زوجي طلب هديته 💔

السلام عليكم و رحمة الله
كيفكم خواتي عساكم بخير
زوجي قبل شهر قدم لي هديه سواره ذهب وفرحت فيها مرررره لان من زمان ما عطاني هديه وقدمها لي يطريقه حلوه وتغليف و ورد احمر و مع بطاقه فيها كلام حلو وانا بصراحه زمااان عن هالشي وفرحت مرره بالهديه وشكرته عليها.. وعشان ابين له فرحتي كنت البسها كثير قدامه و وصورتها سناب قدامه عشان يعرف اني فرحت بها وانا نااادر اصور بصراحه خصوصا الخصوصيات بس هذي فرحتني مره .. بعدها بثلاث اسابيع او اقل صار بيننا خلاف وطلب ارجع له السواره و رجعتها له قالي شريتها غاليه انا زعلت ورجعتها له .. مره حزت بنفسي الحركه وهو الحين حاطها عنده بدرج الكوميدينه .. حز بخاطري صراحه وكنت ناويه احتفل بذكرى زواجنا واجيب له هديه تفرحه .. وبطلت بعد حركته..
احس لو انه ماجابها احسن من انه يجيبها و يطلبها بعد خلاف .. وتوني اقرا ان الزوجين لازم يشبعون احتياجات بعض العاطفيه عشان ما يبحثون عن هالشي برى .. والهدايا والكلام الحلو يجبر الخاطر انا زوجي يقدمها و يرجع يسحبها ثاني 💔💔💔..