زوجي عصبي ومايقدر ساعدوني>>قديم

بسم الله الرجمن الرحيم السلام عليكم يابنات وياحريم...يارب تكونون بصحة وعافيه...بصراحة ودي تشاركوني حياتي وتعيشون قصتي لمدة دقايق ...وابي مشورتكم ...لاني ابي حل نهائي ....بختصار طابت نفسي ....بقولكم كيف حياتي الزوجية...انا متزوجة ابن عمتي من 5سنوات وعندي 3 اطفال...اول ماجاء يخطبني كان معصب وكان يهاوش ابوي عشان التحاليل اللي قبل الزوج ..ويقول انا اجازتي قصيرة ونبي نملكه بسرعه ....المهم تمت الملكة وكل شئ في اسبوع...وبعدها بشهور تزوجنا...سافرت معه ولقيت بيتي جاهز من اثأث من كل شئ...وماكان بينا مشاكل..حتى لو صارت مشكله عادي نحلها بوقتها..طبعا حملت وتعبت جدا في حملي..وكان زوجي يطلب فطور الساعة5 بعد الفجر ..وانا جدا تعبانه ...وبطلب غداء وعشاء ..المهم انا كنت اعاني من غثيان وتعب شديد..وزوجي كان يعصب اذا ماطبخت..صرت اقوم عشان مايزعل..طبعا انا بكريه وقتها وكنت مااتحمل ريحة الاكل ودايما غثيان.. المهم بعد الولادة حسيت زوجي تغير كثير.. اذكرابني كان يبكي في الشهور الاولى اذكر انه ضربه كف وعمره شهرين عشان ماخذ الرضاعه..والله انصدمت وماسكت طبعا..قلتله خاف الله حرام عليك ..قال هو ازعجني ومايبي الرضاعة ليش وليش ..قلت يمكن مغص ..كل الاطفال بعمره يبكون..كنا عايشين حياه عاديه..يعني نطلع السوق ومطعم وحدايق ..كان عادي ..لكن بعدهاحملت بسرعة وعمر ابني 7 شهور بس...بكيت من كل قلبي..وقتها جاني نزيف وقلت يارب ينزل الجنين...وقتها سكنت مع اهله بسبب ظروف النقل ..وقالي مؤقتا..بعد شهرين نقلوه للرياض عند اهله ..وطلبته نستاجر بيت ..قال اذا خلصت دين امي ..طبعا هو ياخذ منها فلوس عشان يشتري سيارة او يقعد يصلح سيارته...وامه مسكينه والله راتيها مايوصل 2000..ويقولي مااقدر اطلع لك بيت اصبري ..طبعا صبرت ..وسكنت مع اهل زوجي وصارت مشاكل معه جدا كبيرة وتغير كل شئ..صار يهاوشني قدام اهله ولايحترمني وانا حامل بابني الثاني وكان يقول اغسلي واكوي ,,وهو ماشاء الله يغير ملابسه كل شوي ..تعبت ذيك الايام كان عندنا غرفه خاصه فينا..كنا نتهاوش فيها دايما واصواتنا يسمعونها اهل البيت..كنت اقوله ابي بيت ..متى هالشئ..يقول اذا خلصت دين امي ودينها مو شوئ..قلت باصبر واحتسب الاجر..اذكر صارت لي مشكله مع اخته ..هي بنفس عمري..جت عندي وقالت ليش ماتساعدين امي في المطبخ قلت لها انا بكره بيكون لي دور جديد انا بطبخ واغسل يوم كامل..وانتي اليوم اللي بعدو..قالت لا..وراحت تشتكي عند ابوها ..وقالت انا مااشتغل ..وصارت مشكله وقالت بتضربني وانا وقتها في شهري الخامس..المهم رحت عند عمي ابوها قلت له فكني من بنتك والله ماقال شئ جت بنته وهزاتني وسبتني قدام ابوها وانا وربي تفشلت..قالت ابوكي اصلا ماضفك انت من انتي بنت فلان الدلخ وابوي هو اللي ضافك . .قلت ياعمي قولها تسكت قال انتي فرضتي الدور ..وقال لو زوجك كفو يضفك..والله بكيت من كل قلبي حسيت نفسي مرميه عليهم ..والسبه زوجي وديونه اللي ماتخلص..بعدها جاء زوجي وقلته امانه خلينا نستأجر شقة..قال بعدين ..