زوجي طيب وحنون ولكن كفخني أمس

السلام عليكم
يا بنات انا ملاحظه ان اي اخت هنا تكتب موضوع تشكي فيه من زوجها. ( الله يصلح احوال الجميع)
تبدأ فيه بالعبارة الشهيره. زوجي كريم وحنون وطيب ولكن ضرب وجهي في الجدار
زوجي حنون وطيب وكريم ومافي منه اثنين ولكن دعس في بطني امس لحد ما عضيت الأرض
زوجي حنوووون جدا ولكن يقومني نص الليل وانا مريضه وبموت من التعب اسويله اكل
زوجي طيب واخلاااق وكريم وحنووون ولكن لعني ولعن اهلي وطردني من البيت.
!!
شئ غريب فعلا
أكثرنا فاهمين الفلسفه غلط حق انظري لايجابياته والكلام الفارغ اللي صدعوا روسنا به لحد ما صاروا معظم النساء يعانون من الاكتئاب.
واللي دائما تبدأ بالجمله الشهيره هذه قصدها لا تقولولي ازعل عند اهلي ولا تقولولي اطلق!!
طيب وش تبغين الناس يقولولك؟!
انتي ما تبغين حلول. انتي تبغين ترضين نفسك وتسمعين الكلام اللي على هواك فقط حق اصبري وقومي بحقوقه وسويله ليله حمراء اذا جاء والبسي القميص ابو كشافات علشان ينتهي الموضوع وتحافظين على بيتك!!
أي بيت هذا اللي تتكلمين عنه؟
البيت اذا مافيه حياه آدميه وحفظ للحقوق والكرامه. هذا سجن ومعتقل تعذيب.
محد قال تطلقي ولكن احفظي كرامتك اللي حفظها لك الاسلام وحطي خطوط حمراء من الكرامه والاحترام لا يمكن التنازل عنها علشان الناس كلها تحطلك قيمه مو بس زوجك.
اتمنى للجميع حياه سعيده.