زوجي ظالمني يارب انصرني

الأسرة والمجتمع

ياخواتي توني طالعه من النفاس
وزوجي انسان شكاك ومدمن ومريض عنده اعاقه بسيطه
دائما من عرفته يقذفني بشرفي ويرجع يعتذر ويقول سامحيني على مر السنين وهو يقذفني ويتهمني بشرفي مع اقرب الناس لي
ويرجع يقول اسف وامانه بيحي مني وسامحيني ماكنت في وعيي واسكت واسامحه
بس من داخلي ماسامحه الله لايسامحه
كذا مره اكتشفت انه يخوني وعديتها له
هو معروف انه راعي نسوان قبل يتزوجني الله يسامح ابوي الي زوجني اياه عارف بلاويه وعادي عنده عشانه ولد عم!!
طبعا انا تعودت عليه ولا لي غير الصبر
والدعاء لاني اذا شكيت لابوي يقولي الرجال شايل عيبه وكلهم كذا واذا قلت يتهمني مادافع ابوي عني ولا انصفني
زوجي يابنات عاطل عن العمل وفقير ومدمن مخدرات ومعاق
وانا جاني مرض نفسي واخذ علاج نفسي تعبت من حياتي معه لاسند ولاعون ولاحد يوقف معي
تعبت تعبت
من حياتي
اكتشفت ان معي ورم حميد بالرحم وللاسف زوجي يقول بنبرة صوت كانه منتصر
هذا عقوبة من الله لانك مسويه شي (زنا)والعياذ بالله
ويدعي علي يقول جعله يتحول خبيث ويكبر حجمه تخيلوا يدعي علي وانا نفاس وجالسه في بيتي
ماختلط باحد عشان يشك وحتى جوالي والله ماشحنه رصيد
وبيتي اخذ ايام فاضي مافيه قطعة خبز ولابين بعينه
ولا لقيت وظيفه اعز نفسي واعيش مثل الناس
ولاتحسبون اني راضيه بحياتي معه
اكيد بتقولون وش مصبرك عليه وش تبين فيه
اولا انا
مغصوبه عليه
ولو اشتكي عليه محد واقف معي لا ابوي ولااخوي ولا اي احد
كلهم ضدي كانني الغلطانه !!
وفي الواقع
هم كلهم مثل زوجي
عشان كذا مايبون يساعدوني يمكن خايفين ااثر على حريمهم ويقلبون عليهم
او يمكن فزعه لولد عمهم راحمينه من حياة العزوبية
حسبي الله ونعم الوكيل
الله ينصرني عليه وياخذ حقي منه
ادعولي بالفرج



مجرد فضفضة
15
2K

يلزم عليك تسجيل الدخول أولًا لكتابة تعليق.

تسجيل دخول

lights2
lights2
حبيبتي ربي ينصرك
الحين الحمد لله وضع المرأه تغير بالله ليش هذولي الرجال يتحكمون بحياتك لا اب لا اخ لا زوج
قادر يكون لك سند انتي منتي بحاجتهم اصلا مالهم وجود بحياتك
لازم تعتمدي على نفسك بوظيفه
ربي ينصرك على زوجك وكل من تخلا عنك
والله احنا في زمن الرجل ما منه فايده الحين الحرمه اذا ما صارت قويه وتطالب بحقوقها ولا احلمي رجال يرحمك


لان رجولتهم ماتت من زمان مافيهم خير
الله لا يبلانا
وربي يعوضك في ذريتك ببرهم وصلاهم
eerr
eerr
الله سبحانه وتعالى يقول (- في سورة الرعد: إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ؟


وانتي جالسع تظلمين نفسك وتظلمين اطفالك
قوي نفسك عشان يقدرين تربين اطفالك تربيه سليمه
لا تقولين ما اقدر
ومحد واقف معاي
الله سبحانه مو مضيعك انتي وعيالك
والحكومه ماراح تقصر معاكم
بس تكفين بلاش هالضعف هذا
تراك بتضيعين نفسك وتتحسرين علي عيالك
💕گادي💕
💕گادي💕
‏🌿 زرعان يحبهما الله تعالى :
زرع الشجر وزرع الأثر ، فإن زرعت الشجر ربحت الظل والثمر ، وإن زرعت طيب الأثر حصدت محبة الله ثم البشر ، طبتم بطيب الذكر والأثر .
ليس الكبير من يراه الناس كبيرًا
بل الكبير من ملأ قلوب أحبابه أدبًا وخلقًا وتواضعًا وصدقًا.
عشق وجفا
عشق وجفا
تمسكي بالله غاليتي
مالنا غير الله
ياسمين🌹.
ياسمين🌹.
لاحول ولا قوة إلا بالله


الله يفرجها عليك ويهدي زوجك
بشك فيك لانه بشرب مخدرات