زوجي فيه مس عاشق/ قديم

اكتشفت ان زوجي فيه مس عاشق وللأسف تأكدت من خلال تصرفاته واسلوبه معي تقريبا له ســـــ نه ونص على هذا الحال اول شي جلوسه في الحمام من ساعه وحده الى ساعات والله يابنات لدرجة إني اروح انا وعيالي مشوارلمدة خمس ساعات اجي الا هو باقي في الحمام ..انجنيت قلت أكيد مات دقيت عليه ورد ببساطه خييير قلت الخير بوجهك اشفيك طولت قال تصدقيين ماحسيت طبعا يدخل مره بمجله ومره بالآيباد وبعد كم مره تتكرر دخوله في الحمام بحجة إنه يدخن وبعدين صار يقولها في وجهي وش دخلك انا حرفي نفسي
تصرفه الثاني يحب يجلس لوحده ينبسط اذا سافرت لهلي ولا خرجت زيارات مايعارض أبدا طبعا مستحيييل يطلع معانا حتي لوتمشيه
لدرجة اني نسيت اني متزوجه واذا جلست معه احسه يتضايق ومايسولف بس اسأل وهو يجاوب حتى عياله يطلعهم برى الغرفه
التصرف الثالث صار يحب النوم بعيد عن غرفة النوم وإذا عاتبته قال تعالي نامي عندي طيب وانا ادري انه كذاب وغرفة النوم يقول يتضايق منها ولايرتاح فيها..
التصرف الرابع الي (هو الجماع )كان مره في الاسبوع لحد ماتتدرج وصار مره في الشهر واذا جا وقت .ال ..يقول أشياء وقتها تشيب الرآس زي اني انا بنته ولا امه ولا هو ابوي ولا اخوي سايرته على هذا الشي لحد مانفجرت وقتها وانا ابكي ليه تقول كذا قرفت منك ومن
خيالاتك الوسخه وسكت وبعدين قال مافيها شي اذا تخيلنا موحرام ؟؟!
يابنات بمووووت زوجي بيروح مني بعد ماكنت كل شي في حياته
بتقوولون كيف عرفتي أقلكم سألت شيخ واكدلي المس وسويت بحث
وطلعت نفس الأعراض بالظبط والمشكله انه مايعترف ولا يرضى اجيب شيخ يقول انه متهيألي وان الروتين هوالي غيره صرت اشغل سورة البقره كل يوم عسى الله يشفيه ولحد الآن ماصار كل ماله اردى من اول وللأسف صار الحين مايكلمني ولا يجلس معي ولا يأكل معي بس يرسل عياله اذا بغى شي كأني سويت شي وانا والله ماسويتله شي
بنات أش اسوي ساعدوني احرق الي فيه جعلها الحرق
ادعولي يابنات والله اني في حاجتها ..تصدقون ماحد يدري عنه لا اهلي ولا اهله ماحبيت افشله ولااحرجه .