صبااااح الخير
بنات شلووووووونكم ؟!! ان شالله كلكم بخير و صحه ورعاااافيه ياااارب
اسأل الله العظيم ان يجعل هاذا الصباح صباح خير عليكم ياااااارب
بناااااات امس كنت قاعده قعده حلوه مع زوجي كلها اعتراااااافاااااات
لأول مره يصرحلي شنووو الشي اللي يجذبه لي و يحببه فيني لقيت شغلاااااات توقعتها و شغلات ابدا ما توقعت ان زوجي منتبه لها
انا بقولكم كل شغله زوجي قالي احبها فيج
و ترا مو عادته صريح بس الباااارح اول مره يقولي احب فيج كذا و كذا و كذا
1 يقول احس شخصيتج بين الناس محبوبه احس الكل يحبج صغير و كبير =>> طبعا هاذا الاحساس جاه لأني ما اتشكا من الناس عنده ابد ما انسى كلمة امي تقول الرجال لو تشتكيله من الناس مهو نافعج بشي بالعكس بيحط فباله هاذي راعية مشاكل و و و و الف فكره و فكره و ما هو فايدج بشي عشان كذا معطيته ان علاقتي زينه مع الكل و الجميع ( طبعا مشاكل الحريم ما تخلى لازم تضايقين من فلانه و علانه بس انا وضعت حد بين اي مشكله و بين زوجي )
2 يقول احس فيج غموض من ناحية اهلج =>> يعني مستحيييييييل اجيه و اقول اخوي تهاوش مع عمي او خالي تهاوش مع جدي قبل لا اتزوج حصلت مشكله بين ابوي و عمي مشكله و انحلت و زوجي لما تزوجت سألني عنها قلت له ما بينهم الا كل خير و ان كان حصل شي جايز خلاف بسيط و انحل و اضيع السالفه بدون لا اقوله صار و صار و صار لأن المره اللي ما تحفظ اسرار اهلها عن زوجها فهي معرضه للإهانه و المعاير من الزوج و هاذي كانت ايضا نصيحة امي
3 يقولي يعجبني فيج اذا تهاوشنا تقعدين مع اهلي تضحكين و تسولفين بدون لا يبين عليج الضيق محافظه على اسرارج و فعلا يا بنات مهما صار بينا من مشاكل بس اقعد مع اهله اسولف و اضحك و اكلمه عادي كن ما بينا شي بس قدامهم و من اصير انا معاه لحالنا ارد على زعلنا اهم شي ما اخلي حياتي فرجه لكل من هب و دب
4 يقولي احس لج صديقات و احباب واجد =>> ابدا ما تركت صداقاتي و لا الغيت احد من معارفي عشان زوجي (( انا اعرف بنات وااااااجد من تزوج تترك الدنيا كلها وراها عشان هالزوج و هاذا اكبر غلط المفروض ابدا ما تتركين صداقاتج و لا هواياتج عشان الزوج))
5 يقولي اذا تهاوشنا احب فيج عوابتج ههههههههه هاذي ضحكتني صراااااحه يقولي ما ترضين ينهضم حقج
6 حنووونه و هاذي اكثر صفه تجمل الانثى >> على قولته بس حبيتها تجمل الانثى:)
هاذي الأشياء اللي اعترفلي هو فيها
و حبيت اضيف عليها شغلااااااات صدقوني يحبها الرجال فالمرا و انا مطبقتها في حياتي
@ الرجال يحبون الحريه و الخصوصيه يعني مو عشانه زوجج لازم تعرفين الداخل و الطالع لا الرجال ما يحبون اللي تخنقهم فصيري شاطره راقبيه من بعيد لي بعيد بدون لا يحس انج تراقبينه
@ اذا طلع خليه على راحته بس ما تنسين رسايل تذكره فيج من فتره لي فتره و اذا جا هلي فيه و رحبي و خلي نفسج زينه معاه و اذا دخل خل يجي و انتي منشغله بشي تحبينه قرايه كتاب او نت او اهتمام بنفسج لااااااا يحس انه هو بس اللي يسعدج لأنه ابصملج بالعشره بيمل منج
@ اذا مرضتي قولي انا مريضه لا تهملين صحتج و نفسج عشانه لا لازم يحس فيج و فتعبج قدري نفسج
هاذي الشغلات اللي اعترفلي زوجي انها تجذبه حيل لي و الحمدلله صج بينا مشاكل بس لله الحمد احسن من غيري اتمنى الكل يستفيد و الانسانه السلبيه الشكايه الملوله اللي تركت الكل عشان الزوج اللي مل من تركها للناس و التفرغ له و لأبسط زلاته انها تستفييييييييد و نسوي حملة اسمها
زوجي مو كل شي فحياتي
منو راح تنظم للحمله و نشووووووف بعد اسبوع واحد زوجها تغير للأفضل و لا لا
طبعا اول اسبوع راح تشوفينه يبي يعرف انتي شفييييج ثاني اسبوع يحاول يكتشف ثالث اسبوع تلقينه مبتسم و مستانس و انتي مرتاااااااحه
والله حبيت افيدكم و ادعولي بالتوفيق و الذريه الصالحه
تقبلووو تحياااااتي :)
فديت قلبي و روحي @fdyt_klby_o_rohy
عضوة نشيطة
يلزم عليك تسجيل الدخول أولًا لكتابة تعليق.
رووووووعه موضوووعج استغفر الله العظيم عدد خلقه ورضا نفسه وزنة عرشه ومداد كلماته...رووووووعه موضوووعج استغفر الله العظيم عدد خلقه ورضا نفسه وزنة عرشه ومداد كلماته...
انتي الارووووع
نووووورتي حبيبتي
نووووورتي حبيبتي
احتاااااااااااااااج هالدورة جدا
بس المشكلة اني لي 6 اشهر زواج ولقيت نفسي مسوية اخطاااء كثيرة
مع اني حسبت نفسي دخلت هالعالم متثقفة بما فيه الكفاية
مرات اقول هالاخطاء ما اعتقد بتتصلح
وزوجي تغير جدا ناحيتي >>>وانا اكبر سبب في ذلك
والله ودي اعيش حياتي الخااصة ومايكون لي تعلق به
>>متااااابعة
بس المشكلة اني لي 6 اشهر زواج ولقيت نفسي مسوية اخطاااء كثيرة
مع اني حسبت نفسي دخلت هالعالم متثقفة بما فيه الكفاية
مرات اقول هالاخطاء ما اعتقد بتتصلح
وزوجي تغير جدا ناحيتي >>>وانا اكبر سبب في ذلك
والله ودي اعيش حياتي الخااصة ومايكون لي تعلق به
>>متااااابعة
الصفحة الأخيرة
استغفر الله العظيم عدد خلقه ورضا نفسه وزنة عرشه ومداد كلماته...