؟؟؟؟؟؟؟؟؟؟؟؟؟؟؟؟
انظري لمن هم تحتك
مش من هم فوقك

؟؟؟؟؟؟؟؟؟؟؟؟؟البنات كفوا ووفوا ماعندي ما اقوله

استغفرالله ياربي ... أنتي من صدقك تتكلمين

عشان راتب وفلوس تبين تهدين زوج مايتعوض

قسم بالله مافي مخك عقـــــــــــل اسمحيلي اختي

الناس الحين تدور الزوج الصالح الدين الخيييير وانتي تبين فلوس

والله مااشوف الفلوس فادت الناس إلا بالعكس خلت حالهم أردى حال

حبيبتي مو لازم تسافرين ... وشفيها مكه والطايف وإلا الشرقية وإلا الرياض لأني مدري وين انتي فيه

وأي مكان مع حبيب القلب جنه

أهلك مايقصرون عليك ممتاز الله يكثر خيرهم

لكن إنك تحسسينه إنك مستنقصته ترا ذا اكبر عيب بحياة الرجل

حبيبتي انتي وشهي شهادتك جربي توظفي قدمي على وظايف او كملي دراستك لو ماعندك شهادة

واشتغلي و اصرفي على نفسك إذا مو عاجبتك فلوس زوجك

ياويلك من رب العالمين انتي بنعمه غيرك ملايييييييين تتمناها

أجل تقولين بنات لا تتزوجون واحد ماعنده فلوس وبتنكسر احلامنا أنتي من صدقك ؟؟؟

من جد قهرتيني بكلامك احمدي الله واشكريه انتي عندك عدم ثقة بالنفس وعدم رضاء بقسمة رب العالمين

ناس عندها فلوس وعقارات وعماير وسفرات لكن هي لحالها وزوجها بعالم آخر

سكر وعهر ومخدارات واللهم لك الحمد بس

وإلا بخيل ومايكد عليها .... وإلا يجيب حريم لين بيتها ..... وإلا يكلم حريم قدامها

وإلا يعاشر الشغالات ..... وإلا يطالع أفلام إباحية ومو مرضيها جسدياً

مدري إنتي وش تفكيرك ... استغفري ربك لا يبلاك ربي بعدم رضاك إنتي بنعمه

واللي مايقدر النعمه الي هو فيه ربي يسخط عليه ويبدله بحال أشنع من حاله عقاباً له

ادخلي على اغلب مواضيع البنات ... ترا نص المنتدى ماتزوجوا ويدورون ظفر رجال بمواصفات زوجك

وإنتي تبين تتطلقين ؟!!!!!!!!!!!!!

اجل دامك عايفته خلي وحده غيرك تتهنى فيه ؟ <---- تبي تحسسك بالغيره

وبعدين من قال إن الفلوس تعطي هيبه ومكانه

فيه كذا وحده من عايلتنا مو اغنيا لا مليارديريه ... لكن لا حكت ودك تسكرين فمها

كلام بثر وسوالف ماصخه ولا تعرف تظيفك ولا تقهوي ولا شي

وش انفعت فلوسها ... زادتها فراغه و حش بالناس

وين رجلها عنها ... متزوج بالسر وبعدين اكتشفت واكتشفت منه عيال

وهي لها سنين ماتنام معه

بس بييت واحد ويجمعهم العيال وعيالها درسوا برا وارجعوا من غير شهادة ولا احد كمل دراسته وهي إذ ا أحد جاب طاري الرجل تحسينها تشحن من داخلها ودها تاكلك من القهر
وإذا قالت وحده سويت وفعلت لرجلي دايم تهاجم الرجال وتكرههم تبين زي حالها ؟!

