زوجي قالي افضل اهلي عليك

صباح الخير ياعسولات
بقولكم سالفتي ,,,,,, انا تزوجت قبل شهرين المهم زوجي متعلق باهله ويحبهم بشكل مو طبيعي وراتبه كله لهم وانا زيرو علا الشمال بالعكس انا اعطيه من راتبي ويصرفه علا نفسه واهله حتى انه الان وبالوقت الحالي ماعندنا اللي نصرف فيه حالنا لين الراتب مع انه رواتبنا زينه انا واياه لاكن الشكوى لله
وعنده اخو اكبر منه متزوج وماديته زينه ومهتم بحرمته تلبس احسن الانواع ويمشيها ويسفرها الامكان اللي تبيه
وانا من تزوجت لاسافرت ولا شي وحاسه بغصه ومقهووره بشكل مو طبيعي مع ان اخوه متزوج قبلنا بشهرين بس عنده اخلاص لزوجته الله يهنيهم
المهم البارح اكلمه في موضوع المصاريف واقول خل اخوك يحط مبلغ شهري لاهلك وانت زيه واعطوه امكم تصرف علا البيت قالي اخوي مهتم بحرمته ولادرى عن اهلي و(انا تبين الصراحه الصراحه افضل اهلي عليك )انا هينا انصدمت وسكت ولارديت بكلمه وقلت في نفسي وانا جالسه شهرين احسبه يحبني واصرف عليه من راتبي ومااخلي ينقصه شي اخرتها يقولي هالكلام وزوجة اخوه ماتعطي اخوه وجه ومدلعها لاخر سنقه
حسيت اني مو بامان معاه وكرهته من البارح وكلمته براسي حتى عجزت انام منها
ابي رايكم ارد عليه بهالكلام اللي قاللي اياه واناقشه فيه والا لا احس اني مقهووره وكيف اتصرف معاه