انتي قلتي انه عصبي حيل ليه تراددينه طبعه وتعرفينه كان سكتي رحتي بعيد عنه بعد مايروق تفاهمي معه

ام يزودي رائع ردك اعجبني ماشاءالله كفيتي ووفيتي...اخواتي اعملوا بنصيحتها ..
.............................................................................................................................................................................................
حبيبتي مدري ليش حياتكم كذا فوضويه .. بس إنتي غلطانه وأحسك تحبين المشاكل والنكد وأنا لو مكانه طلقتك من زمان وطلقت ولدك معك ..الواحد يتزوج يبي إنسانه جميله مرحه بس تتبسم وتنشر السعاده حولها يكون معصب ومتضايق بس يشوفها ينسى كل همومه مو وحده بس تستفزه وتصارخ عليه .. إذا عصب ورفع صوته لا تراددينه قربي منه وضميه وامسحي عليه قوليله لا تعصب ما أحب أشوفك زعلان ولا تخلي هالأشياء التافهه تخرب حياتنا .. خليك هاديه ومبتسمه وهو راح يصير مثلك اصلا بيستحي يرفع صوته عليك او يعصب منك حاولي ترى هذي حياتك لا تخسرينها ودامه طلق مره لا تجبرينه يطلق مره ثانيه .. بس اياني واياك تجيبين سيرتها انسي هالطلقه وعيشي حياتك وخلي مشاكلك سر بينكم حلو مشاكلكم بنفسكم وبدون محد يدري ماله داعي تدخلون امه واخوك بمشاكلكم التافهه .. أنا وزوجي مرات نطلع من البيت زعلانين من بعض بس لما نروح عند أحد أو يشوفنا أحد نضحك ونسولف ماكأن بينا شي صايرين كناري العايله فلان وفلانه ماعمرهم زعلوا من بعض واحنا اكيد نزعل بس مستحيل نقول لأحد او نبين لأحد .. حياتك مع زوجك لوحه انتي تلونينها الزوجه هي الأساس ان بغت تخلي السعاده او النكد شعار حياتها راح يصير اللي تختاره ..لذلك حبي حياتك واستمتعي فيها مع زوجك والكتكوت الصغير بيمشي العمر وتندمين على كل لحظه حلوه ضيعتيها ..الله يصلح أمركم ويسعدكم

وانا معها
ما اشوف فيها شي لو رجعتي له اش اللي اخاف ارجعله ويطلقني وباقيلي طلقتين يعني الحل انك ماترجعي له مثلا!! وانتي تحبيه وهو يحبك وعارفين أغلاطكم خلاص لاتعيدوها

تطمني راح ترجعين له وتنسون الي صار وتعيشين معه أفصل من قبل
لأنه هو عرف غلطه شوفي كيف بكى والرجل ماتنزل دموعه على أي شي
انتي عرفتي غلطك والاهم اعترفتي فيه
جارتي مثلك عندها طفل وصارت مشكله وهي تراددة كل كلمه لازم رد
وطلقها وصارت حالتهم مثلكم
بعدها عرفت غلطها صارت اذا عصب تسكت وهو يخرج من البيت ويرجع ساكت وهي تتصرف طبيعي في البيت تشتغل تلعب مع ولدها وتكلمه عادي كأنه ماصار شي ولهم الآن 9 سنوات والحمد لله رزقها ربي بطفل ثاني وما طلقها مرة ثانيه
أنصحك تشوفين محاضرة
بعنوان ((تعرف على شريك حياتك))
لدكتور ميسرة طاهر مستشار أسري ممتاز موجوده في اليوتيوب راح تستفيدين منها كثيررررر
مثل مااستفادت جارتي وهي الي دلتني عليها والحمد لله لازلت بين فترة وفترة ارجع اسمع المحاضرة وكمان محملتها في جوالي واضع السماعات وانا أشتغل في بيتي واسمع وكل فترة اكتشف انه فعلا كلامه صح دكتور ومستشار أسري ممتاز بما تعنيه الكلمه
اسمعهيها الآن واستمعي لكل محاضرات الدكتور ميسرة بشكل عام جمييييله وتبعث الهدوء في النفس والراحه
بالتوفيق لك في حياتك مع زوجك في سعاده وهنا أن شاءالله

جزاك الله خيرا
اللهم صل على محمد وعلى آله وصحبه أجمعين
الله اكبر كبيرا والحمد لله كثيرا وسبحان الله بكرة واصيلا
استغفر الله الذي لا اله الا هو الحي القيوم واتوب اليه
سبحان الله والحمد لله ولا اله الا الله والله اكبر
حسبي الله لا اله الا هو عليه توكلت وهو رب العرش العظيم
لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
لااله الا الله وحده لاشريك له له الملك وله الحمد وهو على كل شيء قدير
حسبنا الله سيؤتينا الله من فضله إنا إلى الله راغبون