ياأخت أريام حرام عليكي
ماأظن في شي في كلام يدل على التحريض
لما اقولها أنها ماتكون سلبية فهذا تحريض للخصام

وليه تستنى لما يكررها مرة ثانية عشان تاخذ موقف
مو يقولوا زوجك على ماتعودييه

والله انا من رأي الريال ما ينعطى ويه ولا ريق حلو صراحه والله ، اذا سوينا كل اللي يبونه من حركات ودلال ودلع واتسوين من الاكل اللي يحبه واللبس اللي يحبه صدقيني بيركب راسه وبيقول هاذي لي خلاص سهله اظحك عليها بكمن كلمه على كمن هديه وخلاص ، لا يالغالية المفروض ما تسكت له لو هي اللحين طلعت من بيتها وسارت بيت اهلها ما بقولج سافرت بيت اهلها تعرفين شو بيسوي بيقلب الدنيا فوق راسها انتي ليش طلعتي ومنو قالج تطلعين ، بس صراحه الحركه انه سافر جي بهدوء حتى ما كلمها بعد يعني ولا استأذنها اختي صدقيني يوم ريلج يستأذن منج انه بيسافر ويه ربعه مب معناته انه خوف منج او شيء بس احترام يعني نفس ما انا احترمك احترمني ، والله يالغالية لو اتمني اتكلم من اليوم لين باجر ما بوفي ، والله مب غرضي تخريب البيت او شيء لا بس لازم تاخذ موقف منه يعني اتم في البيت عادي ان وصل عادي تستقبله لا تلهيف ولا خراط اذا هو ماوادعها ولا عبرها عادي تستقبله وتعتبره كأنه ما سافر ولا شيء كأنه كان عندها قبل ساعه ولا تسأليه عن السفر او السبب بروحه بيفتح الموضوع وخبريها اتسوي نفسها كوووول واذا قالها عن موقف او شيء اتقول والله زين يعني اتسوي نفسها مب مهتمه ذاك الاهتما ادري صعبه بس اتسيطر على اعصابها وبس صدقيني بينقهرصدق من الخاطر وبيحس بغلطته وهو بيعتذر من نفس ذاته ، والسموووحه الغالية مع اني ودي اكمل بس وايد هذربت من الخاطر ...

والله الموضوع مره مره مره صعب على ذي البنت الله يعينها ويصبرها لكن لازم لازم تتخذ موقف :16: :16: :16: وما تخليها كذا عايمه لانه اكيد أذا ماورته العين الحمراء :mad: :mad: :mad:

وكمان

:024: :024:
راح يزيد في سفراته ويخليها ويطنشها

اول شئ يالغالية الموضوع مش سهل اولا لاننا مانعرف طبيعة الرجال وهل هو من الي يسافرون وكم عمرة وهل هي لو استأذنها انو بيسافر مع اصدقائه بتوافق والا بتعصب وتصج على راسه هذي كلها تؤخذ في عين الاعتبار...

بس الاهم انها ماتمشي الموضوع بالساهل..لانه بيقول دامها مازعلت ولاشئ اجل كل شهر والثاني بروح اروق واغير جو..

اعجبتني فكرة الاخت الي تقول تسوي روحها كانو ماسافر وتتعامل معه ببرود وانا عارفه انها تغلي من الداخل بس لازم يتعلم انو بيته واسرته مو لعبه ترميهم يوم جتك سفرة لا ولوين لبانكوك انا لو تبين نصيحتي لو انا مكانك ماخليته يلمسني الا بتحليل ايدز يالغاليه العمر مش بعزئه مو هو يروح وهي ماهي داريه وشو يسوي لبلد منتشر فيه المرض الخطير هذا ويجي وتستسلم له مئات الحلات النسائيه المصابه بمرض الايدز سببه انتقل اليهن من ازواجهن حسبنا الله ونعم الوكيل..
انا مااقول تتهاوش معه لكن تخليه كانه مو موجود تجيب غداه وعشاه ولا تحاول تبتسم في وجهه ولا تحاول تسولف معه اذا جلس بالصاله تروح هي للغرفه اذا جاء للغرفه تروح لصاله..
لان حركته هذي مافيها من الاحترام ولا التقدير شئ.. وبعدين لو بغا يناقش تقول له وانت خليت فيها نقاش ولو قال انا ماكفرت كلها سفرة تغيرة جو تقول ايه هذا لو انك رايح تسوي عمرة كان قلنا معليش لكن بانكوك؟؟ بليز مابي احكي بالموضوع..
وتطول مو يوم يومين لا اذا تقدر تخليه شهر خليه يتعلم ان بنات الناس مو لعبه ولا اخذها من الشارع.. حسبي الله عليهم رجاجيل..

شوفي حبيبتي أولاً الله يجزاك خير لحرصك على صديقتك ومشاركتك لها مشاكلها فنعم الصديقة أنت ِ...

ثانياً : مثل هذه المشاكل لايمكن أن يعطى لها حلا ً مناسباً الا بالتعرف على جميع جوانب المشكلة ... وأعتقد أنها هي أعرف بذلك وأعرف بطباع زوجها وما يناسبه من الحلول ..

ثالثاً : باعتقادي..... إن كان هذا التصرف غريباً على تصرفات زوجها ... وأنه يعاملها بكل حب وأدب وأخلاق ...فمن حقه أن تتريث قليلاً ... فطيبته وحسن تعامله معها يشفع له ما صدرت منه من سوء تصرف ... طبعاً مع عتابه فيما بعد وأخذ الوعد منه على عدم تكرار ذلك ...وأنها ربما لن تستطيع مسامحته فيما بعد 0... المهم أن تجعل في المرة القادمه يفكر ألف مررة قبل أن يقدم على ذلك 0..

رابعاً : ان كان لديها أطفال ... فالأفضل أن تفكر ألف مرررة .... قبل أن تقدم على أي تصرف
لأن كثيرات سبقنها وطلبن الطلاق ...لكنهن عشن في جحيم الشوق لأطفالهن ... فلم يهنأن بعدها بأي متعة من متاع الحياة .... وان أخذتهم لمنزل أهلها عانت من ثقل المسؤلية ...وربما بتضجر أهلها .... طبعا هذا في وضع أن العيش مع الزوج محتملة وأقدر أن هناك أوضاع لا يمكن تحملها هناك تفكر الواحدة بالطلاق ..

خامساً :ان كان أهلها من النوع الذي يتصرف بعقلانية ... فحبذا اذا عاد زوجها ...وقبل أن يأخذها ... يدخلوه منزلهم ويرحبوا به ثم يكلمه أعقلهم ويعاتبه على هذا التصرف برقة ...ويطلبوا منه عدم تكرار ذلك ... ويحدثوة بالتي هي أحسن ..