زوجي عازم ومحتاره وش اسوي

من رأيي الافضل تعملين لحم بدل الدجاج بالاضافه الى مصقعه و صينية محاشي وممكن طبق شعبي جريش او مرقوق او قرصان و استبعدي المكرونه الباشميل
ممكن تعملي شوربه سي فود او دجاج او حريره ونوعين سلطه او 3

الله يقويك يارب اعملي سلطات نوعي سلطه خضرا وسلطة زبادي وجزر وورق عنب واذا ما امداك تعملي ورق عنب جيبيه جاهز من السوبر ماركت ووزعيه بصحون انا اسوي كذا بس اسخنه شوي قبل واعملي صينية خضار بالدجاج واعملي مكرونه بالباشميل واعملي كوسه محشي اشتريها محفوره وجاهزه من بنده وانتي احشيها واعملي كبسة رز بالدجاج اممم واعملي سلطة فواكه وحطي فوقها صوص(قشطه وحليب محلى نستله) وحلى الكاسات وربي يعينك عاد ورينا ابداعك (:

صلحي سلطه نوعين وحده منها فتوش والافضل كبسة لحم وجريش وايدام مشكل خضار او اللي تبين وكشني بصل وضيفي له زبيب بعد ماتغسلينه وعالنار شوي وطفي عليه وحمصي صنوبر ووزعيه عالرزبعد ماتحطينه في الصحن واسلقي شوي اسباجيتي مع مرق ماجي وشوي زيت وملون رز كركم وصفيها اول ماتستوي وحطيها فوق الرز نفس شكل المندي بيكون وحلا مثل ماقلتي صلحي نوعين مع القهوة وبعد العشا حلا كاسات او مهلبيه وجلي طبقات وبالعافيه مقدماً

ضيفي على الي بتسويه مرقوق ولا ادام لحم بالخضار او صينيه خضار بالدجاج مره حلو

لو كان مندي لحم او كبسه لحم ماكان يحتاج الباشميل بس نوع ثاني من الادمات بس دامه دجاج اجل سوي صينيه باشميل بالحمه المفرومه مو بالدجاج عشان ترضين الجميع

الحلا ترا الرجال مايحبون كثره الحلويات يعني نوعين كفايه

احسهم يحبون الحلويات البارده الي تجي طبقات

يعني جيبي كيك سراي الجاهز وفتتيه بصحون صغيره او كاسات الحلا وحطي طبقه ثانيه تكون من دريم ويب وكريم كراميل وقشطه وحليب محلا نستله والطبقه الثالثه دوبي جلكسي مع شوي حليب وضيفي له قشطه

او ممكن اي حلا كاسات ويااااااااااااكثرها بالمنتدى شوفي اي وحده تناسبك وعندك طلباتها سويها


الله يقويك ويعينك

احس الرجال يحبون الرز واللحم اكثر سوى صنيتن كبار ارز

و مرقوق ومقابلات وعصاير والحلى