بصراحه انا من موضوعك انشدة اعصابي وربي كيف زوجك مدري كيف متحملك
مهو من مسكة الجوال والتفتيش لا
من كثرة الاعتذارات
مسكة الجوال على الأقل لو فرضنا شاكه افتش بدون ما يحس مهو قدامه وبعد اقول لك الحين تبغين تحافظين على بيتك اتركي التفتيش
الشي اللي صدع باراسي هو اتصالاتك وكثرة الاعتذار ياقلبي ذاك زمان اول عصر أمي وأمك كانت الحرمه اذا اعتذرة تلقى الزوج يهدأ ويعاملها بكل احترام الحين وربي صار العكس اذا اعتذرتي ينفخ ريشه هذول عقولهم عقول اطفال ما ينفع فيهم الا العين الحمراء يطنش اطنش وكأنه هو والباب واحد يطلع اقول له قبل لا تروح ابغى اروح لاهلي اذا رجع ارجع اذا طلع استراحه اقول له معليش ابغى المول وانت راجع مرني هذا اللي يصلح لشباب اليوم
بعطيك حل وعلى مسؤوليتي اذا ما فاد روحي لاهلك اجلسي عندهم لين ترتاحين اشوي ولا تعلمينهم الا اذا ما جاء اخذك
الحل اشغلي نفسك نظفي سوي اي شي في البيت حطي لك خلطات للشعر والجسم كل ما تتذكرينه اتوضي وصلي لك ركعتين واقري قرآن واستغفري لا تفكري فيه ابدا اذا تذكرتي كلمي أمك وسولفي معها أو أي قريبه علشان يروح الوقت نامي وريحي اعصابك المهم اشغلي وقتك اسمعي محاضرات اي شي مفيد يريح نفسيتك سوي لك حلى وقهوة وبخري البيت هو على طول بيقول ليش ما تدق ولا ترسل ؟هنا هو بيتحرك ويجي البيت اذا جاء لا تفرحين ولا تضحكين ولا تبتسمين ولا تكشرين وناظريه
كأنه عادي ما سوا شي وكأنه ما بينكم اي خلاف وارجعي انشغلي بنفسك اجلسي على الجوال قومي اشتغلي في المطبخ اي شي حسسيه انك ولا شي ولا انت هامني لكن بدون تكشير وزعل وهو بيرجع ذليل وطيب جربي وشوفي غير كذا اتحداك تحلين المشاكل لاني عرفت شخصية زوجك .

ياختي انتي ملقوفه
وش تبينن بجواله
خليه ان سوى غزل وتعرف ع بنات الحرام راكب بظهرة
خليك من اهانه نفسك ...كل شوي وبالاخير يسفهك
طنشية بتاتا
ولاكانه صاير شي
محد تعبان الا انتي واذا تجمعت عليك الامراض اول من يتركك هو

مع احترامي حتى لو زوجك
مو على كيفك تلقفين بجواله
كل انسان له خصوصيه الا الجوال خططط احمر
بحث خاص بي مابي احد يتطفل ومحادثات وصور
شيي محد يتقبل ان كان زوج ولا غيره

الدعوه مو الجوال الدعوه بطبيعتك تحنين وتنشبين له
ولا الجوال انتي غلطتي واعتذرتي من ساعتها
زوجك كارهك بسبب شخصيتك انا من ردودك عرفت ان عندك فكره براسك مهما احد نبهك ماتشوفين غير الفكره الي براسك
الحين نقول لك اسفهيه تقولين تهقون شايف غيري احد حنا نكلمك عشان تحطين قيمه لنفسك وانتي تفكرين فيه هو يفكر بغيري او هو حاله نادره يعني مخليه التفكير كله فيه مافكرتي بنفسك ابد
انتي اصلن ماحطيتي لنفسك قيمه اتصالات ورسايل واعتذار
من الموقف انتي اعتذرتي وخلاص هو الغلطان ليش يطلع ست ايام ولايدق ولايتطمن
راح يضل كارهك ومو شايفك شي طالما ماعدلتي بشخصيتك


الحين خذي موقف
غيابه هذا لايمر مرور الكرام ياتعلمين اهلك ياهله يادبونه
وجواله نهائيا لاتجيبن سيرته ولاتفكرين فيه حتي
واخيرا عزة نفسك لاتكسرينها لانك انكسرتيها لا تتوقعين يجي احد يجبرها لك

يعني كل الهرج اللي كتبوه لك البنات ولافاد
فوق انك لاصقه بوجههه كل فترة غيابه
برسايل وعتب واتصالات مارد عليك
ويوم انه جاء زي الحرمي للبيت كمان لحقتيه
ايش استفدتي بالله ذلتي نفسك زود
الله يعينك صراحه
وضعك مزري
انا أتوقع ماراح يرد وشكلة طفش