mais hosaam @mais_hosaam
عضوة فعالة
زوجي قاهرني بفكر اطلق وخلص
السلام عليكم انا من الاردن بتمنى تساعدوني عندي مشكلة وحاولت الاقيلها حل بكل الطرق على الفاضي هلا انا تجوزت وهوة كان دايما مسافر وما شفتو فترة الخطبة غير 12 يوم المهم خلال فترة الخطبة كان ما يسال بشي يعني ما كان يجيبلي اي هدية او هيك شي مع انو كان يبعت اغراض وهدايا لاهلو كبرت عقلي وحكيت انو هوة منيح وهاي اشياء تافهة بس ما كنت اعرف انها راح تتفاقم المشكلة لاكبر من هيك المهم اتزوجنا وبعد الزيجة قعد فترة 7 شهور من غير شغل يعني الي حوشهم من الغربة راحو بزواج والفترة الي ما شتغل فيها المهم ضل وراي انو ابيع ذهبي ووعدني وحلفلي انو راح يرجعهم اول ما يشتغل بس للاسف بعت كل ذهبي وما طلع علي بتعريفة مع انو ذهبي كمان حكيت طالما مو مقصر بمصروف البيت خلص واشتغل وكان راتبو على قدو صبرت ووقفت جنبو المهم احملت وربنا رزقو بشغل الحمد لله ممتاز بياخد راتب 1000 دينار بشهر وحكتلو انو انا بدي مصروف شهري لانو هوة ازا ما طلبت مستحيل يحكيلي خدي دينار وما بيعطيني غير بطلوع روح يعني كاني بشحد منو المهم حكالي الك كل شهر 50 دينار مصروف الك وافقت احسن من بلا وحكيتلو مصاريف بنتك عليك ما تفكر 50 مصاري حكالي طيب مشى معي 3 شهور يعطيني وبعدين بلش يطلعلي الف حجة صارت 50 دينار ازا بدو يعطيني اياها راح انموت من الجوع مع انو معو وبصرف على حالو بهبل وبيعطي لاهلو وانا والله ما بحكي شي اعملت كل الحلول على الفاضي لدرجة توصل بينا لطلاق من ورا المشاكل كمان عبس وانا وحدة متزوجة وما بشتغل يعني ماعندي مصدر دخل غيرو وهوة ماسكني من هناحية وهلا انا كمان حامل ولازمني اواعي حمل بحكيلي مافي داعي مو ضروري بحكيلو طيب بنتك بتكبر بدها اواعي بحكيلي مشيها بيلي عندها مافي داعي يعني كل شي عندو ما الو داعي وانا جد نفسيتي تعبت بدي مصروف اشتري احتيجاتي متلي متل اي وحدة من وين اجيب حكيتلو هيك الف مرة كمان عبس لدرجة انطفست وكل ما اشوف شي بيعجبني ما احطو ببالي لانو عارفة مامعي وماراح يعطيني وصار يحكيلي طالما بجيبلك اغراض للبيت ما الك عندي شي وطلبت منو يجيبلي غسالة فل اتومتك لانو غسالتي بحوضين صار يصرخ فيي ويحكيلي انو بدي اشي يريحني واني مابدي اتعب وبدي الشي جاهز بتمنى تساعدوني شو اعمل والله صرت اكرهو بس انا قلبي طيب وحتى البيت ما بخلي فيه دينار يعني قاطعني من جميع النواحي وحتى ازا بدي شي بحكيلو يجيبو لاهلو والله العظيم بيجيبلهم اياه على طول شو اعمل اطلق واخلص لاني جد صرت اكرهو
20
3K
يلزم عليك تسجيل الدخول أولًا لكتابة تعليق.
إجلسي معه وتفاهموا بالهدوء وقوليله على كل إللي مضايقك الله يهديه ويسخره لك ياربإجلسي معه وتفاهموا بالهدوء وقوليله على كل إللي مضايقك الله يهديه ويسخره لك يارب
الصفحة الأخيرة
اصبري وربي يهديه ويعوضك خير
تقدرين تاخذين وهومايدري
بماانه نهائياحارمك