوجها مجهز البيت بالمقاضي وجايب كيك ومحتفل فيها وفي عيالها
وانا حسره علي مالقيت الا صامولي معفن وقواطي بيبسي فاضيه واكياس هرفي وزبايل
الحمد لله على كل حال :icon33:

كيلو ورد @kylo_ord
عضوة فعالة
يلزم عليك تسجيل الدخول أولًا لكتابة تعليق.


نورية ~
•
الله يكون في عونك ويرد لك زوجك ويسخرهـ لك .. ،
يمكن فيه مشكله متضايق منها أو في العمل صارحيه بـ اسلوب مناسب ووقت مناسب ولا تيئسين ..
الرجال مزاجاتهم متقلبه تحمليه واحتويه ولا تخلين لـ الشيطان مدخل بينكم وان شاء الله أموركم من حسن لـ أحسن :)
يمكن فيه مشكله متضايق منها أو في العمل صارحيه بـ اسلوب مناسب ووقت مناسب ولا تيئسين ..
الرجال مزاجاتهم متقلبه تحمليه واحتويه ولا تخلين لـ الشيطان مدخل بينكم وان شاء الله أموركم من حسن لـ أحسن :)

اللهم لك الحمد ولك الشكر000
ياقلبي قلبك ،يمكن زوجك يمر بضروف صعبة ،أو حاله نفسية عابرة ، أصبري وكثري ألإستغفار والدعاء 0 يارب رده لها ردا جميلا ((آآآآآآآآآآآآآآآمين ))
ياقلبي قلبك ،يمكن زوجك يمر بضروف صعبة ،أو حاله نفسية عابرة ، أصبري وكثري ألإستغفار والدعاء 0 يارب رده لها ردا جميلا ((آآآآآآآآآآآآآآآمين ))

الصفحة الأخيرة
أختي عليك بالدعاء والقرآ ن وبإذن الله راح يتغير ..
الله يوفقك دنيا واخره