زوجي طلع راعي سهرات ؟

مساء الخير


بنات زوجي انصدمت فيه طلع راعي سهرات شكله موب راعي بنات وحركاته واضح انه موب يم هالاشياء وصلاته محافظ عليها خصوصا الفجر يصليها في المسجد ، بقولكم السالفه ، خرب جوالي من كم يوم وعطاني جواله الايفون القديم جواله قبل الزواج اعتقد ايفون فور المهم حطيت شريحتي فيه وعادي فتحت الواتس الا تطلع كل الرسايل القديمه في وجهي عادي ب اسامي رجال ماهمتني بس ب اخر الليل قعدت طفشانه اقلب الجوال واقرى محادثاته مع اصحابه الا كاتب واحد له فلان وينك قال انا مع ابو فلان في الشقه قال جوكم بنات قال ايه اربع بنات وخويه يساله حلوات ولا ، ولقيت محادثه مع بنت كاتبه اليوم عندكم سهره ابي افلها رد زوجي عليها لا انا في الدوام مستلم كلمي فلان وبعدين كتب لها اذا بتجين عطيني اوكي عشان اطلع من الدوام بدري اه هالكلمه حطمتني تذكرت يوم اني عروس وكان يستلم واجلس في الشقه اخر الليل لحالي وانا خايفه واكتب له متى تجي يقول بكره الصبح بجيك وهذي الرخيصه بيطلع من استلامه بدري عشانها !!!! المهم انطعنت انا وجرح في قلبي كبير صرت اوسوس هل يزني ولا بس يناظر فيهم ويطلب منهم يرقصون له طيب انا ليه ماقد طلب مني ارقص له !!!! ليه ماانا زوجته حلاله مره جيت ارقص في المطبخ ابي الفت انتباهه ناظرني قال الحمدلله والشكر وخزني ومشى طيب الرخيصات اكيد يطلب منهم يرقصون له ، مدري بس انا وسوست واجهته وانكر قال هذا خويي وهذا كلام قديم قبل اتزوجك مالك دخل فيه ، بنات تكفون وش يصير في هالسهرات اموت واعرف هل ممكن يصير زنا ؟ ولا ايش بالضبط ؟؟؟؟؟