طيب استغفرالله العظيم هي وش عليها من هالجنين? !
هي بتصرف عليه مثلا? !
ولاهيه الآمره الناهيه احملي وماتحملي?!
ولدها وزوجته هم احرار يبو يخلفوا واحد اثنين عشره هذا شي يخصهم هم مالها دخل هيه بعدين واضح استغفرالله عندها ضعف ايمان
هذي حكمة الله وهبه ورزق من عنده ماحد يعترض عليها وكل طفل يولد برزقه يرزق الطير وش ذالتخلف وضعف الايمان يعني هالطفل بيجي سعلوا ياكل كل شي وياكلها بعد هي اعوذبالله من هالتفكير وهالناس اللي تفكر كذا ما ادري الظاهر مو بسعوديه انتي
لانو عندنا بالسعوديه بالعكس ام الزوج ماتبي زوجة ولدها توقف
واذا حست ان الحبوب عملت لها لخبطه في الهرمونات وطولت شوي ماحملت قعدت لها كل شوي بزوج ولدي بزوج ولدي واللي جابت بنات قالت بزوج ولدي يجيله ولد
وهو كله تخلف بالنهايه يهب لمن يشاء الذكور ويهب لمن يشاء الاناث
واللي يكتبه الله راضين به بس هوه كذا ام الزوج تدور العذر على زوجة ولدها تبي شي تقهرها به والسلام نفسي اتخصص واتعمق واعمل دراسه على امهات الازواج وعقلياتهم وكيف يفكرون وليييييييش ماخذين زوجة الولد عدوه? ?????!!!
هذاالسؤال ذبحني ياناااااااس ابي له اجابه شافيه ماحصلت
كل اللي فهمته ان ام الزوج في جميع الجنسيات واللهجات وفي شتى بقاع الارض تكيد المكائد لزوجة ولدها !!!

شوفي   ياقلبي      اطلعي    واستقري   بعيد   احسسن  لك 

هذي   امه   وهو   اعرف   فيهااا    

بعض  الامهات     خلاص  تعتبر نفسهااااا   حاكم  وقاضي  وجلاد 

ونسست انهااا   منبع لرحمه والحنان     

بعضهن  الله يهديهن  تتسلط   وتفكر  انهااا  صح    ويمكن  انهااا بفعيالهاا  تظلم 

وتصيبهااا دعوه مظلؤؤؤم


صدقيني   لو   اخلاقهااا  زينه   وتعرف  المؤاجيب   محد قطعهاااا ف العيد  

الله  لايبلاناااااا    

وبرد  ع الاخت   الي قااال   بس  بس  بس   بكيتي    ..... اي   بكت ووووو  لابعد   تمسك  دموعهااا

وتضغط  عغي نفسهاااا   عشان  ام زوجهاااا  ترضااا         تدخلتوو  حتي ف مشاعر  الحرمه 

وستكثرتوو   عليهاا  ابسط  شي    تنفس  فيه  عن قهرهااا   لي هي  الدمووع   

والله  لو ام زوجهاا  تستاهل    قلنا  معليش    لكن  ظالمه   ومفتريه   ونقوول   ماصار شي 

لا  بس  عبوديه   ياعالم  

الله يكون بعونك



بس هي حرمة كبيرة تحملوها وطنشو وتغاضو عن تصرفاتها واقوالها

بس لاتقاطعونها

ماعليش ياجمانة انا صار لي فترة غايبة ومادري وش تفاصيل موضوعك... كان فيه واحدة هنا تذكر حماتها تقول تاخذ ولدي عندها وتعلمه يسبني... هل هي انت صاحبة هالمواضيع؟ اذا انت صاحبة الموضوع هذاك اطلعي من البيت هذا واجروا لكم بيت من غير مشاورة...

انا راجعت موضوعك الي تكلمتي عنه هنا... واحسك مرة حساسة بسبب حملك... ياكثر ماينقال لنا من حكي يضيق الصدر... يبي لك طولة بال وتتعلمين تتجاهلين الناس الي يضيقون صدرك بالحكي... دائما كرري على نفسك انها "مسكينة" ارحميها واشفقي عليها٫ لما ننظر لشخص على انه مسكين كونه منبوذ او شخص ماحد يحبه٫ او شخص عدو نفسه... نشفق عليه ومايعود له تأثير علينا... لانه "مسكين" يكسر الخاطر٫ ماحد يتمنى يكون مكانه...
مو كل ماقال لك شخص معروف ان طباعة صعبة تتضايقي... قولي لنفسك "الانسان هذا يؤذي اقرب واحب الناس له٫ مو غريبة يؤذيني"... وتحاشيها٫ الحمد لله انت في بيت مستقل٫ اقفلي بابك عليك لين يجي زوجك٫ لا تروحي عندها ولا تجي عندك الا بحضور زوجك... كذا تتق الشر وتبعدي عن الاذى...

