غرشوب رعبوب :

والله يا عمري ردود تفرح وردود تقهر بصراحه اول شي الحمدلله انك كلمتي عمك ويمكن هو كلمه ورجع البيت حبيبتي سمحي لي بس انتي ماتدورين عن حل انتي خايفه يطير زوجك منك وانتي اصلا ماتقدرين مهما سوا فيك وفي عياله تتخلين وتبعدين عنه ! والدليل على كذا لما رجع مع انه هو غلطان مهما برر رحتي له وقلتي له ليش ماتنام فوق اريح لك !!!!!!! هو فهمها لو كان يمكن حس بلحظه انه على الاقل قصر بحق عياله لما تركهم وغلط بحركتك هاي فهم انك انتي الغلطانه او انك ندمانه !!! وتبغين تعرفين هو كيف فكر بحركتك هاي انك ماتقدرين تصبرين عنه وتبين ينام معاك !!! هذا تفكير الرجال وهالشي اقولك اياه بناء على دراسه مب عبط من عندي !!!! حياتي فكري عدل انتي شو تبين بالضبط ؟؟ تبين تمشين الحال والحياه مع زوجك بزينه وبشينه رغم انك تملين من فتره لفتره وتبغين حد يسمعك بدون ماتحلين اصل المشكله او انك تبين تحلين مشكلتك الاساسيه مع زوجك وتنهين هالتصرفات اللامسئوله والشاذه والمستهجنه منه ؟؟!! في البدايه انظري لنفسك وصحتك وشكلك انتي تعانين من وسع او اهمال في الشكل على حساب الزوج او اهتمام بالعيال والبيت والامور الروتينيه على حساب نفسك وزوجك هالامور جدا مهمه اعتقد ان مشكلتم مشتركه وزوجك ترا كل تصرفاته وكلامه هو تعبير عن اللي بداخله وطريقه يبغي يقول لك من خلالها يافلانه انا مب مرتاح معاك جنسيا !!! يمكن انتي تكشخين وتلبسين وحلوه بس عندك مشكله في المنطقه الحساسه خصوصا بعد الولادات المتكرره شووفي وحاولي تعالجينها اختي لا يكفي ان تشتكي ولكن لنكن موضوعين صح زوجك غلط وغلطته اكبر من غلطتك بس اختي انتبهي لنفسك ساعات نتغافل عن امور كثيره ونغمض عيونا عنها مثل كل الامور اللي قلت لك عليها ولكن تبقى المشكله قائمه وتكبر من يوم ليوم حبك له دليل على انه فيه ايجابيات او انه كان يحبك ويعبر عن حبه لك ومرتاحه معاه اسالي نفسك ليش تغير ؟؟؟ نصيحه اقرئي اكثر وثقفي نفسك اكثر ادخلي مواقع الاستشارات الاسريه وثقفي نفسك بفهمك لشخصية زوجك وطريقه تفكيره ولا تضنين بيوم من الايام ان زوجك يفكر نفسك تفكيرك لان الرجال تفكيره مختلف تماما ويفكرون بالامور بشكل تستغربين منه والمراه الغبيه او المتغابيه هي من تطلب من الرجل فهم ماتقوله بنفس الطريقه اللي هي تفهم بها الامور لان طريقة تحليلهم للامور والاشياء وفهمهم لها مختلفه وبعدين اجعلي من اولوياتك نفسك اولا يا اختي اهتمي بنفسك وراحتك وخلك واثقه من نفسك مشكلتنا لما نتزوج نصهر شخصيتنا وكل الامور الحلوه اللي فينا وننتهي وتصير حياتنا ازواجنا وبس وهذا اكبر غلط حتى الامور اللي كانت تشده وتعجبه فيك راحت وانتهت لانك بكل بساطه تخليتي عنها عشانه وصار يتجرأعلى ربه ثم عليك ويقوم بكل هالامور المخله بدون خوف لانك في جيبه وضمن حبك له وعارف انك مب واثقه في نفسك لانه قدر يزعزع هالثقه فيك ومثل اللي ماسك عليك زله او غلطه يعرف انك ماراح تسوين اكثر من انك تبكين وتتوسلين انه يرجع !!! خلك قويه وقوي نفسك بعلاجك لكل شي ممكن يمسكه عليك وحاولي تعرفينه عدل وتفهمين نقاط ضعفه وشو يدور براسه معليه الوقت متاخر ولي رجعه لموضوعك

والله يا عمري ردود تفرح وردود تقهر بصراحه اول شي الحمدلله انك كلمتي عمك ويمكن هو كلمه ورجع...