زوجي طيب حنون وسيم رومنسي ولكن اتمنى الطلاق تعالوا شوفوا السبب

كل بنت تقول اذا تزوجت بروح واسافر والبس كذا واخلي غرفتي كذا كنا مدللات
لكن للاسف انا قصتي غير

تزوجت بانسان الحمد الله ملتزم وطيب وحنون بس المشكله الماده راتبه اربعه الاف مايبقى منه الا الفين وخمس لانه مديون وشقتنا ايجار ومحد يساعده من هله...يا بنات تخيلوا الفين وخمس اقسم بالله ماكان يكفينى وانا بلحالي يوم كنت بنت..وش يكفي الفين؟
انا بعذاب من يوم تزوجته مابي افرط فيه لانه قليل جدا الاقي انسان بمواصفاته بس عيبه الماده
انا جميله جدا ..بس خساره مااقدر اعيش حياه كريمه لازم اطلب امي والا اخواتي
اتحمل اهانات وكلام وتجريح
دائما اسمع شوفوا فلانه كيف حياتها يقصدون حياتي..ماتصدقون لااسافروان سافرت اسافر مع هلي واكون عله عليهم ولااطلع واذا رحت لاسواق واشتريت لبس لان ذوقي دائما يكون غالي متعوده البس بيت هلي كذا تمينا جايعين لين الراتب... وشقتي تفشل مااقدر اعزم صديقاتي اقسم بالله حياتي كئيبه والحمد الله على كل حال..
لاتقولون الماده مو مهمه الا مهمه الماده جدا كل شي بالدنيا مايمشى الا بالفلوس انا اشوف اختى متزوجه من شخص له مكانه بالمجتمع كل هلى يحترمونها ويحبونها مع ان اخلاقها عاديه حتى الاحترام الناس ماتقدرك الا بالفلوس
في المناسبات المهمه هلي مايقصرون علي بشي بس والله وهم يعطونى يعورني قلبي
واحس بالحزن والدموع بعيونى وهو بعد يتاثر ويصير يهاوشني لاي سبب لانه يحس بالنقص
الله يالعز اللي كنت فيه عند هلى كل طلباتى مستجابه وماكنت احس قيمه الفلوس اشتري ارقى الاشياء واكل في احسن المطاعم
بس من يوم تزوجت تغيرت مع ان اهلى ماقصروا معي ابد على طول يرسلون لي فلوس بس تفشلت ليه انا كذا
ودي اتطلق بس انا احب زوجي بس ظروفه جدا صعبه وتاثر كثير على نفسيته حتى هو ارحمه لاتقولون اصبرى انا صبرت معه 6 سنوات وماجله الحمل لين تزين ظروفه وشكلها مابتزين والمشكله صارت حياتي سلسله من التنازلات اموت باليوم الف موته وانا اشوف حياة صديقاتي وسفراتهم وبيوتهم ولبسهم وكله من ازوااجهم وانا مااحسدهم مشالله عليهم والله يزيدهم..
اي بنت تنتبه تتزوج باي انسان دخله قليل ومافيه امل يزيد الا اذا كانت قنوعه لان حياتها سلسله من المشاكل والهموم يالله كم حلم مات بداخلي كل احلامي ماحققتها
الحمد الله على كل حال على فكره انا عندى ولد...
انا ادعى واصلي ان الله يصبرني ادعولي يابنات