زوجي طنشني مره ثانيه

السلام عليكم ،،، كيفكم بنات
انا سبق وكتبت موضوع قبل كذا عن زوجي انه زعل وسوالي حظر بالواتس وماصار يرد .،، ابغى احط رابط موضوعي السابق لكن مو عارفه كيف ،، اذا ماعليكم امر ادخلو ملفي الشخصي واقرو الموضوع عشان تفهمون وش صار قبل ،،،
بنات زوجي قبل خمس ايام كنا جالسين جلسه حلوه ونتعشى و قبلها زوجي حط جواله فالشاحن وخلاه وضع طيران كالعاده عاد انا مسكت جواله بعفويه وشفت الاشعارات من برا وكان فيه لعبه لودو محملها عاد انا سالته وانا اضحك قلت متى حملتها ماعلمتني ،، طبعا انا عارفه انها لعبه عاديه مافيها شي عاد هو عصب وقال مدري وحسيته كتم بعدين قال ليش تشوفين جوالي قلتله بس كنت بشوف انا مخليه وضع طيران او لا ،، بعدين قلتله بعفويه وانا مو معصبه قلتله ليش ما تخلي جوالك مفتوح النت ليش لمن تدخل البيت او لمن تجلس معاي تحطه وضع طيران، نسيت اقلكم زوجي غير رقمه السري لان صار موقف كنت افتح جواله قدامه وزعل وحط رقم سري ،
المهم زوجي عصب وقال ما ابغى اخليه مفتوح النت ابيه يكون طيران بمعنى انه كيفه ،، بعدين قلتله شوف جوالي على طول مفتوح النت وعادي ،،،، بعدين قال عادي خليه طيران بكيفك ،،
المهم الحوار هذا صار بسرعه وكنا تونا بادين عشا عاد زوجي وقف اكل وكتم وقام وقال انا طفشت منك بعدين جلس على الكرسي وقعد يقلب بجواله يقرا الاخبار وهو معصب ،،، بعدين حاولت اعتذر منه قلتله سامحني والله ماقصدي اشك فيك بس كنت ابيك تخليه متصل جوالك وعادي اذا ماتبي مو لازم ،،، وزوجي ولا كلمة سفهني وجلست جنبه حاولت الطف الجو لان عارفه لا زعل معد يرجع الا لمن تطلع روحي ،،، ولا حياة لمن تنادي كان سافهني ويقرا بجواله عادي وانا اتكلم وابرر له موقفي وقعدت امسح على ظهره بيده واحاول اتودد له وحسيته مو متقبل مني شي وكارهني بعدين قلتله ليش تقول لي ليش تشوفين جوالي ترا عادي ما فيها شي لو شفت الاشعارات من برا وقلتله ترا مو شاكه فيك ولا شي بس والله كذا من باب ان مابيننا حواجز وجوالي كنه جوالك ،،، عاد يوم قلتله ليش تقول ليش تشوفين جوالي ؟ قام بسرعه وعصب وحاول يطلع من الغرفه ع اساس بيخرج للشارع وقمت انا بسرعه وحاولت امسكه واقوله انتظر ترا ماكان قصذي وكذا لكنه بعدني وطلع من البيت وراح بيت امه وسوالي حظر وكان وقتها يوم الاثنين بالليل واليوم دخلنا الاحد يعني صار لنا ست ايام ماكلمني ولا شال الحظر
وطول الايام اللي راحت كل يوم اتصل مره وحذه ويعطيني مشغول وكتت ارسل رسايل اعتذار وقتله اني تعبانه وسامحني وارسلت رسايل تحنن حتى الصخر لكن ماحركت شعره فيه ،،
بنات انا خايفه يكون معد يبيني الله يخليكم هل صار لوحده فيكم ان زوجها معد يرد عليها ايام طويله وبعدين رجع
انا خايفه انه كرهني ومعد يبيني اخ ساعدوني