كنت اسمع ذيك الايام اخت زوجي تقول والله انا ماابيهم..ابيهم يطلعون كانت تطردنا وتجرحنا بكلامها..وكل ماكلمت زوجي قال ماعندي فلوس,,المهم بعد ماسافرو اهل زوجي للديره..تركوا لنا البيت انا وزوجي....والمشاكل باقي مستمره على اتفه الاسباب كان يهاوشني عشان عطر ليش مارديت غطاه اوعشان ابني ...فجأه ابني مرض كان نايم وانا عادي اتابع التلفزيون وقعت اشوف الولد وابي اتاكد اذا الولد نام ولا لا ....لقيت الولد شبه ميت مايتنفس والولد لونه ازؤق وجسمه بارد زي الميت اشيله مايتحرك..غسلت وجه بمويه..ماقام..رحت اركض الدرج ادق الباب على جارتي تلحق على ماسمعتنى ابد..عطيت الولد اكسجين من فمه وبعدها قام..وصار يبكي وقعت اسكته ..رحت ادق على زوجي كان توه طالع من الدوام..وقلته الولد زي الميت جاء مسرع..رحنا المستشفى وسوينا فحوصات..وتبين ان الولد مريض بالصرع ...الحمد الله على كل حال صار الوضع اصعب وكنت بشهري الثامن..وابني لازم انتضمله على العلاج ..ومشاكلي مع زوجي ..طبعا صارت مشكله كبيرا وكان رمضان وزوجي كان على السفرة يفطر وينتقد الاكل ويقول ليش وليش..من القهر سبيته...قام ضربني على وجهي مرتين وعلى راسي بغيت اموت ..مع انه يخلط ويسبني قدام اهل ويقول والله اخليك معاقه طول حياتك..واذ طلعت بيت بطلعه زي قبرك يعني ضيق.. لكن بعدها قررت اتركه واقعد مع اهلي.. جاء ابوي عشان ياخذني..راح دق على امه قالهاكل شئ..وكان يعلمها بادق التفاصيل..يوم جاء ابوي ..طبعا زوجي هدده بشرطة قال والله ماتاخذ زوجتي ..وقال عني مهمله ومقصرة ..وشاف ملابس على الارض وقال شوف اهمالها ..الملابس كانت نظيفة بس ناقصها كوي..المهم رحت مع ابوي ويوم وصلت بيت اهلي دق زوجي على جوالي ومارديت..طبعا جلست عند اهلي 4 اشهر كان ابوي يصرف على وعلى اولادي..وزوجي عي لايرسل المصروف ابني تعذب كل يوم يتشنج ..وانا وربي ابكي كل يوم مو عارفه اش اسوي..بعد ولادتي بثاني قرر ابوي يشتكيه في المحكمة..ودق عليه وقاله ..بعدها ارسل المصروف بس 1000 وانا قاعده من 4 اشهر ..واشهر الثاني 1000..شريت لاولادي ملابس عيد وقتها.. وعطيت ابوي 1000 عشانه صرف علينا ..بعدها زوجي استأجر بيت بعد ماتسلف من امه 9000 ..سافرت معاه وكان البيت جدا حوسه من الاثاث ..واهله ماقصروا كان يعطونا اكل للبيت ..بعدها صارت ترجع المشاكل شوئ شوئ ..كان يهاوشني على كرتون فاضي حق سيدي او شئ خاص بالسياره..كان يقول الله يلعنك الله لايوفقك ومرة كان يكلم واحد بالجوال والاولاد يلعبون وكان ازعاج قلت له روح كلم في المجلس..قام يعصب ويخرب كل شي وضرب الاولاد ضرب اجرامي..كنت اقول عادي بيتغير ..صار مع الوقت يسبني ويضرب اولادي قدام الناس وانا والله اسوي المستحيل عشان يرضئ..صاري بعد موقف اني ضربته كف من دون ماقصد كنت معصبه ..كنت توني صاحيه من النوم جاء وقال قومي سوي الفطور لابوي ..وطفى المكيف ومسكني من فخذي وضغط علي وعورتني شوي قلت له خلاص روح شغل المكيف عشان الاولاد..قال لا اعرف ماتقومين ..قمت وضربته من دون قصد ..طبعا عصب وضربني ضرب موطبيعي بغيت اموت جلست امسك رجله واعتذر قلت والله ماقصدت بلغلط قلت له خلص بس ..