زوجي قالي بسافر اندونيسيا ..حتى لو بعد 10 سنين

ااااه اكتب لكم وانا قلبي مفجوع من اللي سمعته
اول ماتزوجت زوجي كان ملتزم ولحيه واخلاق وكلش..
فجأه بعد ماحملت اكتشفت انه على علاقه مع بنت بالتلفون..وصارت مشاكل والحمدلله رجع لي.. وتركها مع انه حاول يرجع لها لكن هي تركته الله لايرجعها ويبليها بواحد يخونها يااااارب..
وبعدها حلق اللحيه وصار يسمع اغاني ويتابع افلام مع انه اول ماكان يتابع..
الان اقولكم انسان عادي يسمع اغاني لكن مع نفسه انا مايشغلها عندي..
اخوه اللي اصغر منه سافر لاندونسيا مرتين تقريبا وهو غير متزوج واذا جا قام يمدح بالطبيعه والرخص اللي هناك..
وزوجي ينلحس مخه بكلمتين علطول يخق..
وقالي راح اروح اندونسيا قلت مع مين؟ قال مع اخوي ..
ااااه يالقهر عطيته في وجه قلت ترا محد يروح لهالاماكن الا اللي يدورون ال .....
وقام عصب علي وقال ترا انا متزوج وعندي عيال لاتتهمينا ولاتتهمين اخوي تراه اخوي واعرفه زين..
:mad: قال اعرفه زين قال..
قلت بروح معاك قال اووكي اخذكم معي لكن لي سفره خاصه مع شباب..تعرفين السفر مع الشباب غير عن السفر مع الاهل..
قلت وليه ماسافرت قبل تتزوجني وطيحت اللي براسك ولاتقهرني..وزعلت وقمت نمت بالغرفه الثانيه..
قام هو توضا وصلا ركعتين وجا يراضيني وقال لاتفكرين بشي يمكن يحصل ويمكن لاء..واتركي الوساوس وقومي..
ولو فكرت بروح مو الحين بعد 10 سنين..
:09:
وش يقصد من جد فتح لي ابواب انا في غ نى عنها ماصدقت اني افتكيت من الحيوانه اللي كان يكلمها..
وانا اعرف زوجي مو راعي طلعات مع بنات وكذا ولاعنده جواز سفر حتى ..
ادعو تكفون ان ربي يصرفه عن السفر للخارج ..
وتطيح الفكره من راسه ويكره السفر ويسخره لي..
والله يزوج اخوه اللي اصغر منه ونفتك من غثاه ..