طيب بنات انا افكر بحل احس ممكن يكون وسط انا اتوظف واقوله يطلع من البيت خلاص يروح يعيش حياته زي مايحب وانا اخذ الشقه وادفع اجارها يعني مابي منه شيء وبنتي تكون معي ويمشي لها مصروف شهري حتى لو ابقى ع ذمته طول العمر مايهمني المهم بنتي تربى بجو هادي مافيه امور تاثر ع تربيتها واخلاقها اذا كبرت تعرفون اول 5سنين اهم شيء لتكوين شخصية الطفل وانا ابيها تطلع من احسن الناس مابي لاتاثير من ابوها ولا من امي حتى وبكذا حل وسط ماتنحرم لا من امها ولا ابوها وانا والله العظيم مابي ابقى ع ذمته عشان سواد عيونه لا والله بس مابي احرم بنتي منه هي تموت عليه وهو يحبه موووت ولا ابي احرمها من اهلها وجدها وجدتها الككككككل يحبها بس اذا بروح لا امي بنتي بتعيش مثلي وبتتكرر ماساتي وانا صغيره وبتكون محرومه ووحيده لا اهل ولا عزوه والكل بينساها حتى ابوها مع الوقت بس تبعد بينسانها وبيشوف حياته بس اذا جلست بشقتي بتكون قدامه ع طول وانا ابقى ع ذمته اي وقت يحب يجي يشوفها ويجلس معه مافي مشكله لاني ع ذمته خصوصا ان بيت اهله مابينهم ال3دقايق بالسياره ونتفق ع هذا الحل بحضور عمي وام زوج ..نسيت اقولكم ترى زوجي امه وابوه منفصلين هو عاش متسرد بينهم ودايم يبكي ويقول اهلي سبب تعاستي فكروا بانفسهم ونسوني ولاعمر احد حن عليه او سال عنه ابوه تزوج وامه بعد تزوجت وهو تشرد بينهم ودايم يقول انا مريض نفسيا بسبب انفصال امي وابوي

امه تعرف كل شيء لانها عايشه بديره ثانيه وتعرف اني صابره ع ولدها ودايم تنصحه وتزعل منه بالشهور عشاني بس مافيه فايده المايل مايل بس ابوه عايش بنفس المدينه اللي احنا عايشين فيها واذا رحت اشتكيت ولده بيقول طلقها وانا ازوجك غيرها4بيوم واحد ابوه مليونير بس مستعد يساعده عشان يتزوج بس يساعده بظروف الحياة لا والله لو يشحذ بالشارع او يموت عادي بس بالنسوان ياسلام هو متزوج 8حريم ويحب الحريم يتزوج ويخلف ويطلق وكل شوي حرمه عااادي يعني ابو زوجي مابينصفني الا بيشجعه يقول طلقها وبكره ازوجك

هو عارف انك ماتقولين له لا وماخذ راحته
لو غيرك شوتته من زمان هو مابيطلق لانه عارف محد متحمله غيرك
لاتخلينه يمد يده ولاياخذ فلوسك وترا كلامه معناه طلاق تاكدي من الحكم
وابوه بيساعده لاتخافين مابيرضى ولده ينسجن وتتشوه سمعته دامه يحب الحريم
لو توظفتي لاتعطينه فلوسك واعلا مافيه خيله يركبه
بيطلق خل يطلق غيره مليون ويعوضك ربي احسن منه لكن شكله كلام ومدة يد بس

مامن فعل اسال الله يفرجلك بفرج من عنده ويرزقك من حيث لاتحتسبين
الله يسخره لك ويبدل ايامك الحزينه بفرح وسعاده ضاق صدري وانا ماعرفك
قوي قلبك ياختي وتوكلي ع الله استغفري صلي اقري البقرة وابشري بالفرج

دوري وظيفه أول لو كاشيير لو اتصفين عاالرفوف في أي محل .. الشغل ماهو عيب .. ثبتي نفسك بوظيفه حتى لو راتبها قليل ثم روحي لأمك عالاقل حلال فيها المصروف ألف ريال كل شهر بتسكتها عنك وبتملي عينها.. ولا هاالنذل الدوني

مو لازم عندك بالعايله رجال يكفي انك متزوجه رجال بالاسم والا افعال مريض
بعدين ليش ياخذ راتبك ويستغلك قولي لا اذا ضربك روحي اشتكي عليه
اذا توظفتي روحي عند اهلك تصرفين ع اهلك ولا تصرفين ع زوجك
بسالك لو صرافتك بيد امك كان انجنيتي !+
عجبي منكم يا بنات حواء الوحده تذل نفسها لزوجها وتصبر وتنضرب وتصبر
واذا قلنا راحت لها وكشرت امها بوجهها انجنت وماتبيني وع اقل حركه تفسرها
والزوج يهينها سنين ساكته !
دايم الاهل تشيلون عليهم والزوج تطلعين الحسنات من تحت الارض لههه
طيب ليه !
واللي تقول جاتكم عين وين العين معه وهي اللي تصرف عليه وخلص حاجته وصفى ذهبها ومالها ويمسكها الباب !
واللي تقول الزمي البقره والاستغفار ليش لا الوحده تمشكلت مع زوجها قولتوا هالكلام
ليش ما اخلي القران ورد لي والاستغفار عاده
موب وقت المصايب ارجع لربي !
اما صاحبه الموضوع
خلك قويه وعلمي اهله ع فعايله وافضحيه وقولي عطيته ودفعت ويوم خلص رماني
وخبريهم وش قدمتي وش ضحيتي طلعي اللي بقلب لاهله واخوانه وابوه
ثم واجههيه وروحي لاهلك بردي قلبك وانفضي هالضعف اللي فيك
خلاص يقول تحرمين علي مابعد هالكلمه شي
الله يسهل امرك