مرحبا صبايا أتمنى الاقي عندكم حلول لمشكلتي اللي متعبتني
انا متزوجه وعندي ولدين الحمدلله
زوجي راتبه كبير ومو راضي يطلع الفلوس اذا احتجنا
كريم جداا في الأكل يترس لي المطبخ لدرجه يزيد عن حاجتنا
بس في أي شي ثاني مستحيل يعطيني أو يشتري متطلباتي يعني غرض يخص البيت أو تحف اوملابس لي وللاولاد او اجهزه الكترونيه اوتلفون وشحن لجوالي ويقول ماعندي فلوس حتى شبكه نت مو راضي يشتري مع اني ادرس حاسب ومحتاجتها ضروري بس رفض يقول ماعندي فلوس وانا بس على بيانات الجوال أغلب شي طبعا انا متأكده انه عنده فلوس مو مزنوق مثل مايقول أولا جواله بفاتورة مب شحن مثلي ويدفع مبلغ وقدره شهريا لجواله عشان النت ماينقطع عنه نهائي ومو مقصر على نفسه نهائي في الهدوم بس يشتري ويدلع نفسه ويسافر كل شهر مدينه لوحده مع أصحابه وكل سنه يسافر دوله برضو مع أصحابه واذا قلت من وين طلعت الفلوس قالي ماراح ادفع شي أصحابي يقولون تعال بس لاتدفع وادري انه كذاب
أحيانا أفكر أخذ من فلوسه من وراه عشان اصرف على نفسي انا واولادي
أحيانا مااسكت وخصوصا عند الملابس نضطر بين فتره وفترة نشتري للصيف للبرد الأولاد يكبرون وطبعا يصير بيننا مشاكل لدرجه اني أحس شوي ويطلقني
لو زوجي حالته الماديه صعبه والله لاصبر واعيش معاه عالحلوه والمره بس راتبه كبير وفوقها يشتغل أعمال حره واشوفه يسلف أي أحد يطلب ويعطي إخوانه بالهبل مع أنهم موظفين لدرجه انه اشترى غسالة ملابس اوتوماتيك لاخوه وانا اطلبه يقول ماعندي فلوس وانا غسالتي عاديه وخربانه وتعبت معاها واشترى برضو لبيت أخوه الثاني أغراض انا في أمس الحاجه لها وكمان كل ماراحت خدامه أهله قدم لهم وحده ثانيه وهو يدفع رواتبها
وصلت لدرجه اني بدأت أكره واحقد عليه قولو لي اشلون أتصرف معاه
يلزم عليك تسجيل الدخول أولًا لكتابة تعليق.
قيودد
•
الله يسخرة لك حاولي معه لاتستسلمين كثرة الدق تفك الحديد .. ولا تطلبين اشياء كثيرة لا. كل فترة اطلبي شي. يعني مرة اطلبي ملابس وبعدها غرض للبيت
واختصري على الضروريات لين يتعود ويعطيك بس اطلبي مو اذا قال لا سكتي . بكرة يجمع فلوس ويتزوج فيها ولا يوزع على الناس وانتي بحاجتها .
واختصري على الضروريات لين يتعود ويعطيك بس اطلبي مو اذا قال لا سكتي . بكرة يجمع فلوس ويتزوج فيها ولا يوزع على الناس وانتي بحاجتها .
واتساب
•
قوليله هييييه وش شايفني عنز عندك مايهمني غير العلف تعلف فيني وتسحب على باقي الامور اطلبي مصروف من حقك تلبسي وياثث بيته ويجيبلكم اجهزه ونت ذي ضروريات مو على كيفه
kely7nan
•
اكره هالنوعيه ليش يتزوجون يقعدون عند اهلهم ابرك ولايبلون بنات الناس فيهم انا بس قريت تنرفزت اعوذ بالله الله يكون بعونج
الصفحة الأخيرة
قولي له انك محتاجه فلوس و و بتلبسين و بتلبسين عيالك ..
اذا قالك ما عندي ?
قولي مسامحتك هالشهر بس الشهر الجاي لازم مسوي ميزانيه ..
وسوا لكم ميزانيه و اكتبي من ضمنها اللي تبغينه
وبس والله .