زوجي قال ي جعله للموت ياعساني مااشوفهه

السلام عليكم
ابدخل بالموضوع ﻷن مالي خلق
مثل ماتعرفون اني حامل امس قلت لزوجي وهو يتجهز للدوام ابي اروح معاك لموعدي بالمستشفئ عند دكتوره النساء قلت بطريقك نزلني قال لا مالي خلق سكتت قلت بعديها
بس تفاجأت بالليل وهو يقول لي بسافر بروح بجيب زوجتي من عند اخوها
للعلم اخوها المنوم لها اسبوع عنده وهو بالرياض
وحنا بالشمال يعني له خلق يجيب زوجتوه وامها واختها من الرياض علما بأن لها اخوان ليش مايجيبونها الا لازم هو يجيبها
وماله خلق يوديني للمستشفئ
قلت ليش هالتفريق بالمعامله انت لك خلق تدق آلاف الكيلوات ومالك خلق توديني نص ساعه ونرجع


قال مهو ضروري موعدك قلت الا ضروري ولي شهرين مارحت والمفروض اروح كل اسبوع ﻷني بالثامن ولازم اتابع حالتي
قال ياجعله للموت ياعساني مااشوفهه قصده الجنين الي ببطني يابنات انا هنا انطرمت ماتوقعت تطلع منه قسم انشلع قلبي يوم قالها ومن البارح كل مااتذكر ابكي علئ هالدعوه ليش مااحترم مشاعري يعني تحملت الوحام والاوجاع والثقل وقل الشهيه والتعب واخر شئ يدعي عليه وماهمه قلبي الي انكسر للعلم هو الي صمم علي اني احمل و فرح كثير لما حملت طيب ابي افهم ليش قال كذا
حسبي الله ونعم الوكيل