اهلين اختي

طيب يمكن هو من النوع اللي يفقدك مره لدرجه انو ما وده يكلمك من كثر ما هو مشتاق لك

لانه بعيد عنك وما بيده حيله يوصلك او يشوفك

مدري فهمتي قصدي او لا

بمعنى اصح يحب الهروب من الواقع

اتووقع بتعرفين السبب من سبب سفرته يعني لو مسافر عمل انتي بتعرفين ويمكن انه ينشغل بشغله اللي هو رايح عشانه ترى الرجال اذا اشغلهم شي يجلسوون يفكروون فيه كثير ومايفكرون بأي شي ثاني او يمكن يكون هذا طبعه اذا طبعه مايهتم ومايسأل حتى اذا صار معك انتي بتعرفين اذا مايكلم اهله او شي زي كذا اتمنى تكوني فهمتي قصدي
اما ااذا كان مسافر يتمشى فلا لا تسكتين على الموضوع ابدا

قولى له اللى مضايقك
صارحيه افضل وبعدين خليه يتعود عليك مثل الولد الرضيع وحده من صديقاتى ماقد نامت حتى عند اهلها
ممكن تتهاوش مع زوجها بس ماتطلع واذا فكرت تروح يبلش بعمره لانها معودته على كل شئ حتى المنشفه وملابسه تاخذهم له اذا راح يتسبح
وانا نفس الشئ واللى اعرفهم اكثر شئ كذا مستحيل نروح لاهلنا من تزعلين عند اهلك اعرف انه بتصير حساسية بين اهلك وزوجك او بينك وبي اهل زوجك مهما قلتى اهلى طبعهم غير او اهل مايسوونها او ممكن تشوفين هذا في معاملة احد العائلتين لاولادك وتلاقين الوحده تسال ليش خالتى ماتحب عيالي يمكن تتذكر زعلك من ولدها وتكرهك صدقينى ولتجنب المطاقق من تشوفين عصب وصل حده او جاء زعلان حده روحى لغرفتك وقفلي على حالك مع عيالك الى ان يهدى او لاتناقشينه واذا هدى تكلمي معه وصدقينى الرجل يكون في اضعف حالاته واقولها على بلاطها وقت النوم مع زوجته تشوفين الذرابة والادب مهما كانت نفسيته تلاقينه حمل وديع ساعته تكلمى معه بس انتبهي تروحين لاهلك واذا مضايقك الموضوع مره حطى نوتات على كل لبس من لبسه بيحيث يكون باين ويتذكركم او خليه يضبط نغمات بجواله خاص في اوقات يكلمك فيها انا الحين زوجى اذا بغي يروح للعمل كنت اوصيه يكلمنا من هناك لانه كان مثل زوجك مع السنين تعود على الشئ ذا يكلمنا لدرجة انى عودته حتى جواله انا اشحن واحيانا يروح مافيه شحن يقول لى ليش ماشحنتيه يعنى لو لاقدر الله بغيب عنه شوى يتبهدل

شوفي حبيبتي انا لو مكانك ممكن اني اسوي طريقة اني لا عاد احكي معه بالموضوع ابدا ...اقصد موضوع انو يتصل لانه لرجال بطبعه بيصير يكره من اي موضوع يحس انه مفروض عليه
و يصير يحاول التهرب منه حتى لو كان بسيط ...لشعوره انه صار واجب عليه!
و خلال سفره لا تتصلي فيه ابدا و اشغلي نفسك بشي تاني و لا تحاولي تخليه منتهى تفكيرك و شغلك الشاغل لانك رح تتعبي ...
كلامي يمكن صعب تطبيقه بالبداية بس مع التعويد رح تقدري ان شاء الله
و لما يرجع البيت استقبليه استقبال حلو و كأنه ما في شي ..
و تكوني مرتبة البيت و مجهزتيه مه اكل او حلو جديد او نوع يحبه
فهو رح يتفاجىء لانك ما عاتبتيه و بنفس الوقت عادية جدا و اهتمي فيه و بكل اموره
لكن حاولي تخليه يحس بشوية اهمال (معنوي) يعني انه في اشياء شاغلتك و بتفكري فيها ..بس اهممممم شي انه يكون بطريقة غير مقصودة
فهو بهالحالة رح نطلع بشيئين : اول شي 1- انه رح يحس انه هم و راح عن ظهره من ناحية المعاتبة و الاتصال الاجباري نوعا ما ( صدقيني الرجال اكره شيء عنده المعاتبة و كثرة اللوم)
تاني شي 2- رح يحس ببعدك الذهني عنه و رح يصير يفكر و يحس انه عدم اتصاله و اهتمامه ادى
الى ابتعادك اللاارادي و بالتالي انه ممكن يأثر على حياتكم و علاقتكم و حبكم و و و ...

فممكن انه يصير يحاول يهتم شوي شوي خصوصا انه ما في اي ضغوط عليه او عتابات لاحقة ممكن تحسسه بالضيق
و اخيرا اقول لو ما نفعت هاي الطريقة ممكن تحاولي انك تداومي على الاتصال فيه بدون ما تطلبي منه ذلك و تصبري مدة من الزمن و تشوفي اذا تغير او لأ ..
الله يوفقك يا رب و حاولت اني اعطيكي حلول فيما لو اني كنت مكانك بس اكيد ما رح اترك بيتي و لا رح اخلي احد يدخل بالموضوع و رح احاول اني ما انشغل فيه 24 ساعة
و اشغل نفسي باشياء تانية ...عبادة ، قراءة، معاهد، علاقات اجتماعية، افكر كيف اكون ناجحة بالمحالات المتاحة و ابدع فيها.....
اتمنالك كل الخير :)

سبحان الله ياام راكان
طبع زوجك حيل مثل طبع خطيبي
تخيلي انا بفترة خطوبه يصير معاي كذا
انواع التطنيش
يعني اللحين من جاء رمضان
ماسمعت صوته غير اول يوم مده ماتتعدى دقيقه وعليها
لدرجة صرت افكر اقول لا يكون شيطان صفدوه لان مايختفي بهالشهر الفضيل غير الشياطين

والله المستعان ورغم كذا
مثل ماقالو الاخوات احاول اشغل نفسي بالف حاجه وحاجه عنه
يعني اشوف البنات اللي بفترة الخطوبه انواع اللهفه والشوق والاتصالات
كل هالامور ماهي عنده
رغم ان عمره وعمري نفس الشي
ومالي غير الدعاء
وان الله يسخره لي ويذلل صعبه ويجمع بيني وبينه بالموده والرحمه
وبالفعل اتمنى اكون محط اهتمامه وسؤاله بس مااعرف كيف فمالقيت طريقه الا اني اعامله بنفس اسلوبه