زوجي عنده ضعف!!!

السلام عليكم شلونكم بنات؟

بقولكم قصتي مع التلقيح الصناعي --أنا متزوجة من سنتين إلا شهر تقريبا بعد شهرين من زواجي بديت أحس بألام مثل النغز قلت لأمي ورحت للدكتورفريد صوصو ودانا زوجي وفحصني وقالي ألام طبيعية نتيجة هوا قالي إذا جت الدورة تغطي عدل بالملابس وفعلا أنا إذا جتني الدورة كنت ألبس برمودات وكله قصير يعني كاشخه المهم مرت 4شهور وكل ماجت الدورة أتغطى عدل وخفت الألام والحمدلله وبعدين استغربت ماحملت شالسالفه لايكون زوجي.....؟
وحنت خالتي طبعا كل ماشفت كشرتي روحي اكشفي يمكن فيج انسداد شي ؟أقول بقلبي يهب يافمها!!!

فتحت مع زوجي هالموضوع وقلت ناخذ خالتي ويانا عشان تشوف بنفسها إني سليمه---
شهر6 وبالتحديد 4 من الشهر سنة2008 يعني بعد7 شهور من عرسي رحنا دار البراء وحصتني الدكتوره دميانه وقالت:الرحم كويس والبطانة ممتازة والمبايض وخالتي تقول:يعني مافيها شي متأكده؟ قالت:والله سليمة وطلبت تحليل من السائل المنوي وكنت أتمنى أعرف إذا فيه شي ولا لأ؟
زوجي سكت يمكنه انحرج من أمه وقالت خالتي :مايصير تحليل دم!!! صج جهل
هنيه وافق زوجي أنه يحلل وعطتنا رقمها عشان ندق عليها تعلمنا بالنتيجة بعد أربع ساعات

طلعنا وقلت لزوجي ودني لأهلي ورحت وخالتي راحت البيت

مرت الأربع ساعات وطول الوقت كنت واثقة أنه العلة فيه دقيت عليه عشان بروح بيتي ولما ركبت السيارة سألته :دقيت عالدكتورة قال:إيه تقول أنه الحركة عندي 10%

انصدمت وقلت فيه علاج قال: كتبتلي وصفة بنروح بكره أخذها وقالي لا تعلمين أمي
لما ردينا البيت خالتي ما كانت موجودة

صار بكره سألتني خالتي عالغدا شنو نتيجة التحليل؟ قلت :مادري يقولي أنه مافيه شي

قالت بكل وقاحة::ولدي مافيه شي اسم الله عليه الرحمن الرحيم

بغيت أرد عليها بس حرام زوجي موصيني ماعلمها

جاء زوجي من الدوام وتغدينا وقمت أغسل يديني وفيه دريشه عند المغاسل أسمعها تسأله شنو قالت الدكتورة
قالها يابنات: مافيه حركة!!! تصورون علمها و ماجابتلي طاري أنه علمها عبالها ماسمعت هههههههه

أدري طولت عليكم
من بكره رحنا نشتري الوصفه وقلتلي الدكتوره تعالي يوم 12 من الدورة عشان نشوف الإباضه

وزوجي طبعا مو يوميا ياخذ علاجه لازم انا اعطيه واذا تزاعلنا ماياخذه عناد فيني !!!

رحت للموعد وسويت سونار وعندي بويضة وقالت الدكتوره ليش ماتسون تلقيح صناعي زوجي طبعا رفض وانا لخسته يعني اسكت
وسألت الدكتوره يعني شنو هذا؟ وكم تكلفته؟ وكيف نسويه؟

قلت خلاص دكتوره نشوف الشهر هذا يمكن أحمل طبيعي والتلقيح الشهر الجاي اذا ماحملت قلت الدكتورة اخذي كلوميد ثاني دورة لمدة5 ايام
جتني الدورة في5-7-2008
احنا عندنا عجوز جدة زوجي من ابوه في راسها أجواد يعلمونها المهم سيرنا عليها يوم الاحد والتلقيح يوم الخميس يوخلصنا بروح البيت رحت اودعها كانت منسطحه بغرفتها سلمت عليها وقلت تبين شي ياعمه انا رايحه

تصورون شنو قالت
قالت:ابي سلامتج يالحبيبة وتراج راح تحملين بس لا تعلمين أحد
طول الطريق وانا افكر هاذي شدراها اني بسوي تلقيح وماكنت ادري انه وياها أجواد

المهم ماعلمت احد وسوينا التلقيح على يومين لانه النسبة ضعيفه حيل وكان عندي5 بويضات

23 من الدورة سافرنا كلنا عمان اهل زوجي كلهم بسيارة وكنت أحس بألالم حيل وطول الطريق مشي

وجتن