حبيبتي... لا ترفسين النعمة بنفسك

احمدي ربك واشكريه على العافية

فرضا تطلقتي وبعدين تزوجتي رجال غني.. لكنه حتى الاحترام ما يحترمك

يسفرك ويمشيك ويلبسك ولكنه ما يعرف يتعامل معك أو يسيء معاملتك.. يضربك.. يهينك.. أو أي شي ثاني مثل ماعنده أخلاق أو ما يصلي أو يشرب أو أي شي من بلاوي الدنيا

يا أختي حكي أهلك أو احترامهم من عدمه انتي اللي تصنعينه.. طبعا باحترامك لنفسك وخصوصا ثقتك بنفسك.. بتعبيرك انك مرتاحة وانك تحبين زوجك وتحترمينه.. بتعبيرك لهم ان زوجك مكرمك باللي يقدر عليه..
تعرفين اني رحمت زوجك.. لأنه ببساطة ماله ذنب.. ليش تحسسينه بالذنب؟
أصعب شي على الرجال انه يحس ان زوجته مب راضية عنه ولا مقدرة اللي هو يسويه لها خصوصا لو كان باذل كل مجهوده
حرام عليك من جد
الحل انك ترتقين بأفكارك فوق المادة.. اخلقي لنفسك هوايات ترتقي بنفسك.. اقرئي.. اكتبي.. ارسمي.. مارسي عمل ربحي مثلا.. اشتركي بحلقات تعليمية.. سوي أي شي يحسسك انك عايشة.. ترى الفلوس والله مو كل شي.. الصحة وراحة البال هي كل شي..
اقري قصص الصحابيات.. شوفي كيف سيدة العالمين وسيدة نساء أهل الجنة فاطمة كيف تقطعت يدينها وخشنت وهي تطحن الحب بالرحى وتبي أحد يساعدها أو شغالة والرسول صلى الله عليه وسلم يصبرها ويوصيها تسبح وتكبر هي وزوجها

وإذا كنتي مو مقتنعة بولا شي من اللي قلته.. أقل شي انك تسكتين قدام زوجك.. وحسسيه بالرضا علشان نفسيته.. وانتي بعد بترتاحين..
الشي الثاني.. لا تبينين لأهلك شي
الشي الثالث والأهم.. ادعي ربك بالصلاة واستغفري كثير

(( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

شي ثاني اعتبريه نصيحة.. تأجيلك للخلفة ست سنين ما أنصحك فيه.. تضيعين عمرك اللي تتهنين فيه بشوفة الولد خوف الإمكانيات المادية ربي نهى عنه.. جيبي عيال وربي ما يضيعهم يرزقك ويرزقهم معك

(( وَلاَ تَقْتُلُواْ أَوْلاَدَكُم مِّنْ إمْلاَقٍ نَّحْنُ نَرْزُقُكُمْ وَإِيَّاهُمْ ))
(( وَلاَ تَقْتُلُواْ أَوْلادَكُمْ خَشْيَةَ إِمْلاقٍ نَّحْنُ نَرْزُقُهُمْ وَإِيَّاكُم إنَّ قَتْلَهُمْ كَانَ خِطْءًا كَبِيرًا ))

أخيرا
الله يهديك ويرزقك

لا حول ولا قوة بالله

مشاء الله البنات وفوا وكفوا اختي انتبهي لتكون الدنيا اكبر همك وش تبين بالفلوس مع واحد اقشر وراعي حريم اومع مرض اختي كبري عقلك والله والله فيه عوايل عايشه باقل من راتبكم البركه اختي اهم شي وخلفي وعيشي حياتك وخلي ارضاء الله اكبر هم لك تجيك الدنيا لين رجلك

انا والله ماالومك وحاسه بوضعك لان الناس الله يهديهم صاروا ماعد يحترمون اللي على قد حالها ولايعطونها بال فانا حاسه بوضعك ومقارنة الناس بينك وبين اختك........... لكن احتسبي الاجر عند ربي وتقبلي وضعك كما هو وتأقلمي مع حياتك ويمكن يوم من الايام يغتني زوجك ويعوضكم ربي واهم شي الاستغفاااااااااااار والدعاااااااااااااء ..ومثل ماقالوا البنات حاولي تدورين لك على شغله بسيطه لو تبيعين اشياء بسيطه هنا في العروض التجاريه وشوي شوي تتعودين عالتجاره وانشاءالله يرزقكم ربي ..

طيب ليش مايغير شغله لشي احسن او يشتغل شغله ثانيه حتي تتحسن الحاله