زوجك شايف وعارف... يعني لو قفلت بابك من الاذى راح يعذرك...

عموما بالنسبة لموضوعك اليوم...

مافيه شيء يستدعي كونك على اعصابك٫٫٫ هالشيء مو زين لا لك ولا لطفلك٫ ممكن هالاعصاب تتسبب في سقوط جنينك... وساعتها اللوم مو على امه٫ اللوم عليك لان الموضوع مو مستاهل... حرام تسوين في نفسك كذا على موضوع بسيط... خليها تقول ياختي الي تبي ٫ لما قالت لك انك تمثلين انك ماتبين الطفل... كان الاولى فيك مابينت لها انك ماتبين الطفل٫ هالطفل المسكين لما يكبر ويعرف انك ماكنت تبينه ماراح يفرح فيك ولا راح يحبك٫ وتصرفاتك هذي راح تخلي امه تمسك عليك شيء تؤذي فيه نفسية طفلك ضدك! بنت عمي حاولت تسقط بنتها بسبب مشاكل مع الزوج ومازالت البنت تذكر امها "كنت ماتبيني وانت دائما تكرهيني" وغيره من هالشغلات... هذا طفلك من لحمك ودمك لا تحزني لان ربي اختارك بالرزق... بالعكس افرحي فيه... احنا ٤ كلنا امي جابتنا على فرق سنة او سنتين... يعني جابت ٤ اطفال في خمس سنوات تقريبا (اختي الصغيرة جات بعد اخوي الصغير بخمس سنوات وعاشت طفولتها لوحدها)... انت عارفة وش قد كان هالشيء صعب عليها؟ بس كبرنا مع بعض وخاوينا بعض وساعدنا بعض بالدراسة وكل واحد فينا الحين سند للثاني لاننا قريب من بعض عشنا طفولتنا سوا٫ وذكرياتنا كلها سوا٫ وجيلنا واحد... واختي الصغيرة لا لقت الي يلعب معها ولا لقت الي يدرس معها! كل ماكان فرق العمر قليل كان افضل لهم لما يكبروا يساندوا بعض...

لا تلتفتي للشغلات السلبية في حياتك ولا تحطيها تحت المجهر وتتناسي حسنات كل شيء حولك... الحمد لله بيت مستقل وطفل زي القمر صحيح بعافيته٫ وجايك طفل ثاني يخاوي طفلك ويلعبوا سوا... وعندك زوج حنون يحبك وسائل عنك... وانت تاركه كل هذا وضاغطه على اعصابك وممكن تخسري طفلك لان امه قالت لك كلمتين بايخين وانت في بيتها؟ ياختي الايجابيات بحياتك واااجد ليه التركيز عالسلبيات؟ راح تتعبي وزوجك راح يمل من الوجه العبوس... الانسان نفسيته تتعب لما يكون بجنب شخص سلبي... طاقتك السلية تنتقل للي حولك.... قولي لنفسك "انا جمانة مابي اكون مؤشر سلبي في حياة الي حولي٫ ولا ابي اكون مفتاح للحزن والكأبة في البيت"...

زوجك قرر يستاجر٫ الحمد لله جات من ربي... لا هو حرام ولا من الكبائر ولا احد له حق يدعي على احد... خليه يستاجر البيت ويأجر البيت الصغير حقكم واستفيدوا من ايجاره وابنوا لكم بيت ثاني قريب منها حتى زيارتها بالنسبة لزوجك تكون سهله... او بيعوه واشتروا بيت ثاني... المهم زيارتها ومايقصر زوجك بالسؤال عنها ...
لا انت قادرة تعيشي معها ولا انت تبين تطلعين لما قال يالله نطلع!

لازم وضروري تعالجي حساسيتك الزايدة لان هالشيء مع الزمن راح ينفر زوجك... انتوا بس ثلاث سنوات متزوجين... بعد عشر سنين راح يمل هالزوج من العيشة... لو دخلت في حياته انسانه سعيده وبشوشة راح تندمي لانها بتفوز بقلبه من غير اي مجهود... الطاقة الايجابيه تجذب.. كلنا نحب الناس الضحوكين والبشوشين والي قعدتهم ماتنمل... شوفي انت من اي نوع تحبي تكوني؟

ماعليش اذا شديت شوي بالكلام... بس الي يحب لك الخير راح يكون صادق معك...

فوق