زائرة
زوجي عاقبني بالهجر بالفراش والسبب
متزوجه من ست سنوات وعندي طفلين صارت مشكله قبل كم شهر ان زوجي رايح لشغله ومالقى بالدولاب ثوب جاهزي ومكوي يلبسه وهزئني وقال طلعه من البيت مافيه مده اسبوع وبعده بكم يوم عفى عني وصارت مناسبه ونسينا الوضع المهم قبل اسبوع نفس السلفه رجعت نسيت ماجهز له ثياب وعصب وخاصم وقال خلاص راح اشدد العقوبه وهي الهجر بالفراش كم المده الله اعلم ماسالته وهو جاد ولنا الان اسبوع متغير معي مره يسولف بس ماهو زي اول ولايناظر فيني ومعصب ويتنرفز من ابسط شي ///مين قد هجرها زوجها وهل ترجع الامور طبيعيه الله يهديه هو صارت سالفه ثيابه شي مهم ويشوفها نقطه ضعفي واي زله يشوفها يعصب انا قلت له سم ومشيت زي ماقال اخلي بالدولاب اقل شي خمس ثياب جاهزه واذا لقى اقل راح يسوي مشكله تشوفون تصرفه صح صرت والله اخاف وع اعصابي وكل شوي اشيك ع الثياب واخاف بس هل تشوفون الهجر طبيعي وهل قد صار لكم كذا وكيف مشت الامور بعدها اتمنى تردون علي انا الان مسويه الوضع عادي اسولف والعب مع عيالي واضحك وهو متنرفز مره ومعصب وكأنه هو عاقب نفسه مو انا لاتقولو خليه يكوي ثيابه برا هو رافض الفكره اعطوني تجاربكم مع عقوبات ازواجكم لكم وكيف تصرفكم الصحيح كان (بما انه عاقبني بالهجر وش التصرف الصح الي اسويه ويمكن يعفو عني
53
7K
يلزم عليك تسجيل الدخول أولًا لكتابة تعليق.
القحطانيه
•
بصراحه يقلبي انتي غلطانه انك ماجهزتي ثوبه خصوصا انها تكررت اكثر من مره رغم انه زعل بس هو بالغ مرره بالزعل والعقاب🤯مو لهدرجه الله يهديه وش خمس ثياب خصوصا عندك طفلين وواضح ماعندك خدامه قولي خمس ثياب كثيره بس اوعدك معاد بتحتاج ثيابك وماتلقاها اقل شي بتلقا بالدولاب ثوب والا ثوبين اجلسي معاه وقولي لاتخرب حياتنا وزواجنا عشان ثياب وشفني تعدلت وصح انا كررت الخطا بس باذن الله ماراح يتكرر المهم قولي انت مره زودتها بعقابي سلامات ترا الحياه الزوجيه تفاهم ومافيه احد كامل مثل مانا قصرت عندك ومالقيت ثيابك انت بعد قصرت عندي في العلاقه وعقابك علي قوي وخليك جاده ولاتصيرين تعتذرين كثير تراها بتكبر براسه والا السالفه عاديه وتقدرون تحلونها ماهي محتاجه هجر وزعل المهم اذا مانفعت معه ذي الخطه انتقلي للخطه ب 😂😂الي هي تكشخي وسوي نفسك مو شايفته وان الوضع عندك عادي خصوصا وقت النوم سوي هالشي
زائرة
•
هو مره معصب وتكررت مني كثير وقال خمس ثياب عناد كمان يبغاني اتادب اكثر هو بالغ بالكلام وكبر السالفه عشان ثياب بس لكن انا لو تكلمت وقلت زي ماقلتي بحط لك ثوب او ثوبين توقعي منه يعصب مره وينرفزني بالكلام فعشان كذا ليش بوجع الراس راح اسكت وارتب وضعي واسوي زي ماقلتي اكشخ والحياه حلوه وهو معصب وحالته حاله
زائرة
•
..
انا ما أشوف انك غلطانه ابداً ، وممكن لو الآن مشيتي له ع كيفه بيقول لك لا اشوف اقل من ٦او ٨ ثياب وهكذا ، الانسان يمر بضروف وضغوطات وانتِ عندك طفلين لازم يقدر الوضع ، وانتِ لازم تحطي حد ، والله انا مااحب ابداً اني انصح وحده ضد زوجها، بس رحمتك والوضع هذا يقهر،
انت مو غلطانه ابداً ،
اذا ثيابه لازم تنكوي بالبيت يجيب لك شغالة تساعدك على الأقل ،
انا كنت اكوي ملابس زوجي بالبيت وشبه يومي بس بعد العيال خلاص انتهى ،
اما هجر وعقاب عشان كوي ثياب صراحه لازم تحطين حل للموضوع والا رح تتعبين ،
يعني كثر خيرك تكوين ثيابه وماتقصرين ، بس لما يجي ويلقى ثياب اقل من العدد اللي محدده هذي مهزله ، بصراحه السالفه استفزتني جداً ، وأحاول انتقي كلامي حتى لا أكون مخببه ، بس اللي ابنصحك فيه ، شوفي لك حل للموضوع لا يكبر . انتِ مارح تكوني بنفس الروتين طول حياتك ، مارح تقدرين حتى لو حاولتي ، قولي له زادت مسؤولياتي ، قولي له ما أقدر ،أو ازعلي وحطي حد للموضوع ،
ما اقدر اعطيك حل معين غير ان انتِ ادرى وش ينفع مع زوجك، اما سالفه العقاب والهجر عشان ثياب هذي مهزله وما ترضاها النفس
انت مو غلطانه ابداً ،
اذا ثيابه لازم تنكوي بالبيت يجيب لك شغالة تساعدك على الأقل ،
انا كنت اكوي ملابس زوجي بالبيت وشبه يومي بس بعد العيال خلاص انتهى ،
اما هجر وعقاب عشان كوي ثياب صراحه لازم تحطين حل للموضوع والا رح تتعبين ،
يعني كثر خيرك تكوين ثيابه وماتقصرين ، بس لما يجي ويلقى ثياب اقل من العدد اللي محدده هذي مهزله ، بصراحه السالفه استفزتني جداً ، وأحاول انتقي كلامي حتى لا أكون مخببه ، بس اللي ابنصحك فيه ، شوفي لك حل للموضوع لا يكبر . انتِ مارح تكوني بنفس الروتين طول حياتك ، مارح تقدرين حتى لو حاولتي ، قولي له زادت مسؤولياتي ، قولي له ما أقدر ،أو ازعلي وحطي حد للموضوع ،
ما اقدر اعطيك حل معين غير ان انتِ ادرى وش ينفع مع زوجك، اما سالفه العقاب والهجر عشان ثياب هذي مهزله وما ترضاها النفس
الصفحة الأخيرة