ايـــمـــي :

فيه اشياء حلوه واشياء مره غريبه واشياء طبيعيه من الرجال بشكل عام حلو انه مايدخل احد بحياته ومحافظ على خصوصيه بيته حلو انه كريم ومايقصر ماديا واحس اسلوبه بشكل عام راقي ومافيه جفاف وباين ان القراءه والاطلاع ماثره على ثقافته ( يعني ماشالله يطبخ لك يناقشك يشكرك زي لما قال يعطيك العافيه بعد الاكل ) بس الاشياء الغريبه الي فيه مبالغته بالحرص مع الي حولك يعني كلمه امك عاديه جدا على طول اعتبرها تدخل هديه اختك ماكان مفروض يرميها حتى لو ماعجبه ينبهك لاتاخذين شي مره ثانيه وخلاص اقلها يعطيها جمعيه مو بالزباله بالنسبه للطلعات و هالامور كثير رجال مايحبونها وانه بيتوتي فيه كثير رجال بيتوتين بالعكس افضل من حقين الاستراحات والسهر خصوصا ان جلسته بالبيت مو مأذيتك يعني مشغل نفسه بالقراءه والاطلاع والرياضه وهالامور انا اتوقع زوجك مع الايام بيتغير هو متوقع انك بتتاثرين من الي حولك وتقارنين ووتبدا المشاكل بينكم يمكن شاف او سمع تجربه من اصحابه او اي احد حوله وخايف من هالموضوع وانتم توكم ببدايه حياتكم ومع الوقت بتتغير امور كثيره فيكم انتم الاثنين على فكره لازم تعرفين ان كل انسان فالدنيا فيه ايجابيات وسلبيات يعني لاتتوقعين فيه وحده بالدنيا كلها مرتاحه 100 بال 100 مع زوجها لابد من التنازل علشان تمشي الحياه الله يسخر لك ويرزقك الذريه الصالحه

فيه اشياء حلوه واشياء مره غريبه واشياء طبيعيه من الرجال بشكل عام حلو انه مايدخل احد بحياته ومحافظ...

samiyah :

يا أختي الكريمة صاحبة الموضوع زوجك طبيعي مية بالمية وأحمدي ربك وأشكريه ولا تخبرين أحد بحياتك يعني إذا زوجك يمارس العادة السرية فأنا أجزم أن معظم الرجال يمارسونها بدون علم الزوجة وفي الخفاء و بالتدريج أنتي وشطارتك راح ينساها ويتغير وإذا على معرفته ببعض أمور النساء والطبخ فأحسن طبخ هو طبخ الرجال أنا أبوي وهو دقة قديمة يعني من ذولاك الرجال اللي يخوفون ولا له علاقة بشغل البيت كان يطبخ طبخ أقسم بالله أروع من المطاعم واللي عنده أخوات بيعرف بأمور العادة الشهرية أو حتى توصله إيميلات عن مثل هالمواضيع ومع القراءة صار يعرف بالنسبة لعدم رغبته في تدخل أي أحد لازم تحترمين هالرغبة وبصراحة معاه حق لأن مع الوقت بيصيرون الناس يتدخلون بيحاتك بطريقة موب حلوه حتى لو أهلك معليش أنتي الآن على ذمة رجال صاحب البيت وولي الأمر أهم شئ وأرجع أقول أهم شئ ماشاء الله تبارك الرحمن لا قوة إلا بالله إنه محافظ على الصلاة وكريم وهادئ صدقيني يا قلبي فيه حريم تتمنى زوجها يقعد في البيت وتلاقين دايم دمعتها على خدها وفيه حريم تترجاه يصلي ترجي وإذا على التمشيات ترى كل الرجال إلا من رحم ربي ما يحبون التمشيات تلاقينه يقول بأنزلك بيت أهلك أو عند وحده من صديقاتك وبأرجع لك ونفس الشئ بيت أهله بس الرجال ما عندهم صبر على السوق أو البحر وهالسواليف فيه حل إنك تشترين تلفزيون اللي يشبك على بطارية السيارة و تخلينه يطالع مباراة مثلا وإنتي تسنعين قعدتكم بالبحر أو خذي معاك ألعاب مثل الورقة أو دومينوز وأجلسي ألعبي معاه يا أختي عطيه كتاب جديد وإذا صار الوقت جو حلو موب هالحر خليه يطلعك وهو يقرأ ما عليك من النصائح السلبية لأن اللي تقولك زوجك موب طبيعي و أستخيري ومن هالكلام لا تحسبين إنها عايشة بجنة لا والله بس كذا هم النساء تحب تطلع القوة اللي ما تقدر تطلعها ببيتها على الناس وإنتي اللي بتخسرين رجل يحبك وهادئ ومصلي وهذا أهم شئ وين تلاقين واحد كذا بهالأيام إنتبهي على نفسك وتماشي مع ظروفك مع إني ضد إنك تاخذين حبوب منع الحمل هذا هو الموضوع الوحيد الي ممكن بالسرية التامة تناقشينه مع أمه وهي بتأثر عليه بدمعتين منها وتقول له أبغى أشوف عيالك صدقيني راح يسمع النصيحة والعيال بيغيرونه كثير بيصير يطلعكم عشانهم الله يوفقك في حياتك يا قلبي وأكثري من الدعاء والإستغفار والله الله بترجيح العقل دائما

يا أختي الكريمة صاحبة الموضوع زوجك طبيعي مية بالمية وأحمدي ربك وأشكريه ولا تخبرين أحد بحياتك يعني...