طيب ممكن لانك تتأففي او تتنهدي اذا جلستي او وقفتي زي كبار السن ممكن مشيتك بطيئة او تسحبي رجولك سحب لحد ماينسمع صوتها 
او ممكن وجهك ذابل ماتحطي فيه اي كريمات او رتوش خفيفه
هي صح حاجات بسيطه وماتنذكر لكن زوجك لاحظها وعطته عنك عالفكرة 

لازم الرتوش للوجه كحله خفيفه على كريم اساس خفيف واحمر خدود ومرطب او قلوس راح تبعد سيمة الارهاق من وجهك وطبعا لا تنسي شعرك ودوري باليوتيوب تسريحات ناعمه وللبيت وحترتاحي

وزي ماقالت الاخت ام انفال وبتول وانا اتبع هالطريقة من زمان 
لحد ماقال لي انتي ماتتعبي من الشغل ههههههه 
ياحبيبي انا اشتغل قدامك بس ههههه وبس يخرج امارس هواياتي ايام العزوبية 
من دلع ورقص و****د ولعب مع عيالي
لانو هذا اللي مشى اموري مع هالادمي

انا كنت انظف البيت داااايما وزوجي بداوم
ومااترك شي متراكم ابداااا... ع بالي اريح وهو فعلا اريح
لكن وش نسوي في الرجال اللي مايفهمون
المهم جاء يوم وقالي انتي بس قاعده ولاتسوي
الا شي بسيط😱 قلت ومين نظف البيت مو انا
قال البيت نظيف مايتوسخ😂
سكت وجمعت غسيل الملابس حق اسبوع وجمعت مواعين يوم كامل
والسيراميك مامسحته من يومين ولاكنست الارضيات
وهو نايم الصبح يوم اجازته قمت شغلت الغساله
وكنست البيت وازعجته بصوت المكنسه وامسح واغسل الاواني
انهبل الرجال وصحي ماعرف ينام😈 قال كل يوم تسوين كذا قلت ايه كل يوم
الصبح انظف وانت بالدوام المهم ما خلاني اكمل كنيس😂سحب الفيش قال نظفي
بيتك وانا برى يبي ينام😂 قلت حبيت تشوف الفضاوه

ومن وقت لوقت انظف وهو جالس تنظيف خفيف
الرجال طبعهم يجلط يبي لهم ذكاااء وسياسه

وانتي ياصاحبة الموضوع اهتمي بشكلك قبل بيتك
اهتمي لنفسك مو لزوجك وخليك نشيطه

فعلا اتذكر وحده كذا تقول اذا طلع زوجي جلست انظف وارتب عشان يجي يلقى كل شي حلو قدامه
تقول مرت سنة ومره كنت امسح الدرج الا دخل فجأة علي تدرون وش قال
قال اخييييرا تحركتي ونظفتي!!
انصدمت البنت قالت ليه يعني اول ماانظف
قال لا دايم اجي القاك جالسه
قالت والبيت من ينظفه
قال نظيف اصلا مايتوسخ!!!


انا كذا كنت اشتغل وارتب وزوجي بالدوام ويجي يلقى كل شي جاهز 
اتفنن بالوجبات وبلبسي وشكلي وترتيب البيت
ولاكان يهتمم ابد
دايم طالع برا وسافهني واذا رجع نام
والحين بعد ماصار عندي طفل صار ماعندي وقت الصراحه
هذا غير ان صحتي مو مثل اول جد صرت اتعب من اتفه شغل بسبب فقر الدم ونقص الفيتامينات
وسفهته قلت ليش اشقي روحي كل يوم اقوم الصبح واكرف واكرف واتضبط واستقبله ويجي يتغدا وينام ويقوم العصر ويطلع ويخليني مايرجع الا بالليل وينام!!
وصرت انااااام لين يقوم ولدي 
واذا قمت عادي ارتب شكلي ترتيب بسيط 
صح اجهز الغدا وارتب البيت
لكن مو مثل اول اتفنن وازين وحركات وكذا
لاا شي بسيط ويخب بعد
اهم شي نفسي وصحتي وراحتي

😉

البنات ما قصروا

والملح ذوقي الأكل وانت تطبخين اذا مالح او ناقص ملح عدليه

وافحصي اذا عندك خمول ممكن عندك فقر دم او نقص فيتامين د