سبحان ربي قادر عل ان يرزقكم إن شاءالله
اختي اكفلوا يتيم من الجمعيات الخيريه انتي و زوجك وخليها بينكم وبين ربكم ماحد يدري
والصدقه والاستغفار بنية ان الله يرزقكم وربنا مافيه اكرم منه سبحانه
وخذي لزوجك خلطة عسل اللي يكون فيها طلع النخل وحبوب اللقاح والجنسنج وخذي له فيتامينات تكون مخصوص للخصوبة الرجال
هذي صورتها تحصليها في بوتس والصيدليات الكبيرة
وبعزة واحد أحد ان ربنا يكرمك بالحمل إن شاءالله يارب العالمين ياالله ادعيلك من كل قلبي ربي يستجيب دعائي ان يرزقك بالحمل إن شاءالله

بعيد عن العاطفة فكري بعقلك
الرجل كل مايكبر يتغير لا تتوقعين بيستمر لآخر العمر بنفس طبعه
انتي استخيري اول وخوذي عبره من الواقع

بعطيك قصتين من معارفي
الأولى خالتي تزوجت رجال طيب ومحترم المهم بعد فترة الرجال تعب وصار عنده مشاكل بالانجاب
هي كانت موظفه صرفت عليه واخذت قرض وعالجته برا من حبها له تمدحه ابن حلال وطيب
المهم بعد ماتشافى ورجع ساعدته وفتح محل يترزق الله منه وينشغل به لأن من كثر غيابه ايام التعب فقد وظيفته
مرت السنين ويوم صار عمرها 47 قال بتزوج بحاول اجيب عيال لو انابيب😒 هو من حقه بس بعد ماراحت زهرة شبابها معه وعلى طول طلبت الطلاق وفعلا هو تزوج وجاه بنت
عاد دايم تقول متندمه ماسمعت كلام ابوي قبل
والحين دايم يهاوشني يقول قبل عشرين سنه وانا اقول لك ارجعي عندي مب نافعك
....
الثانيه حرمه كبيره مررره الحين المهم تزوجت وصار زوجها عقيم وكلن يقول اتركيه وهي تقول لا رجال طيب وحنون وراعي دين وتاجر مرخي عليها بالفلوس تقول مايهون علي افرط به
مرت السنين كبروا بدا الرجل يتغير شي طبيعي
صار طول وقته يهوش ويقعد لحاله بغرفه يصك على نفسه وهي لحالها ماعندها احد يسولف تقول مدري وش غيره علي تعبت نفسيتها مررره وتتابعت عليها الأمراض سبحان الله
وهو كله مقدر ومكتوب من رب العالمين
والله يعوض صبرهن خير بالجنة

في وحده متزوجه رجل عقيم وجلسو مع بعض ١٥ سنه متزوجين وتطلقو من بعض وهو حبها حب عظيم 😢المهم ويتقدمو لها الخطاب وتأخذ واحد متزوج وتخلف منه بنوته
وطليقهل بعدها بفتره توفى الله يرحمه
الله يكتب لكم اللي فيه الخير ويرزقكم الذرية الصالحة

يروح طبيب ذكوره ويسوي خزعه وبيلاقي حيوانات باذن الله وسوي فيهم حقن مجهري وييجيك اطفال وتوائم باذن الله

أسأل الله رب العرش العظيم ان يشفيه ويعافيك ويرزقكم الذرية الصالحه...
حطي باعتبار انك لو انفصلتي هل يمكن تتزوجين مرة ثانية. يمكن تنفصلين وتجلسين عند اهلك لا اللي انتي تزوجت وجاك عيال ولا اللي انتي جلستي على الاقل مع واحد تحبينه ولا يرفض لك طلب..
اقتراحي عليه فكرة كفاله يتيم ياكثر اللي يكفل يتيم وربي بكرمه يرزقه طفل بعد سنوات
الله يكتب لك اللي فيه خير وصالح