وباقي مستمر بالضرب قام ابني وشافني انضرب صار يبكي وخاف ..رحت الحمام بسرعة وقفلت الباب عشان لايكمل على شوفت وجهي تغير وخشمي ينزف دم بكيت وبكيت مو مصدقه وش اللي صار توني قاعده من النوم ..على طول ضرب في ضرب ..طلعت من الحمام وصلحت الفطور له ولابوه..وقام يسألني هذا وين حطيتي هذا تكلمي ..ترى اضربكي..اخذت جوالي عشان اكلم ابوي قام كسر الجوال..وبعدها راح مع ابوه للدوام ماكان عنده سيارة كان ابوه يوديه..علم ابوه بكل شئ في السياره ..وقال والله غلطت عليها..وحاول عمي يصلح بينا ..بس ماسامحته جلست اسبوع طفشانه موت افكر وش اسوي وكل شوي افكر في اولادي..بعده بسنه حملت ..وصار يذلني ويسبني في عرضي ويقول والله ماكنت ابغاكي.. ابوكي زوجني..هو قال خذ بنتي..وقال فرقاك عيد..وضرب الولد ضربه على ظهره وعمره 3 سنوات وياليته يضرب بشويش ..يطلع دم مع ضربه ..قلت الله لايوفقك ليش تسوي كذا في الولد ..قام سحبني من شعري وقال تسكتين ولا اضربكي .. والسبب اني نسيت مااسأل الدكتور عن علاج الولد ..قال ليش انتي ..يعني على اتفه الامور يعصب..والله يابنات يوم عرفه واحنا صايمين قام ضرب الولد كف على وجه ورمت عينه ونزف انفه قمت اخذت الولد بحضني قام يسحبه حلف يضربه..وديت الولد الحمام عشان اغسل وجه الولد موقادر يوقف ..والله ظالم ماقدرت ازور اهله يوم العيد عشان لايشوفون الولد لكن شافوه ...اقسم بالله انجنوا..قالوا اكيد طاح قلت لا ابوه ..قلت الصدق.المشكله ابني عنده تشنج يعني صرع منذ ولادته وفرط حركه وتوحد ..وزوجي يكره الحركه ..على طول يضربه ..مره ضربه الولد تشنج..والله مو عارفه وش اسوي ..حتى صلاته ضعيفه يصلي في البيت ..كل يوم جوال جديد اويصلح سيارته..والله اني كلمت ابوي وقال زوجي هذا مستحيل يتغير ..قال بطلقك منه ..قلت لابيتغير ..زوجي افضل شئ فيه انه يطلعنا ويودينا السوق ..والبيت مهتم فيه ..لكن مشكلته الصلاة مو مهمه عنده,, وعاق للامه وابوه ويحش في اهله..وجدا عنيف..يرفع العصى في وجه ابوه ..يقول واجهني ..ابوه انهبل مومصدق المنضر..قبلها قال والله اذبحك وانت نام او تصلي..ويعدها القاه يبكي وندمان ويقول انا اسف والله مااعيدها والله اتتغير وابدا صفحة جديدة..ويرجع مثل قبل ..بنات سااعدوني ابي شوركم .....اعرف بتقولون اصبري ..انا والله خايفة يقتل واحد من اولادي وسكوتي هو السبب ..لانه يضرب ضرب مو طبيعي ..وفنفس الوقت ماابي نفترق عشان اولادي مستقبلهم ..والله له غرفه خاصه فيه لوحده ..والولاد غرفتهم لحالهم ..ولا يدخلون غرفته ابدا واذا صارت بينا مشكله امسكهم واحطهم في غرفه حتى تخلص مشكلتنا..حتى اهتم بنفسي عشانه ..ولا ارده في الفراش احاول ارضيه بكل الطرق ..بس مو راضي يريحنا ..ويقول لبوي انت زوجتني ..ماكنت ابيها..مره طلبته بودره اطفال ..عصب وقال انتي مهمله الاولاد..ليش بودرة..قلت عشانهم ضروري ..قال والله اضربك وفي بيت اهلك والله مايهمني..ومره مرض على الولد وقلت له وديه المستشفى.قال اللي بيني وبينك انتهى......ساااااعدوني استحلفتكم بالله ياخواتي ارحموا حالي ...ابي حل طابت نفسي