اول شي السسلام عليكم ورحمة الله وبركااته
انا متزوجه صارلي ست سنوات وعندي بنت وحده عمرها 5 سنين وام زوجي دايم تقط علي كلام ان ليش ماحملت للحين ومتى بجيب اخوان لبنتي كأن الامر بيدي ودايم قدام زوجي تقول بزوجه ترا وتشوفين وزوجي يسكت م يعلق ولا عمره جاب طاري الموضوع وفي يوم من الايام كنا جالسين نتقهوى انا وامه وخواته وخالاته ثنتين كانو مسيرين وجا هو وجلس وقمت اصب له قهوه ومديت له الفنجال اخذه وقال تصبينها ع عرسي ان شاءالله انا هنا تجمدت بمكاني وصدمتني كلمته ماعرفت وش اقول من الصدمه اثاريه من زمان يفكر طبعا امه وخواته قامو يتبوسمن احرجني وصدمني ودايم وحده من عماته تقولي تراي بزوجه وحدة مربربه لاني مو دوبه مثل مايبون ومن بعدها وزوجي م عنده الا طاري الزواج وانا خايفه يسويها وكله من امه الي حطت الفكره براسه 😪

ل?ف? @lf_1
عضوة جديدة
يلزم عليك تسجيل الدخول أولًا لكتابة تعليق.

ياعمري انتي الله يعينك يارب مدري ايش اقولك بس لو قلتي بعد طلاقنا يمكن يندم ويتراجع انا مابي اخرب بيتك لكن يمكن يمزح ويمكن اذا جبتي طاري الطلاق يكنسل زواجه وربي يكتب لك الخير والسعاده ويرزقك ب مولود عاجلا

رياجيل اخر زمان بلا حيا ومستحا
كان رديتيلي كلمتة قدام اهلة
لو فيه خير يحترم زوجتة ويحمد الله عندة خلفة
الناس غيرة تتمنى ريحة طفل
كان رديتيلي كلمتة قدام اهلة
لو فيه خير يحترم زوجتة ويحمد الله عندة خلفة
الناس غيرة تتمنى ريحة طفل

نادياا ن
•
المفروض من البداية تعودينهم محد يتدخل بأي قرار بحياتج
فهميه ان تصرفه غلط ، صح من حقه العيال بس الاهم حقج
افرضي احترامج عالكل واهم شي يفهم زوجج ان هذي حياتكم انتوا الاثنين وانج زوجته مب زوجة اهله
الله يوفقكم ويسعدج ويرزقج الذرية الصالحة
فهميه ان تصرفه غلط ، صح من حقه العيال بس الاهم حقج
افرضي احترامج عالكل واهم شي يفهم زوجج ان هذي حياتكم انتوا الاثنين وانج زوجته مب زوجة اهله
الله يوفقكم ويسعدج ويرزقج الذرية الصالحة

البلا من الحريم اللي عبن راسه مدري ليه ماينثبرن الا يتدخلن بحياه غيرهن ومايهنا لهن الا بخراب البيوت وهو ماصدق الله يكفيس شرهن ويجعل كيدهن في نحرهن
الصفحة الأخيرة
عيب وقلة رجوله هالاسلوب الحقير قدام اهله
الرجال اذا بغى شي يجي يتكلم بادب و بشوية عقل ورزانه
مدري كيف تجاهلتي الموقف
عموما لا فتح طاري الزواج
قولي بنتك معاك وانا بعز شبابي بتطلق واشوف حياتي وبنتك تربيها انت وعروستك
انا جيت من بيت اهلي لحالي ارجع له لحااالي خليه يخاااااف من ردة فعلك
ويعرف انه ماراح يقدر يلوي ذراعك
و قوليله لو فيك خير كان رحنا فحصنا و المريض فينا يتعالج بدال الدق بالكلام وتصير حياتنا فرجه وشماته
حسسيه بالنقص وانه ممكن يكون هو السبب
سبحان الله على هذا الضعف اللي فيكم !