زوجي قالي ردي على اللي تغازلنى و رفضت . لو مكاني شنو تسوين؟

السلام عليكم

في واحدة في شغل زوجي من قبل لا يخطبني هي وراه

هي من أل HR يعني عندها أرقام كل الموظفين و شغلتها تتطلب إنها مرات تتصل بالموظفين لسبب أو لآخر


و هي مستغلة هالشي عشان تكلمه مرات

و من فوق هي قريبة صاحب الشركة و زوجي يتقلع و يخسر وظيفته و هي ما تخسرها

صارت تبعثله مسجات و هو مخنوق منها طنشها كثير بعدين قال لها بصريح العبارة تفكه بس بأدب

ما فهمت

قال لها أنا خاطب (قبل لا نتزوج)
ما صدقته

لين تزوجنا
بس بعد ما تبغى تفك عنه

و وصلت آخر شي شتمها في المسج قال لها إنتي واحدة ما عندك كرامة وشلون ترضين نفسك كذا

تمت تبعث له لا حول ولا قوة إلا بالله

تخيلو يقلها ما عندك كرامة تقله أوكي بس أبغى أعرف ليش ما نكون أصدقاء

هههههه الحمد لله و الشكر

يا بنات هذي واحدة ما يهمها يقول لأهلها عااادي كلهم خرفان

عمها صاحب الشركة يموت فيها و أكيد بيوقف بصفها و لو قال له زوجي أكيد بيطلعه هو إلي يتحرش فيها خاصة إنها صغيرة مع العلم إننا بدولة أجنبية و البنت ××× مشركين و تدري أن زوجي مسلم يعني أولا ما يتزوج مشركة ثانيا متزوج بس هي ما شاء الله ...لا يأس .....


ذاك اليوم كنا طالعين أنا و زوجي دقت على موبايله ..الدنيا لييييييل... قلي بليز ردي عليها و قولي لها أنا مرته و إيش تبين متصلة على زوجي .. قلت له نو ثانكس. ما بي أنزل نفسي و أصير اتخانق مع واحدة على رجال ، مو إنت فهمتها خلاص هذي ما لها حل إلا إنك تطنش و تصبر لين تلاقي شغل ثاني (أو تتزوج هي و تفكنا) أو الحل الثاني إنك تفضحها بس إعرف إنها راح تتهمك إنك إنت اللي تغازل ، أو إنه كان بينكم علاقة قبل زواجك أو أي شي .. و ما أتوقع عمها يطلعها من الشركة أو حتى يجرحها بالكلام لعيون زوجي مجرد موظف من مئات الموظفين ......

زوجي قالي إنتي دمك بارد و ما يهمك ؟؟ قلت له طيب أكيد إنت رجال تدافع عن مرتك في موقف زي كذا بس ما أضن إنك محتاج إني أدافع عنك إنت تدري إني أحبك و أغار عليك بس ما أبي انتقص من قدري و أتكلم مع إلي زيها !!!!

بنات افهموني ...

أنا بس ما حبيت أبرد على قلبها أو أخليها تحس إني خايفة أو أغار أو أن وجودها يهدد زواجنا خاصة إني زوجي مو مقصر أول شي طنشها بعدين كلمها بأدب بعدين هددها بفضحها بعدين بهذلها و قال لها بصريح العبارة مستحييل أنظر لك و مستحيل أتزوجك و لو كنت عزابي و يقول لها أنا متزوج و أحب مرتي و إنسي إلخ ... أبغاها تعرف إني مو حسب لها حساب و زوجي على عيني قال لها مرتي شافت مسجاتك يعني هي تدري إني أدري بس مو هامها.. فأنا ما راح أخذ منه الموبايل و أرد عليها زي المجنونة و أقعد أولول و أهدد هذي وحدة سفيهه و ساقطة أقل ما يقال فيها

أنا مقتنعة بتصرفي بس إنتم وش رايكم

ما هو التصرف الأمثل في هذه المواقف ؟ تردين عليها أو ما تحسبين لها حساب