من ناحيه مشكله زوجك شكله يقول لك هالكلام عن الحريم على باله اللحين قمه خفه الدم ..والله اعرف واحد كذا حتى مع كلامه هذا يردد انه بيتزوج وصار جد وهو يقول بتزوج ويتغزل والله يغفر له ويرحمه توفي وهو لا تزوج عليها ولا شئ واعياله من احسن ما يكون وزوجته كل ما تذكره تبكي والله انها تقول الله لا يحرمه الحور العين لانها تعوده عليه حتى كانت تضحك وتستهتر فيه اذا قال شئ يعني تقلبها عليه من دون ما تعصب وكانوا عايشين ومبسوطين
...الشاهد من هذا الكلام انك ما تدققين على كل كلمه يقولها خليه ولا اقلبيها عليه بضحك او نصيحه تكون خفيفه عليه واذا ما تتحملين اسكتي واستغفري بدون عصبيه عشان ما تقلب السالفه عناد واثارة اعصاب....
والحمد لله ان زوجك رجع بس شكلله للان شايل ومتضايق
انتي اتركيه على راحته وحاولي ما تكونين بوجهه اذا دخل او طلع بالفتره هذي
وخليه اذا شافك ما يشوف منك الا اللي يسره
واذا حسيتي انه ابتدأيضحك ويلعب مع اعياله واعصابه هدت ابتدي معه صفحه جديده
والله يسخره لك ويحننه عليك
واذا كل زوجه دققت على اعيوب زوجها وجابت الشرعي والغير شرعي والله ما راح تلقين اطفال عايشين بين امهم وابوهم ...
والله يهديه ويسخره لك ...

الله يسخره لك ويهديه ويصلح ما بينكم يارب .... عليكي اختي ( بالصلاه وقيام الليل و قراءه القران والدعاء ) من جد ومن تجربه مو كلام يكرر و ينقال فعلا حل للمشاكل وراحه نفسيه وسعاده غريبه ,,,,

المهم ,,, انتي عرفتي طبع زوجك ما يحبك تناقشينه بمواضيع مثل كذا خلاص لا تجيبين له اي طاري ,,, ادعي الله انه يهديه ,,,, لكن كل ما تكلم بهالكلام الي ما يعجبك عن الحريم اذكري له حديث او ذكريه بعذاب القبر وروحي عنه وخليه

الحمد لله انه رجع شوي شوي تهدى الامور بس لاتعاتبينة

طيب ليش ماتجلسين معه جلسة حوار تحلون فيها المشكله طبعا جلسه وديه تكونين أعددتي لها مسبقا

ويعلمك باللي مزعله وانتي بعد قولي له اللي مزعلك


لحل اي مشكله لاااااااااااااااازم من المواجهه والمصارحه

اذا بقيتي مطنشه هو بعد بيطنش ,,,,,,,,وبعدين الى متى؟ شهر شهرين ؟ سنه سنتين؟

الرجل ماعنده مشكله يطنشك الى مالا نهايه

وكله على حساب نفسيتك وصحتك

حاولي تتحرشين فيه من بعيد لبعيد ،،، طبعا بشكل لطيف ودلع وحذفي عليه كلام حلو

او لاعبي اطفالك وقولي لهم كلام حلو وخلي الاب يسمع وانتي تقصدينه بالكلام


لا تنطشين مره مره ولا بعد تحذفين نفسك عليه مره خليك وسط

وطلب للحوار من اجل حل المشكله ما أتووقع انه بيكون من باب الاندلاق عليه لا بالعكس انتي بتحلين مشكله في حياتك

ترا اسلوبكم اذا بقيتوا كذا مع بعض بيأثر على نفسية أطفالكم

وبعدين الله يستر اذا ماكانت هالسالفه والزعله عشان يقول انا ابي اتزوج لاني ماني مرتاح بحياتي

يمكن والله

بس انتي لا تستكتين عالوضع كذا

يااختي طنشييييييييييييييييييييييييييييييه

مشكلتنا نربط فرحتنا وسعادتنا بهالرجال اذا صار مبسوط انبسطنا واذا زعل تسكرت الدنيا بوجيهنا

ليييييييييه؟؟؟
لازم تكون سعادتي منبعها انا وليس هو
خلي نفسك اول شيء كوني أنانيه حبي نفسك يااختي ودوري على اللي ينور وجهك ويسعده
بتقوية علاقتك بربك اول شي بالذكر والاستغفارولاتخلين صلاة الليل وادعي ربك
ربنا هب لنا من ازواجنا وذرياتنا قرة اعين واجعلنا للمتقين اماما
رب اني مغلوب فانتصر
اقري القرآن وخصوصا سورة البقرة يوميا لها مفعول عجيب

اهتمي بنفسك وشكلك ماهولزوجك وبس ...لا ..عشانك انت تكونين راضية على نفسك...عشان صحتك
وسعي صدرك مع عيالك ...مع اهلك.... مع صديقاتك

ووسعي صدرك باي وسيلة...اشغلي نفسك عنه بأي شي بكتاب ..مجلة..بمكالمة تلفونية مع صديقتك او امك وخلي الضحكة توصل لحد عنده وهو بالمجلس...

لاتلاحقينه.....سوي واجباتك كاملة .وابتسامتك شاقة خشتك...بدون ماتحاولين تتقربين منه ...خليك مبسوطة وغامضة في نفس الوقت خليه يستغرب تغير تصرفاتك.....بيصير يكتشف فيك شيء جديد... وتلفتين نظره...
بيصير هو اللي يدورك ويجي عندك ...


هو الحين يكابر ويتوقع انك بتجين تدورين رضاه....لالالاانت ماغلطت عليه هو الغلطان...فاتركيه لحد مايطيح اللي براسه ...وخليك على سنجة عشرة ماهو علشانه لا لانك انت تحبين تكونين كذا..ان حاول يصلح لاتعاندين اقبلي باول اشارة للصلح..

وغالبا طريقة الرجال للصلح هي الفراش...فلا تصديه ابدا لانها اهانة عظيمة له ...
ورفضك لها سيكون بمعنى رفض لشخصه هو

واستودعي الله دائما بصره وسمعه ولسانه وجوارحه عن الحرام فهو من لاتضيع ودائعه سبحانه

هذا الجهد وعلى الله التكلان