زوجي علقني ويبي مهره

السلام عليكم انا متزوحه من ٤سنوات ودخلت الخامسه ماجاني عيال حياتي كانت عاديه مع زوجي كان مايقصر بالبيت ويطلعني وكريم شوي بس كان حقود وخاين بالجوال ونفسيه وكتوم وولد امه خواته ويسمع لهم واي شي يقلونه عني يقلب علي وانا مدري الا بعذ شهور ويهجرني ويتضايق من وجودي اذا رحت لاهله ويطنشني استمر وضعي معه ٤ سنوات كذا وتكلمت معه كثير وصارحته خاف بالاول بعدين رجع لطبعه صار يقلب علي اذا رحنا لاهله علاساس انه هو السبب وانا عارفه انهم هم بس اطنشه وصرت اسوي كلشي قدامه عشان يصدق المهم صرت اكره اروح لاهله بسبب هالتحريص وكمان هو نفسيه بقوه وصرت اروح واصبر لما اندمجت معهم ولسا هو نفسيه المهم انا كنت مقصره معه بشغلات وتعدلت عشانه وربي اول كنت انافخ عليه ويخاف وبعدين صرت اسكت علاساس اغير اسلوبي بالعكس احسه تمرد علي المهم صار يبخل يصرف علي ويتعذر اعذار تافهه ويدور زله علي صبرت عليه كثير وربي لما لقي مشكله قديمه وفتحها وكبرها واختلفت معه قام طردني وتركني عند اهلي ٥ شهور معلقه لاسال عني ولا عطاني ريال واهله ع اني علاقتي معمم رسميه ومحترمه محذ فيهم اتصل ولا بادروا بس هو يتصل ع اهلي يتشكى مني ويبي يقلب اهلي علي المهم اهلي اعطوه مهله وبعدين جاء بعد ٤ شهور لما شاف الجد استقبلوه اهلي واحترموه وقالوا له بهدوء وكذا تخيلوا ماعنده سالفه يقل لاهلي برضيها ولها اللي تبي ويوم جيت عنده قلب كلامه وقالوا له اهلي توك قلت كذا قال لا ويلف ويدور وماعنده اي سبب مقنع علي ويتشرط علي انه ماطلع ويكند ولا اطلبه فلوس؟ ابوي زعل منه لان ابوي حاول يصلح معه مافاد المهم ابوي طفش منه قاله خلاص بنتي بترجع لك بس ارضيها واعطها فلوس تجبرها قال افكر ؟ قاله ابوي خلاص روح فكر المهم طلع واتصل بعدي يومين قال باعطيها مصروف بسيط بس تصرف ع نفسها فيه قلت طيب بس ابي رضوه بسيطه عشانه طردني قام رقض وقال ماراح ارضيهاماغلطت عليها المهم كل يوم يتصل ويقول ماراح ارضيها وبس يتشكى لما طفش منه ابوي وقاله مدام ماتبي ترضيها وتبخل عليها وكل شوي تقول اي ومرا لا خلاص اتركها وطلقها والله يستر عليك ويوفقك انت عزيز وغالي المهم قفل ورجع اتصل وهو عند اهله بعذ اسبوعين قال اسمع لابوي ماني ملزوم حتى اعطيها مصروف ولاراح تشوف مني هلله ابوي قاله ليش قلبك قاسي ع بنتي؟ وجلس بتفاهم معه الولد عبيط المهم ابوي قاله خلاص طلقها رفض قال انتو جيبوا حقي؟ قاله ابوي اي حق تتكلم عنه قال باروح اشتكيك انت وبنتك بالمحكمه تجيبون حقي قاله ابوي روح اشتك بيجبروك تنفق عليها وتصرف المهم اهلي زعلوا وقالوا لي خلاص انسيه مافيه خير لك وواضح مايبيك وكارهك وش جيبي حقي وهو عايفك وطبعا انا انتظر لليوم ماراح اشتكى ولاشي وتاركني معلقه. وزود ع كذا فصل رقمي لانه باسمه وبلكني واتس ع اني ماتواصل معه ابدا ولاحاول حتى يتواصل معاي بس وربي انقهرت ع شخص زيه فوق صبري عليه وظلمه يبي مهره باي حق وماقدر اشتكي لان المحكمه بيقليون الموضوع خلع وبرجع معره وانا مابي لانه هو عايفني وكمان اهله قهروني خير ساكتين ولا هم عاجبهم الوضع. البلا جتني صدمه نفسيه ع نكران العشره وكلشي وفوق كذا يبي مهره باي صفه الله لايوفقه وربي حرق قلبي جالسه ادعي ربي يكتب لي كل خير وينصرني عليه