زوجي قلبه قاسي علي وعلى عيالي

مساء النور حبيباتي كيفكم ربي يسعدكم انا داخله وكل امل الاقي عندكم حل بعد الله سبحانه ومابي اي رد جارح او ملام انا زوجي انسان قاسي علي اتعب وامرض والله مايرحمني ولاشي ينقهر اذا فرحت اذا انعزمت ورجعت فرحانه او جتني هديه او فرحت بخبر يدور اي شي عشان اتضايق وزعلي مايهمه ابد حتى عيالي يمرضون بالشيل والحط يوديهم المستشفى ولايسال عنهم اليوم بنتي مريضه حرارتها 39 عطيتها الدواء واستفرغت عطيتها تحاميل مانزلت حرارتها قلت له ودها المستشفى عيا علي وطلع للكليه والله ما اتصل ولاسال عن بنته والبنت كانت طايحه بفراشها حمراء من التعب والله مايرحمنا ولايحن علينا وراعي منه لو سوى شي يجلس سنين يقول سويت وفعلت واذا سافرنا قال انا سفرتك انا سويت لك وانا والله العظيم ماطلبته السفر ولا احس اني زوجه احس مالي حق اطلبه شي احس اني خادمه مذلوله مصروف مايعطيني لازم كل شي من فلوسي عمري ماحسيت اني زوجه افرح بنزول راتب زوجي وهو عمره مانزل راتبه وقال يالله نروح نشري اغراض البيت او خوذي هالمبلغ لك دايمن يحسسني انً مالك حق براتبي ولالك حق بتنظيم الميزانيه العشاء برا انا ادفع بتقولون لاتروحين طيب محتاجه اغير جو اشم هوا ماعندي اخوان اكلمهم وابوي تعبان بالسكر واخاف عليه لانه عصبي /ولو طلبت من زوجي شي قال انتي تحبين الدنيا انتي الدنيا تهمك حتى لو من فلوسي واللهزما اذكر دخل علي بهديه او شي يفرحني فيه جبت طفلين ماشفت منه اي شي ويجرحني بالكلام وكل اخطاء الدنيا علي ومع ذلك ما ازعل ابتسم وبعد كم ساعه اسوي قهوه واقوله تعال تقهوى لاني جربت الزعل مانفع يهجرني بالايام مايراضيني جربت النقاش يطلعني انا الغلطانه احس اني جسد بلا روح احس اني مجرد خادمه احس نفسي ثقيله امي ماتبي تجي بيتي بسبته وابوي كذلك وامي ماتبي تطلع معي مشوار بسبه عيالي الكل نفر مني صرت لا اروح ولا اجي قليل اطلع بسبتهم ودايمت يقولي لو لم اهل مثل الناس ماكان هذا حالك مع ان اهلي من الناحيه الماديه ماقصروا معي حياته كلها جنس بجنس صرت احس اني زي الحيوان ماخذني بس لهالشي ولاطلبت ريال منه قال انتي تحبين الفلوس انتي متزوجتني عشان الفلوس تعبت يابنات ابي وحده تكون لي ام قبل لاتكون لي صديقه محتاجه قلب يحن علي او بالكلام عمري 20