مشكلتي مع زوجي هي من الناحية العاطفية.. واللي هي اساس العلاقة الزوجية..
زوجي جداً ثقيل ورزين.. وما يعبر عن مشاعره وعواطفه..
واذا فكر يعبر لي مجرد يلمح تلميح من بعيد..
وما يهتم في المناسبات الرومانسية.. مثل ذكرى زواجنا.. مر اليوم عليه وكأن الأمر لا يعنيه.. وأنا سويت اللي ما يتسوا..
ما يرسل لي رسايل حلوة.. ولا تطلع منه كلمة حلوة..
نفسي يناديني حبيبتي.. حياتي.. روحي.. والله خاطري اسمعها منه..:44:
المشكلة انه ما كان كذه اول ما تزوجنا.. لما اتذكره اول الأيام.. واقلب في ذكرياتي..
اتحسر وازعل.. واقول يا ربي ليش تغير..؟؟ وإلا هو حماس بداية الزواج انتهى وطفى؟؟!! مع أننا لسه ما كملنا سنتين زواج..
والله يا بنات اني اهتم في نفسي.. واسوي حركات ورومنسيات..
واحب التغيير والتجديد.. أنا الحمد لله انسانة واعية ومثقفه.. وأحّكم عقلي كثير في تصرفاتي..
الأشياء اللي احبه يسويها لي.. أسويها أنا له.. عشان يردها لي.. وللأسف ما في نتيجة..
جربت اتكلم معه حوار هادئ.. واشرح له اهمية انه يبادر شوي ويساهم معي في الناحية العاطفية..
جربت أعاتبه عتاب حلو برسائل الجوال.. أو حتى أرسله رسايل بالبريد الإلكتروني..
جربت أني أزعل.. جربت اني اطنش.. كلها ما جابت نتيجة..
ساعات ألوم نفسي.. واقول يمكن أنا السبب أنا اللي عودته أني أبادر وأتحرك وأكون إيجابية
فهو صار سلبي في هذي الناحية؟!!
والله احترنا مع الرجال .. وما عرفنا لهم..
تخيلوا يا بنات أنا قريب والدة بطفلنا الأول.. ولا جاب لي هدية على قومتي بالسلامة؟!!
حتى أهلي يسألوني وش جاب لك زوجك هدية؟؟ اقولهم بعدين الهدية لما أخلص الأربعين..
زوجي كريم وسخي.. مو بخيل ؟!! بس ما أدري ايش سبب تصرفه..
هل هو عدم اهتمام ولا مبالاة؟؟ أو فعلاً ناوي يجيب هدية أذا خلصت الأربعين..
حتى اتصالاته جداً رسمي وثقيل.. مكالمة وحدة في اليوم.. وعبارة عن كيف حالك؟ كيف النونو؟
والله احس بإحباط شديد وملل.. قد ما أحاول أغير وأجدد وأبذل مجهود.. احس ما تفرق معه..
يا ربي.. كيف اخليه يعبر.. كيف اخليه ينطق؟!! كيف ارجعه زي زمان..؟؟ كيف أخليه يترك الرسمية والحواجز؟؟
ويترك الروتين اللي معيشني فيه؟؟
أذا عندكم رقام أخصائيين إجتماعيين أعطوني؟؟
واذا وحدة جربت طريقة مع زوجها وخلته رومنسي..تفيدني بها..
بليز ساعدوني.. لأني من جد زوجي قاهرني!!!
اما الحين الطبع يغلب التطبع يعني بالمختصر زوجك من الرجال اللي طبعهم كلمه ورد غطها
حاولي بعد النفاس تتدلعين عليه لعله ينطق والله يعينك كثير الللي زيه