ارضي بقسمة رب العالمين ... والصبر والصلاة والقيام وسؤال رب العالمين الرزق الطيب

ورب العالمين يمتحن صبرك وليه تحرمين نفسك من العيال جيبي لك طفل

انبسطي معه وبتتغير نفسيتك ياسبحان الله المراه لا جاها طفل تتغير أفكارها كلياً وحتى مزاجها يتغير

ويمكن ربي يرزقكم مع هالطفل .. لأن كل طفل يجي رزقه معه

وتعوذي من الشيطان ذا الشيطان يوسوس لك بخراب بيتك حسبي الله ونعم الوكيل اعوذبالله منه

وهذا دعاء احفظيه وكرريه في كل صلاة ومابين الآذان والإقامة وبكل وقت مستجاب الدعوه فيه

( بسم الله على نفسي بسم الله على أهلي ومالي اللهم ارضني بما قضيت لي وعافني فيما أبقيت

حتى لا أحب تعجيل ماأخرت ولا تأخير ماعجلت)

ماقالها عبد في كل صباح إلا أنمى الله ماله وقضى عنه دينه وأغناه الله بإذن الله

وإن شاءالله أمورك تتعدل ويفتحلكم ربي أبواب الرزق ويفتحها علينا وعلى كل مسلم ومسلمه آمين يارب :)

هلا حبيبتي ,,

ماشاء الله البنات كفوا ووفوا .. عندي بس نقطه حابة اضيفها
لاتطالعين غيرك بتتعبين .. حتى لو زوجك مرتاح ماديا راح تظلين تطالعين اللي حاله أفضل
منك ,, القناعة كنز .. أنا عارفه ان الماده مهمه لكن مو لدرجة اني أخرب حياتي وأتخلى
عن شخص أحبه ويحبني !! كيف تقولين انك تحبينه وانتي مستعده انك تتخلين عنه عشان
كماليات ,, حتى لو كنتي تشوفينها شي اساسي فاللي يحسسك انها مهمه هم الناس!
يعني تتخلين عن شخص تحبينه عشان الناس !! اللي اذا جا الجد ماراح ينفعونك ..

حبيبتي خلي تفكيرك ايجابي والطلاق دايما خليه اخر الحلول .. حاولي تساعدين
نفسك بنفسك ,, طوري نفسك ,, اشتغلي ,, باللي تقدرين عليه ..
واذا حسيتي انك مرره ماتقدرين تكملين حياتك على هالعيشه انتي ادرى ..
بس اهم شي لاتستسهلين الأمور يعني فكري باللي بعد الطلاق .. فكري بكل شي

نصيحتي لك قبل امشي .. جيبي ورقه وقلم واقسمي الصفحه نصين اكتبي بالنص اليمين
ايجابيات زوجك ,, وبالنص الشمال سلبياته .. وخذي لك كم يوم .. وشوفي النتيجة .

ربي يسعدكم ويرزقكم من واسع فضله رزقا حلال طيبا مباركا فيه عاجلا غير آجل
انه على كل شيء قدير .. وصلي اللهم على محمد وآله وصحبه وسلم .

لعلمك اختي انا بالضبط بالضبط نفس مشكلتك زوجي حنون ورمنسي ومستقيم ورجل بكل معني الكلمة والله ما يجي آخر الشهر وما في معة 500 او 400 ريال كلها تروح تسديد ديون وتسديد مدارس وفواتير وغيرررررررررررها من الالتزمات الحياة
والله ثم والله اني احمد الله ليلا ونهار
صلى وادعي واذكري ربك
دومآ رددي
(اللهم لك الحمد كما ينبغي لجلال وجهك وعظيم سلطانك )
(اللهم فارج الهم كاشف الغم مجيب دعوة المضطرين رحيم الدنيا والآخرة ورحيمهما انت ترحمني فأرحمني رحمة تغنني بها عمن سواك و اقضي عنا ديننا وفرج عنا همنا وكربنا برحمتك يا ارحم الرحمين)

اختي اسمحيلي استغربت من طريقة تفكيرك لماذا ياختي وهل الزوج الصالح في زماننا هذا يعوض او يقاس بقليل من ا لفلوس والسفرات والتسوق
كلنا نساء نتمني ان نلبس ونشتري ونسافر ولكن لنا ان نرضى بما قسم الله لنا اين ايمانك
اين توكلك على الله
ما هذا الكلام يااختي ما هذا التفكير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ويمكن تتزوجين واحد عنده ماده بس ماعنده حب ومشاعر وتقدير او تاجر يمكنيكون في يوم وليله فقير واختك ماتدرين كيف عايشه يمكن ينقصه ثلاث ارباع الي عندك احمدي ربك