كله خير من الله الهم الي انت فيه الآن عشان تعرفي خطأك فين
وتتعلمي كيف تتصرفي
الرجال ماهو طفل صغير عندك ترفعي صوتك عليه وتغلطي وتبهدلي فيه
الرجال لو واحد رجال غلط عليه ممكن مع الغضب لو معه مسدس يطلق عليه وبعدين ترى راح يبكي ويتحسف لكن بعد فوات الآوان
هذا درس لك لازم تتعلمي منه كويس لو حبيتي تعيشي حياه سعيده مع زوجك
الدروس المستفاده لك من قصتك:
1- كبري عقلك وبطلي نقاش وهواش على توافه الأمور.
2- احترمي زوجك وقدري وافهمي انه لما يعصب ماهو في وعيه والأفضل انك ما تعصبيه ولو عصب هديه او اتركي الغرفه.
3- زوجك طيب وحنون اياكي ان تخسريه مارح تلقي مثله.
4- فرصك مع زوجك قلت من ثلاث الى ثنتين وهذا مؤشر مهم ويجب الحذر. مو انتي الوحيده الي زوجها رمى عليها اليمن خلاص تعلمي الدرس وتجاوزيه وكملي حياتك.
5- فكري في ابنك ومستقبله وحياته لو تطلقتي .
6- فكري كيف حياتك بتكون لو تطلقتي وكل اخوانك وخواتك في بيوتهم وانت تجلسي كذا .
اخيرا ارجعي بيتك وحافظي على زوجك وابعدي توافه الأمور عنك واسعدي نفسك وزوجك والله يوفقك وكل بنات المسلمين.

اذا تبغي تعيشي معاه غيري من اسلوبك ونفسك

انت عرفت زوجك وعصبيته خلاص مارح يقدر
يغير طبعه دائماً الحرمه اعقل واقوى واحن بالمواقف هذي خلاص خذي درس اذا عصب خذي على قدعقله لاتعصبي وتجلسي تتاسفه لا من وقتها اسكتي لما يقول اللي بخطره بعدين قولي له جزاك الله خير ماقصرت واتركي وامشي ولاتعتبي ولا تتاسفيله خليك هاديه وساكته هو من نفسه بيرجع وويتاسفلك ويراضيك وانت الله يصلحك اتركي الرحال بحاله ليش تتسببي بعصبيته وتخليه يحقدعليك ويتنرفز اذا على قولك تحبيه حب بدون احترام ماينفع الاحترام والتقدير بين الازواج هو اساس الحياة الزوجيه ومعروف ان المراءه بالغالب هي اللي تضحي عشان استقراربيتهاواسرتها
شوفي مالك الا كم يوم عند اهلك ومتضايقه ومشتاقه ومتاسفه على اللي صار خلاص لازم تمسكي نفسك وتتركي الرجال بحاله يااختي الان في الزمن هذا اذا كان الرجال صايم مصلي قايم بواجباته الاسريه مايضرب ولا يشرب ولاهو حق علاقات وبنات نعمه وخير كثير من الله وعصبيت زوجك علاجها عندك حاولي تتجنبي قد ماتقدري واذاعصب اطفي نار غضبه بالكلام الحلو والله غير يستحي ويعرف غلطه ويتاسفلك ويراضيك ومع الايام خلاص تخف عصبيته وهورح ينتبه لنفسه ويحاول انه مايعصب
والله في كلام كثير بقوله لك بس باذن الله وصلت لك الفكره والله يصلحكم ويسخركم لبعض ويبعد كيد الشيطان عنكم

هو عصبي متسرع
وانتي استفزازيه انفعاليه
مهما كبر الحب بينكم لو بتظلون كذا ماراح تكملون
خففي استفزازك تخف عصبيته
وخففي انفعاليتك وتخف تسرعه


انا من الناس اللي ماحب العصبيه لكن لاتقارن قدام التستفزاز ابدااا
اللي يستفزني مستعده امسح وجهه بالجزمه اكرمك الله
لكن العصبي يعني اهون شوي
مع اني ماحب تلعصبيه عالطالع والنازل واحيان اشب بس ارجع اطخ
الحياه لازم تنازلات
ماهي صراع من فينا الاقوا
ولاهي نديه
الزواج من فينا يقئر يقدر الثاني اكثر بما يرضي الله بدون احتقار لذواتنا




درس وصار
وتعلمي منه
ارتاحي كم يوم
ثم ارجعي لبيتك

مشكورين يابنات ربي يسعدكم استفدت من كلامكم ...ان شاءالله بغير معاملتي مع زوجي وبنفذ كل كلمه قلتوها لاني احبه ومابي اعيش من دونه...بس يابناات فيه شي مخوفني حيل اخاف مع السنوات يصير شي مااتوقعه ويعصب ويطلق مره ثانيه ..بعدين اصير محرمه عليه ساعتها كيف اتقبل حياتي بدونه ..الله يهديه اذا عصب مايشوف اللي قدامه😢