زوجي قالي ان شفتك ماكلتها ثانية بتزوووج عليك

تزوجة من سنة و8 شهور

حملت عقب 3 شهور من الزواج حملي كان متعب وكنت اكرف وانظف ووالله حتى كاسة الموية ماقد طلبتها من زوجي بعكس اهو كان ينطل الملابس واشيل وراه وولدت قيصريه يعني خطر علي احمل علطول غير اني ابي اهتم ببنتي واناظرها غير المشاكل واني صرت اقصر او اتاخر في شغل البيت والمطبخ ومقارنتي باخواته وانهم يسوون اشكال الوان وشغلهم متكامل وبيتهم يلق طيب انا مو شغاله عندك بس انا صرت شغاله وام وزوجة 3 في واحد اكيد كلش يبيله وقت وهم يتعاونون انا اليد الوحده ماتصفق اجلس بالمطبخ اطبخ واذا صاحت البنت اطلع ارضع اغير اوكل طبيعي بتاخر مع اني قبل الحمال والولادة كنت زي خواته بيتي يلق وغداه يجي وهو جاهز لاني نايمه بما فيه الكفاية وقايمه بدري بس كلش نساه ولابين بعينه
المشكلة الحين ان ابوه يقولي اذا مشت بنتك تحملين
وخواته اي شي اقوله بطني معدتي يقولون يمكنك حامل
وزوجي هذا اخر ماقالي بتزوج عليك اذا شفتك مرة ثانية ماكلة الحبوب مافكر بعمليتي وضررها لو حملت علطول ولافكر بمشاكل البيت والمسؤلية لانه يجي يحط راسه وينبطح وينام ويترك لي الجمل بما حمل
قلت له اختك وبنت اخوك ولدو عقبي بشهرين ثلاثه هالمرة بحتريهم اول مايحلمون انا بترك الحبوب لاني داريه مهوب حاملين قبل سنتين ثلاث زي كل العالم والناس وسكت ماهمهه كلامي قال المهم قلت لك اللي عندي وخلاص
بالله وش الحل مع عديمي الاحساس ذولا
سباق هجن حنا اجل لو كنت متاخرة بالحمل اول مرة او عندي مشاكل بالانجاب كان علطول ولاهميته
حسبي الله ونعم الوكيل