زوجي قتلني وانا حية

بقول الي بخاطري بدون تردد
لأن مثل هالمساحة الصغيرة (نعمة عظيمة) لوحدة تعيسة مثلي ماتقدر تشكي أو حتى تبكي بصوت عالي
أول شي أنا أم لطفلين الله يحفظهم هم سبب صبري لهاللحظة لولاهم ماكنت راح أتردد لإنهاء زواجي
ويمكن هم سبب ترددي لإنهاء حياتي علشان ارتاح من هالموت البطيء الي انا فيه
باختصار حياتي سقيمة
زوجي إنسان غريب بارد المشاعر ماعنده اهتمام لأي شي بالحياة غير حياته المهنية و اجتماعاته وسفرياته
مشغوووول بمواعيده واذا صار وقضى وقت معنا فهو مو معنا وعيونه على ساعته ...
كل الامور الطبيعية الي تسويها العائلات (الطبيعية) مثل طلعة مع عيالهم او سفر او او .، ، ، الخ
بالنسبة له هي( واجب ) يؤديه لأن دوره ك أب يفرض عليه هذا الشي
قيسوا هالشي حتى في دوره كزوج من كل النواحي العاطفية ايضاااااا هو يحاول أن يؤدي واجبه و خلاص .
طبعا كللللل هذا كان افضل جزء في حياتنا .. أما الجزء الأسوأ هو الي نعيشه حاليا والواقع الي وصلنا له
صار كل واحد فينا ينام بغرفة منفصلة .. وكلامنا مقتصر على ( عشا ، غدا ، طلعة ..،
زوجي شخصية صعبة جدا ..كل نقاش معه اطلع فيه بالاخير انا غلطانة ونكدية
اوقات اقول له خلينا نتفاهم بهدوء انا وانت ندور حلول ، يرتفع صوته ويحط اللوم علي وان انا مايملى عيني شي .
بيوم من الايام فضفضت له قلت له اني كرهت هالحياة مااابي منك غير شوية اهتمام ..
قدمت له هدايا بس علشان ابين له اني فعلا احاول انقذ هالزواج ..وتسلفت وتدينت علشانه
وبالاخير قابلها ببرود معتاد وقال لي تحبين الخساير .، ولقيتها مقطوطة في درج الكبت .
ما ابالغ لو قلت لكم ان مافي شي يسعده بهالدنيا ..حتى اصحاب ماعنده ولا يهتم بوناسته ..
كئيييييييب ويحرجني مع اهلي بأي زوارة عائلية دائما هو الشخص الصامت الي مو عاجبه شي
و يتعمد يجرحني بحركاته ..مثلا يمتدح اي شي وبعدين يقول : خلف الله علينا محد يسوي لنا جذي <يقصدني
ومرة كان معصب وناديته قدام اهلي و حقرني ..ماتتصورون كمية الحزن بقلبي وقتها .،ونظراتهم قتلتني كأنهم يشفقون على حالي .
تكفون مابي وحدة تستصغر مصيبتي وتقول لي انتي احسن من غيرك ومن هالحجي ....
انا صرت بأي تجمع عائلي ابعد عنه بقدر الإمكان لأني ماصرت اتحمل تجاهله واهاناته لي من تحت لتحت
حياة سقيمة فعلا ..
يتصل من شغله بس علشان يسأل عن العشا أو الغدا والله العظيم مايقول كيف حالكم
قتلننننني قتلني وصلت لمرحلة أحس فعلا كرهته بمعنى الكلمة
صرت افكر بنفسي واحاول انشغل بتربية عيالي حبايبي واطلع وياهم ونستانس سوا وهو ماطقيت له خبر
و صرت اقوم بدوري مثللل مايسوي هو بالضبط احط غداه وعشاه و اجهز له اي شي هو يحتاجه مثل الخدامة فقط
وما اكذب لو قلت لكم فعلا كرهت كل شي ولا ابيه حتى يقرب مني هذا لو افتكر فيني اصلا
اكتفيت بنفسي وعيالي واهلي و اعترف اني فشلت تماما في فهم هالشخص وانه اخذ كثيييير من طاقتي
واجلس ابكي كل مااتذكر عمري الي قاعد يروح ..واني اذا صرت عجوز ماراح اذكر غير المر الي تجرعته بصمت في شبابي
قتلني وانا الجميلة الي استرضاني كل شاب ولا رضيت إلا فيه 👐
بتقولون وش الي حادك تكملين معه ؟
اولا عيالي مابيهم يضيعون ويفقدون ظل ابوهم ولو ان ظل الحيطة افضل منه
ثانيا ماعندي استطاعة مادية ولا كان استقليت بنفسي وعيالي و شلتهم فعيوني لكن هيهاااات لوحدة مثلي في هالمجتمع
ادري ومتاكدة اغلبكم مثلي ساكتين على حالهم بس لأن ما يقدرون ينفصلون عن ازواجهم لنفس الأسباب
انا مثلكم بالضبط تعبت تععععععبت و أسأل الله العظيم يريحني من هالحياة لأنها صارت عبء على قلبي
وكل نفس يخرج مني أتمنى انه مايرجع ..
سامحوني لو زدت في شكواي والله ماتجرأت أشكي لأي شخص
عادي الي تبي تدخل تسبني وتطلعني مافيني خير
كلامكم مابيجرحني لأن بصدق أحس اني ميتة