زوجي غبي ..... او استغلالي !!

العبره خانقتني من جد تعبت من تصرفات زوجي اللي ما تنتهي
بدايه انا متزوجه لي خمس سنين و عندي طفل و عشانه ماسكه أعصابي و رافضه اجيب غيره من تصرفات سي السيد اللي ما تنتهي
الوالد الله يرحمه كان رافض اني ارتبط فيه لسبب ما كان مقنع لي وقتها ان ابوه معدد و كل يوم له حرمه و عياله يمين و شمال ما يدري عن هوى دارهم
راح الخص لكم مواقف و انت احكموا بنفسكم
اول مواقفي معه بالخطوبه كان يتذمر من انه دفع مهر و قدره و مصاريف العرس الخ
مع العلم ان مهري اقل بكثير من بنات أعمامي و خالاتي ٥٠ الف بس يمكن تقولون كثير او ظروفه - راتبه مرره زين فوق ١٥ الف و من كثر ما كان يتشكى رجعتهم له بدون علم الوالد و ندمت😭
الموقف الثاني صباحيه عرسنا دق الباب رجال و يطالب زوجي يسدد ديونه او الشرطه و يقول اللي بيتزوج بأغلى صاله يرد للناس حقوقها 😳 ما درى المسكين ان الوالد و أعمامي تكفلوا بمصاريف العرس كلها لاني يتيمه من صغري لا اخ و لا آخت و الوالد ما تزوج بعد عين امي الله يرحمهم
الزبده قلت للرجال ابشر بعزك تعال المساء و خذ حقك و تجيب معك إيصالات الامانه و سددت عنه ٢٠٠ الف ريال
الموقف الثالث
هو عباره عن عده مواقف له اطلبي من ابوك ، زوجه ابوي طالبتني فلوس ، اخوي محتاج سلف الخ 🤔
مع الوقت عرفت ان كلمه توديه و كلمه تجيبه من زوجه ابوه و عيالها و كل شهر يفتح لي موال هو لازم يصرف عليهم ما يقدر ع مصاريف بيتين و انا رافضه اسكن معهم بغرفتين و صاله
انتقلت الى فيلا الوالد بعد ما توفى بفتره و ابني بعمر سنتين و كان اشويه تعبان لقيته يعطيني محاضره طول بعرض انا ما اعرف أربي و معتمده ع الشغالات و الشي مو صحيح بالاخر يبي يجيب زوجه ابوه و اخوانه و خواته يسكنون معنا - قلت لا مواقفهم معي ترفع الضغط 😡
و اصر يجيبهم او ادفع لهم مصروف ثابت كل شهر مساعده - طنشت و تغيرت معاملته معي
زعل و طلع اسبوع من البيت عشان ما كلمت عمي يوظفون اخواته سعوده وهميه بشركه العيله. و رجع من نفسه لما لقى ما فيه امل
وصلت لمرحله اني اخاف اضحك او ابتسم - يشتغل طلبات و قال اخوي و قالت اختي
بتقولون استغلالي بقول ممكن - و ممكن لا مره باع سيارته جديده عشان اخوه يبي فلوس حق يسافر يرفه عن نفسه و ظل فتره عم يتمرمط و عَصّب لما اشتريت سياره و قلت له استخدمها - يمكن لاني طلعتها باسمي و هو قال عشان تصرفت بدون علمه ضحكوا علي بسعرها
مع اني رايحه مع عمي المعرض 👀
لما اقول له فكر بمستقبل ولدك مو اي شي يطلبونه اهلك لازم يتنفذ يرد علي عندك فلوس ما تأكلهم نار جهنم😱😱
بالمقابل لو هو يطلبهم بشي تافه ما ردوا عليه بس هو يبي رضاهم على حساب راحتنا
افكر بالطلاق و ارجع افكر كيف احرم ولدي من ابوه و لا حد من اهلي طايق تصرفاته معي مع اني ما اشتكي
يكفي ان الابتسامه ما تعرف لها طريق عندي