زوجي غايب عن البيت 17 ساعة و السبب...

السلام عليكم
هي اول مشكلة كبيرة بتصير بيني و بين زوجي و بدي رايكن بالموضوع، زوجي للامانة انسان طيب و كل شي فيه حلو الا انو أ مرات بس حتى لة زعلني هو بيراضيني فورا و بينسى كل شي.
المشكلة صارت امبارح المغرب قلتلو نروح نشتري حليب لبنتي قلتلو انا راح فوت عالحمام و البس انت رضعها لبين ما خلص مشان نروح ( بتعرفوا كيف الاولاد الصغار لما يشربوا حليب بيتحركوا يمين و يسار) زوجي عصب عليها و صار يعيط طبعا انا زعلت و قلتلو ما شاء الله عنك وقت كنت صغير عاساس انت كنت احسن قلي انا عصبي نا بتحمل قلتلو اوعى كل شي الا اعصابك.
طبعا هو مستحيل يمسكها ابدا ابدا مرات بدي اتحمم بتعرفوا بنت 4 شهور ما فبني اعمل شي. المهم رحنا و انا زعلانة لانو مو اول مرة يعني دقيقة لبين ما البس ما مسكها ... حاول يراضيني بس رفضت قلتلو مو اول مرة لما بقلك امسكها بكون عن جد محتاجة ولا مرة بحياتي قلتلك امسكها رايخة نام، او امسكها بدي اطلع و انت كان لازمك وحدة يكون عندها رفقات و مل اسبوع جمعية عند وحدة و تترك الاولاد عندك.
المهم وصلنا عالبيت رحت انشر الغسيل و تركت البنت بتختها و شلت الغسيل القديم مشان اطويه، قعد معها يمكن 3 دقايق و راح عالغرفة التانية، صارت تبكي و حاولت سكتها بس ما سكتت لانو كانت نعسانة فتركتها تبكي لبين ما خلص طوي غسيل طبعا هو ما اجى ابدا كان قاعد ع موبايلو، رحت قلتلو اوعى تضعف اذا تحركت و رحت لعندها فهون عصب و صار يسب و صار يحكي انو متعمدة انا ما اسكتها و صار يسب فانو هون انهرت ( البيت كلو مكركب و البنت عم تبكي و انا 24 ساعة لازم شيلها هو لا ) فصرت ابكي و اضرب حالي انو خلص ما عاد اتحمل امسكها شوي صار يقلي اوعى شو عندك 10 اولاد المهم انا ما بعرف بس ازعل بيصير قلبي يدق بسرعة و جسمي كلو بيرجف فضليت رد عليه فاخد ببرونة البنت و زتها علي ( بس اجت بالحيط) فرحت طالعت لبسي ، قلي وين رايحة قلتلو ع بيت اهلي، قلي لا تروحي و البنت عم تبكي كان ماسكها ( كلنا عم نعيط) راح عالغرفة التانية و صار يعيط عليها بصوت قوي كتير فرحت اخد البنت منو هو ما توقع انو راح اجي فمسكتو باللحظة يلي شال البنت و رماها عالكنباية !!! تخيلوا بنت 4 شهور لقيتها عم تطير ... اخدتها و هو صار يسب فرديت عليه المسبات و قفلت حالي بغرفة النوم و البنت كانت عم ترجف، اتصلت بامي قلتلها تعي لعندي كانت الساعة 10 و نص
طبعا قلي من ورا الباب لان ما قدر يدخل ليش اتصلتي و هيك، قلتلو يلي حاول يضربني و اهم من هيك يرمي بنت صغيرة بهيك طريقة ما راح اقعد عندو
طلع من البيت وقت سمع امي جاية ( خجل منها) بيبعتلي رسالة " اذا حدا من اهلك بيجي عالبيت بتكون اخر مرة بحكي معك"
طبعا امي كانت عندي يعني وصلت قبل ما يبعت هالرسالة ،اتصل فبني بعد شوي ما رديت ، بعد فترة كان بدو يرجع عالبيت فشاف السيارة تحت ، بعتلي رسالة
" السيارة تحت ماشي يا فلانة خالصين ليوم الدين"
المهم راحت امي ، فضفضت شوي و مسكت شوي البنت لحتى ضب شوي البيت المهم لما صارت الساعة 1:30 بالليل بعتلو رسالة " بعرف انك تحت قوم اطلع لفوق" ما رد
صار زلزال قوي عالساعة 2 و شوي كمان ما بعت شي و لهلا ما رجع عالبيت صرلو تقريبا 17 ساعة برا البيت.
انا ما اتصلت فيه بس بعتت رسالة وحيدة، شو الحل معو طنشو ولا ابعتلو رسالة؟
طبعا انا تصرفت هيك لان واله مكبوتة و مقيدة ما عندي وقت مشان حالي ابدا، الحمام بالمناسبات، الطبخ بايد بطبخ و بايد بشيلها ، يلي بتقول ساوي بس تكون نايمة ،المشكلة اذا نزلتها من رجلي بتفبق لازم ضل ع طول جنبها
و ردة فعلي اني اتصلت بامي لما شفت شو عمل بالبنت لانو انحرق قلبي عليها
بعرف انا غلطت و هو غلط بس غلطو اكبر و انا انفجرت لاني كان متراكم جواتي كل هالشي
بستنى منكن النصايح