Afterall

Afterall @afterall

عضوة جديدة

زوجي قال لي انكتم.. هل انا على خطا؟؟

الأسرة والمجتمع

السلام عليكم جمييعا..
حصل لي موقف امس مع زوجي ومرة زعلني وعصبني والى الحين مني قادرة اتقبل الموضوع.. احتاج نصايحكم وتوضحو لي هل بالفعل انا على خطا او هو المخطئ

امس كنا ناكل عشا.. انا وهو وولدي الصغير (عمره سنتين)
جيت ابغا اعطي ولدي ببسي عشان كان نفسه فيه.. ومديت يدي عشان تعطي ولدي بس زوجي قال "لا لا لا" ومنعني اعطي ولدي وكسر قراري
قلت له ان اللي سواه غلط والمفروض ابدااا ما يكسر كلمتي قدام الولد حتى ولو كان صغير
قام زوجي قال "هذا خطا والمفروض ما نسمح له اصلا يجرب شي زي كذا عشان نفسه ما تصير تحبه"
قلت له حتى ولو غلط انك تكسر كلمتي قدامه
ما عجب هالكلام زوجي وقال لا.. اذا حصل شي زي كذا مرة ثانيه رح اقول لا. مرح ينتظر ويقول لي بعدين لما نكون لحالنا
قعدت اتهاوش معاه ان اسلوبه غلط وقاعدين نرفع صوتنا ونحن نتهاوش


انا موقفي ان المفروض ابدا ما يعمل كذا زوجي قدام الاطفال
زوجي موقفه ان هذا الشي غلط. وبما انه غلط عادي يتدخل ويوقفني حتى لو فيها كسر لقراري
حتى اكون عادل كمان.. زوجي يقول لو كان الموضوع مو خطا.. يعني شي في مصلحة الولد انه وواحد منا قال لا. هذا غلط. بس هو شاف ان اعطي ولدي ببسي لان خاطره فيه خطا وعشان كذا مرح ينتظر!!!


تهاوشنا وانا ملحه على رايي وهو ملح ان كلامه صح الين قال لي انكتمي. ما قدرت اتمالك نفسي ورح الغرفه وخليتهم


مين الحين غلط وكيف الواحد يتعامل مع هذا النوع من الرجال :(
12
2K

يلزم عليك تسجيل الدخول أولًا لكتابة تعليق.

تسجيل دخول

انتظرتك ولكن
انتظرتك ولكن
بصراحه انتي الغلط
طفل بهالعمر كيف تشربينه بيبسي
حتى لو خاطره فيه
المفروض مايشرب عشاز مايتعود
دعجه 2
دعجه 2
الله يصلحك كبرتي الموضوع وهو مقصده خايف ع الطفل فقط
وانتي دخلتي بمواضيع ثانيه كسر القرار ووووووو

طيب انتي حصل قدامك تصرف غلط ماراح تتصرفين بسرعه ؟؟؟ مابها كسر قرار او كلمه هو تصرف صار وهو تكلم عن هالتصرف بس وسعي صدرك
Toomaaa
Toomaaa
الموضوع مايستأهل
وانتي اللي غلطانة اول شي غلط تعطينها غازيات حتى لو نفسه فيه
وثانية واذا قال لك زوجك لا هو لا سب ولا صارخ ولا شي كان يمديك تمشينه بضحكة
وثالثة ماله داعي تكبري موضوع زي كذا تطفشين زوجك وتصغرين في عينه روحي تكلمي معاه ولا كأنه صار شي والله يسعدكم
محبة الخير 🌼🤍.
تحطون ‏من الحبة قبة !!
Afterall
Afterall
الموضوع مايستأهل وانتي اللي غلطانة اول شي غلط تعطينها غازيات حتى لو نفسه فيه وثانية واذا قال لك زوجك لا هو لا سب ولا صارخ ولا شي كان يمديك تمشينه بضحكة وثالثة ماله داعي تكبري موضوع زي كذا تطفشين زوجك وتصغرين في عينه روحي تكلمي معاه ولا كأنه صار شي والله يسعدكم
الموضوع مايستأهل وانتي اللي غلطانة اول شي غلط تعطينها غازيات حتى لو نفسه فيه وثانية واذا قال لك...
هو خلا صوته عالي وهو يقول لالا لا.. ماقالها بطريقه حلوة او فيها احترام