الله يستر عليكم !! .. طيب حاولي تعرفين رمز جواله واعرفي وش سالفتهم واذا عرفتي ان بينهم علاقه لاسمح الله صوري الشاشه وارسلي لنفسك عشان يكون عندك دليل قااااطع محد يشكك بكلامك

اختي الشماتة مو زينة

يمكن انه يحب اخته يشوفها بعيون الابو
ترا حب الرجال لاخته حب طاهر وصادق يمكن يرحمها وانها اخته من امه يكون لها طعم غير اتقي الله وادحري الشيطان
هدمتي بيتك بشكوك مالها داعي والرجال مطلعك و ممشيك تنكدين ع نفسك وعليه ليه
الله يهديك ويرشدك الطريق الصواب


انا خالتي خلفت ولد مريض وكانت تطلع تعالجه بكل مكان وتخلي ولدها وبنتها عندنا وانا با المتوسط وهم صغار كنت
اغير لهم واحممهم والعب معهم وسبحان الله كبرت واتزوجت وهما كبرو للحين عيالها اغليهم واحبهم واشوفهم بعيون العطف والحنان ودايم اذا جبت طاري ولد خالتي اناديه بسمه الدلع وقبل كم شهر زوجي قب علي ورجال غريب وتدلعينه والله لونه واحد من عيال اخوانك المهم قطعت سيرته وخلاص وزوجي سوا سواتك شك بشي ماله داعي عاد كنت ضايفه ولد خالتي انستقرام بس بعد الهوشه حذفته وهو شي ماله داعي والله اني احسني زي امهم بس الشك يبقى شك اعوذ بالله من الشيطان

عزيزتي انا مع اخواني كذاطبعا لاني اكبرهم وكانت الوالدة تطلع من.البيت واحيانا تبات ببيت جدتي ومرة سافرت للحج وتركتهم معي واصغرهم كان سنة ونصف فوالله احسهم اكثر من اولادي. . ويوم سافر اخوي لي اصغر مني ب9سنوات صرت ارسله ويرسلي رسايل كذا اساله وش تسوي الحين ارسلي صورتك ابغى اشوفك وما ارتاح الا لما اشوفه مرة نايم ومرة جالس يتفرج ووو لكن ويشهد الله انه حب اخت لاخوانها والعكس لا اكثر ولا أقل. انتي ماعندك دليل على كلامك وجالسة تحكمين على تصرفاتهم والغيرة معمية عيونك ماننكر ان العلاقات بين المحارم موجودة والعياذ بالله لكن لازم يكون معك دليل ملموس او تشوفي شي واضح غير قابل للنقاش ساعتها مو بس تتكلمي الا تقلبي البيت فوق راسه وراسهالكن انك تظلين عايشة على اوهام ومطينة عيشتك وعيشته بسبب مجرد شك لا ما يصلح يا اختي. وان شاء الله انها قرصة اذن على قولتك واعتقد مثل ماقلتي بما انه للحين ماحجزلك فهو قاعد يفكر يرجعك لاتخربين على عمرك مرة ثانية

مايصير تطلبين سناب الناس وتشوفين اذا هي ماعطتك،هذا يخصه هو ويخصها هي ،افرضي لو اخته قالت بشوف سنابات اخوك اكيد مابترضين؟ الطلاق مايقع اظن واكيد انه مايبي يطلقك بس زبة لسان والا كان حجز لك