زوجي فشلني عند جارتي وضيفوها

السلام عليكم ورحمة الله وبركاته
سجلت ف المنتدى عشان احكي لكم مشكلتي

زوجي دايم يفشلني ويرفع صوته علي ويسب ويلعن ويقول كلام وسسخ اذا زعل وعصب من اي شي حتى اشياء انا مالي دخل فيهاا ابدددد

اخر شي يوم الجمعة تونا راجعين من برى المهم مرينا المطعم نبي ناخذ لنا عشاء وجينا وهم خلاااص شطبوا ومرينا مطعم ثاني ونفس الحكاااايه

وهو السبب اللي تأخر وحنا راجعين من السوق يمشي ع اقل من مهللله بالطريق عشان يعاندني

ليش لاني اشتريت لي تايور ب ٤٠٠
وهو اشترى لبناتي بنفس المبلغ وعااادي مبسووووط انه شرى لهم بس انا لا حازه بقلبه
لاتقولوا الحين يمكنه مضغوط وماعنده فلوس
عنده ولله الحمد


و يحاول يعاندني ويستفزني وانا ساكته المهم يوم مالقي عشاء خذه عذر عشان يغسل شراعي

قلت له خلاص نروح وبصلح بالبيت عشاء سريع
وهو بس ينافخ ويهزئني

ويوم وصلنا للبيت وحنا طالعين بالدرج بيتنا بالدور الثاني وجارتي اللي تحت من جماعتنا وعندها حريم سمره

وهو يخاصم ويرفع صوته بالدرج ويقول خسرتيني ومدري ايش والبيت دايم وسخ

انا انقهرت واترجيته يسكت الييين ندخل البيت وبعدها بكيفه وسكت الييين دخلنا

يابنات انا انقهرت ولععععععت ليش يقول البيت دايم وسخ وهو كذااااااااااب

اكرف بالبيت اللين ادوخ لكن عندي بنتين الله يصلحهم يقلبونه ف ثواني وهو عارف هالشي وشايفه بعيونه

والمشكله ما طلعنا السوق الا وانا مضبطه البيت ونظيف

انقهرت الحين يسمعونه الحريم فوق انه ينافخ علي يتهمني انه مهمله وبيتي وسخ

حسبي الله ونعم الوكيل

ومو اول مره يسوي هالحركه داااايم يصلحها

الجيران اكيد انهم دايم يسمعونه حتى لو كان داخل البيت صوته بيوصلهم


وحتى اذا وحده دقت علي جوالي ومو رايق يجلس ينافخ عشان تسمعه صرت اخاف اكلم وهو موجود ما ارد حتى يطلع

سبب لي فوبيااااااااا

حسبي الله ونعم الوكيل

ومن يوم الجمعه وانا زعلااااانه
وهو طبعا مستحيل يعتذر بس اليوم يجي ويسولف معي عادي ولا كأن شي صار
وانا باقي زعلانه مقهوووووره منه

وقلت له بوجهه لا تحاكيني ولا احاكيك

انا اكرررررهك من اعمااااق قلبي اكررررررهك
بس انا قاعده معك عشان بناتي وبس
الوحده تتزوج واحد يعزها ويرزها قدام الناس مو يفشلها ويهينها

طنشني وقعد ع جواله ولا كأني قلت شي


تكفوووون انصحوني كيف اتعامل معه تعبت
والله تعبت من كثر ما يفشلني قدام الله وخلقه وما يحترمني

صرت اكره اني اطلع معه اي مكان لاني اجلس ع اصابي واخاف يزعل من خياله ويفشلني لان الاحترااااام معدوووووم

ما اقول الا حسبي الله ونعم الوكيل

بنات ما ابي وحده تدعي عليه ابد و أخذ ف ذمتي

لانه للأمانه وعشان أبري ذمتي اذا كان مروق يصير طيب واخلاق لكن....

يقلب ف ثواني بسم الله علي

ارشدوني ايش اصلح الله يجزاكم بالجنة
ولا تنسوني من دعواتكم


غدا توفى النفوس ما كسبت***و يحصد الزارعون ما زرعوا
إن احسنوا احسنوا لأنفسهم***و إن أساءوا فبئس ما صنعوا